Baromeŋ 6:19 - Mankanya

¹⁹ Mënkhoñ na an ţiki naando bi hil pyikrën. Nawo ţfa bañaaŋ banţuuŋ ŋhaaş ŋi baka bŧi ţi iko iţop na pjuban, hënk naji nabi pok pok pţaş Naşibaţi ; kë hënk kak di di nawooŋ hënkuŋ kaţu ŋhaaşan bŧi ţi pdo kado iko inwooŋ iŧool kakaana ubida uyimanaan.

Baromeŋ 6:19 Iomraidhean Croise

Bgah 13:40

« Woli ñiinţ aloŋ awo ţi pwaaŋ uwel kë ukjot kë bkow baduka bjinţ, mënţ pmaak pa, awo najinţ.

Maci 4:23

Yeŧu aji ñaay na uŧaak wi Galilay bŧi kajukan ţi itoh iñehanaani, kabot kaţup Uţup Ulil Unuura wi Pşih pi Baţi, kajeban mmaak bŧi na pţakëm bŧi ţi bañaaŋ.

Baromeŋ 15:1

Nja ŋnfiyaaruŋ aliinŧ ţi Kriŧtu ŋwo i kado kamiir banwooŋ baanka mnhina mënţ, kawut kado uko wi nja ŋŋaluŋ ţañ.

Baromeŋ 3:5

Kë woli buţaan di ŋdoluŋ dayuuj bnuura kë Naşibaţi awo naŧool, we uwooŋ wi pţup ba ? Woli Naşibaţi adiiman nja udeebul, aankpën ţi pwo naŧool i ? Kë nşaaŋ aţiini jibi ñaaŋ najën ajaaŋ aşal.

Baromeŋ 6:13

Nakwut nin dko dloŋ ţi uleefan dawo ţi pekadu, dado kado iko inwooŋ iinwo iŧool. Wi nanaţiiŋ ţi pkeţ aka ubida, naţëpën ţëp nawul Naşibaţi ŋleefan. Nadolan uleefan bŧi udo kado uko unwooŋ uŧool ţi kadun ki Naşibaţi.

Baromeŋ 7:23

aşë wo ţi uleef naan meeţ na uko uloŋ unjaaŋ ugut na bgah bi mmeeŋ aji bawo bnuura, kadolën nkak nakalabuş i pekadu danjaaŋ daţoŋën.

Baromeŋ 8:26

Jibi ŋbiişniiŋ, Uhaaş wi Naşibaţi uji uţënk nja ; wi ŋwooŋ ŋëmme uko wi ŋkñehanuŋ Naşibaţi, Uhaaş uji uñehan pa nja kaşë wo uunji uţëpna ţi ŋţup.

1 Korinŧ 5:6

Naanwo i kado kahomp nin ! Naamme kë uko untiinku utaajanaan pşon ujaaŋ unaţan pşon pŧum i ?

1 Korinŧ 6:11

Kë hënk di baloŋ ţi an babiiŋ awo. Kë Naşibaţi i nja aşë ţëpna ţi Yeŧu Kriŧtu Ajugun na Uhaaş wi nul añow ipekadu yi nan, kë nakak ayiman, adolan kë nawo baŧool ţi këş ki nul.

1 Korinŧ 9:8

Dţiiniyaan iko yi bañaaŋ bajën bajaaŋ bado nahilna nayikrën, kë Bgah bi Moyiŧ bakak aţiiniyaan uko mënţ kak.

Galaŧiya 3:15

Bayiţ naan natenan ţi udolade wi bañaaŋ. Woli ñaaŋ ado kahoŋ ţi kadun ki bañaaŋ, nin ñaaŋ aloŋ nampaţi aanhil kagar kahoŋ mënţ këme kahoţan uko uloŋ ţi ka.

Bahebërë 12:15

Naţaafaraan aloŋ ţi an adek kafeţ bnuura bi Naşibaţi ; naţaafaraan aloŋ awo ji bko bwuţaan banjaaŋ badëm kaşë kabuk mnko mnŧum manwuţuŋ. Ñaaŋ mënţ ahil kaneeman baŧum maakan.

Bahebërë 4:15

Naşih i baţeŋan naweek i ŋkaaŋ aji miir nja ţi pbiişna pi nja ţiki bawuuka ajuban ţi iko bŧi jibi bawuukuŋ nja ŋjuban kë aambaaŋ kajubanaara.