Baromeŋ 3:5 - Mankanya

⁵ Kë woli buţaan di ŋdoluŋ dayuuj bnuura kë Naşibaţi awo naŧool, we uwooŋ wi pţup ba ? Woli Naşibaţi adiiman nja udeebul, aankpën ţi pwo naŧool i ? Kë nşaaŋ aţiini jibi ñaaŋ najën ajaaŋ aşal.

Baromeŋ 3:5 Iomraidhean Croise

Ujuni 18:25

A-a, iinkdo uko uŧënţ waŋ, kado naŧool akeţ na nado buţaan. Naŧool awo wo ji nado buţaan. Iinkdo uko uŧënţ waŋ. Kë iwi nawayëş umundu bŧi ido uko unwooŋ uŧool di. »

Baromeŋ 12:19

An bayiţ naan biki nŋaluŋ, naklukan nin, nawutan Naşibaţi awayëş. Hënk di di Ajugun ajakuŋ ţi ulibra wi nul : « Nji dluŋ kalukanan, nji dkluŋ katuuman »

Baromeŋ 2:5

Kë işë wo iinji kŋal kate, iindi pwut pjuban ukaaŋ kë iji kla kakob kaweek wal wi Naşibaţi akdiimanuŋ udeeb uweek wi nul na pwayëş pŧool pi nul.

Baromeŋ 3:19

Kë ŋşë me bnuura uko bŧi wi bgah bajakuŋ, baţup na banwooŋ i kaţaş ba, bañaaŋ bŧi bahilna bayomp başë bayikrën kë baduknaana bŧi ţi kadun ki Naşibaţi.

Baromeŋ 3:7

Kë wi ŋţilan naan ŋakaaŋ kë manjoonan mi Naşibaţi manwinanaa abot adiiman mndëm mi nul, we ukaaŋ keeri kë nduknaanaa wi njubanuŋ ?

Baromeŋ 4:1

Kë hënkuŋ, we wi ŋkjakuŋ keeri ţi Abraham i ŋwoonuŋ ţi kabuka ? We wi Naşibaţi ayuujuluŋ ţi pwo naŧool pi nul ?

Baromeŋ 5:8

Uko unkyuujuŋ kë Naşibaţi aŋal nja maakan uwooŋ kë wi ŋhumuŋ ţi pekadu, Kriŧtu akeţ pa nja.

Baromeŋ 6:1

Kë we wi ŋkjakuŋ keeri ? Ŋwo kaduka ţi pjuban kayeenkna bnuura bŧum bi Naşibaţi i ?

Baromeŋ 6:19

Mënkhoñ na an ţiki naando bi hil pyikrën. Nawo ţfa bañaaŋ banţuuŋ ŋhaaş ŋi baka bŧi ţi iko iţop na pjuban, hënk naji nabi pok pok pţaş Naşibaţi ; kë hënk kak di di nawooŋ hënkuŋ kaţu ŋhaaşan bŧi ţi pdo kado iko inwooŋ iŧool kakaana ubida uyimanaan.

Baromeŋ 7:7

Kë we wi ŋwooŋ keeri kaji ? Bgah bi Moyiŧ ţi uleef wi ba bawo pekadu i ? Nin ! Mënţ hënk da. Kë uşë wo woli mënţ bgah ba lah, mënkme uko unwooŋ pekadu. Woli mënţ bgah bajakuŋ lah wutan kañeebar bka bi ñaaŋ, mënkme uko unwooŋ pñeebar uko wi ñaaŋ.

Baromeŋ 8:31

Kë we wi ŋwooŋ kaţup ţi uko mënţ bŧi ? Woli Naşibaţi awo na nja, aloŋ ahinan kaşoor nja i ?

Baromeŋ 9:30

Kë we wi ŋwooŋ kate ţi uko waŋ ? Wii wi : bañaaŋ banwooŋ baanwo bayuday banwooŋ baankla ţfa pwo baŧool ţi kadun ki Naşibaţi, bakak baŧool ţi kadunul ţiki bafiyaara.

1 Korinŧ 15:32

Woli uşal wi bañaaŋ bajën ţañ ukaaŋ kë ngutan na ŋko ŋi uţeeh du Efeŧ, we wi nkaaŋ da ? Woli bankeţuŋ baanknaţa ţi pa, nabiin ŋde ŋbot ŋdaan ; ŋkeţ faan.

1 Korinŧ 9:8

Dţiiniyaan iko yi bañaaŋ bajën bajaaŋ bado nahilna nayikrën, kë Bgah bi Moyiŧ bakak aţiiniyaan uko mënţ kak.

2 Korinŧ 6:4

Ŋbaa ţëp ţëp adiiman ţi iko bŧi kë ŋwo balempar Naşibaţi na manjoonan. Ŋji ŋtam kamiir ţi mnhaj, unoor na phaajala.

2 Korinŧ 7:11

Natenan keeri uko wi pjooţan pi Naşibaţi aţu'anaŋ padoluŋ ţi an : natenan jibi najaaŋ naŧar kanaţ kaliinŧ, jibi nañehanuŋ aji Naşibaţi amiiran, jibi nakowiiŋ, jibi nakţiiŋ Naşibaţi, jibi nanuhnuŋ na manjoonan, jibi naţuuŋ ŋhaaş, jibi najaaŋ naŋal pweţan andoluŋ buţaan. Nadiiman ţi iko bŧi kë najinţ ţi uko mënţ.

Galaŧiya 2:18

Woli dkak ţi bgah bi mbiiŋ aduk, ddiiman wal mënţ kë djuban ţi ba.

Galaŧiya 3:15

Bayiţ naan natenan ţi udolade wi bañaaŋ. Woli ñaaŋ ado kahoŋ ţi kadun ki bañaaŋ, nin ñaaŋ aloŋ nampaţi aanhil kagar kahoŋ mënţ këme kahoţan uko uloŋ ţi ka.

Uko wi ayuujuŋ Yowan 15:3

aşë yeeh kayeeh ki bi Moyiŧ nalempar Naşibaţi na anwooŋ unkaneel wi bţeŋan, aji : « Iwi Ajugun Naşibaţi Anhiniiŋ iko bŧi ; udo wi nu udëmi abot awo uñoŋarënaan, iwi naşih i ŋŧaak. Bgah bi nu bawo bŧool abot awo bi manjoonan

Uko wi ayuujuŋ Yowan 18:20

Baţi, banjañan na baţupar Naşibaţi na an biki nul bŧi nalilaan ţi pjot pi wa, Naşibaţi akob wa ţi uko wi udolanaŋ.” »