Baromeŋ 1:20 - Mankanya

²⁰ Nin ñaaŋ aambaaŋ kawina Naşibaţi, kë du wal wi apaşnuŋ umundu te hënkuŋ, woli bañaaŋ baten iko yi apaşuŋ, bawin mndëm mi nul manwooŋ maankba kabot kame kë awooŋ Naşibaţi na manjoonan. Bañaaŋ bajën baanhilan kafaŋ ţiki baankdëman Naşibaţi abot ado iko inwooŋ iinwo iŧool.

Baromeŋ 1:20 Iomraidhean Croise

Ujuni 1:1

Du ujuni Naşibaţi apaş baţi na mboş.

Ujuni 21:33

Abraham aŧepi du Beerşeba bko bi bajaaŋ bado Tamariŧ aşë dëman da Yawe Nawat Kabuka anwooŋ aankba.

Kañaam 8:3

Iţëpna ţi mntum mi bapoţ bankmbootuŋ, mi bambaaŋ abuka buka, adiiman mndëm mi nu ţi kadun ki başooradu, kadolna baka bayomp, bukal bankdooŋ na plukan.

Maci 5:45

Nadiiman hënk, kë nawo babuk Naşibaţi Aşinan anwooŋ du baţi. Ul andooŋ bnuur kë baktër pa bado buţaan na bado bnuura, abot ado uşubal kë ukjot ţi baŧool na ţi banwooŋ baanwo baŧool.

Markuŧ 10:6

Ţi ujuni, wi Naşibaţi aţakuŋ umundu, ado baka kë bawo ñiinţ na ñaaţ.

Yowan 1:18

Nin ñaaŋ aambaaŋ kawina Naşibaţi. Abukul i akaaŋ anwooŋ Naşibaţi, ankabuŋ ţi Aşin, ameeţanuluŋ.

Yowan 15:22

Woli mëmbi lah, awo mënţiini na baka, baankduknaana, kë başë wo hënkuŋ baanka uko uţup ţi pekadu di baka.

Ulemp 17:29

Kë wi ŋşaaŋ awo biki pntaali pi Naşibaţi, ŋënwo kaşal kë Naşibaţi anaam ji ptu pi uwuuru, këme unŧaam, këme plaak, iko yi ñaaŋ apaşuŋ ţi uşal wi nul.

Ulemp 22:1

« An baŧënţ naan na başin naan, naŧiinkan uko wi nji kaţupuŋ pa pyeŋan uleef naan. »

Baromeŋ 1:19

Kë uko wi ñaaŋ ahiluŋ pme ţi Naşibaţi uşë wo ujinţ piş pa bañaaŋ bŧi : Naşibaţi ţi uleeful adiiman wa baka.

Baromeŋ 16:26

Hënkuŋ kakşa manjoonan mënţ manţëpna ţi uko wi baţupar Naşibaţi bapiiŧuŋ, uko wi Naşibaţi anwooŋ aankba ajakuŋ aji udolana, apën awinana ţi kadun ki ŋŧaak bŧi ŋahilna ŋafiyaara ŋabot ŋado kaţaşa.

Baromeŋ 2:1

Iwi, ñaaŋ i iwohaŋ, iinfaŋi woli iji kşal kë bañaaŋ baloŋ baduknaanaa. Na manjoonan woli iji baduknaanaa aşë do ji baka, iji kdiiman iwi ţi uleefu kë iduknaanaa.

Baromeŋ 2:15

Baji badiiman hënk kë uko wi bgah bi Moyiŧ bajakuŋ upiiŧana ţi baka meeţ, ŋhaaş ŋi baka ŋaji ŋaţup baka me uko wi badoluŋ uwuţi këme uwo unuura. Ŋşal ŋi baka kak ŋaji ŋaţup baka uko me uwuţi këme unuura.

1 Korinŧ 1:20

In awooŋ na uşal unŧuŋa ba ? In awooŋ name ? In awooŋ nalil mntum i umundu wi nţa wi ? Naşibaţi adiiman kë uşal unŧuŋa wi mboş uwo ŋyila.

Koloŧ 1:15

Nin ñaaŋ aambaaŋ kawina Naşibaţi, ţi mnwo mi abukul mënţ mi mi ŋwinuluŋ. Ul awooŋ naŧeek, akşihuŋ iko bŧi impaşaniiŋ,

Koloŧ 2:9

Ţi ul ţi uleeful di di iko bŧi inwooŋ ţi Naşibaţi ifëţuŋ.

1 Timote 1:17

Iwi inwooŋ Naşih te mnţo, iwi inwooŋ iinkba, iwi i nin ñaaŋ aloŋ awooŋ aanhil pwin, iwi inwooŋ aloolan ţañ, pdëm na mndëm manwo ţi iwi te mnţo. Uwo haŋ.

1 Timote 6:16

Ul ţañ awooŋ aankkeţ, afëţ du bjeehi bi nin ñaaŋ awooŋ aanhil pban, ul i i nin ñaaŋ awooŋ aambaaŋ kawina këme kahil pwin. Ul awooŋ na mndëm na mnhina te mnţo ! Uwo haŋ !

Bahebërë 11:27

Pfiyaar pakaaŋ kë apën du Ejiptu, awo aanţo aten udeeb wi naşih, amëban aliinŧ ji ñaaŋ anwinuŋ Naşibaţi anwooŋ aanhil kawinana.

Bahebërë 9:14

hum di di pñaak pi Kriŧtu pawooŋ paankjinţan ŋhaaş ŋi nja kapënan iko iwaaŋ udooni injaaŋ iţij pkeţ ŋhilna ŋdo kalempar Naşibaţi anwooŋ najeb ? Ul Kriŧtu awo i mnţo ukaaŋ kë bţeŋan bi adoluŋ wi awuluŋ uleeful Naşibaţi kë balila.