1 Korinŧ 13:3 - Mankanya

³ Woli dţen iko yi nkaaŋ bŧi, woli ddoo wul uleef naan batër aşë wo mënwo na uŋal, mënka nin udooni.

1 Korinŧ 13:3 Iomraidhean Croise

Maci 23:5

Ţi iko bŧi yi bakdoluŋ baji bala pwinana ţi bañaaŋ ukaaŋ kë kako ki bajaaŋ baţu Uţup wi Naşibaţi katan ţi bkow na iñen yi baka kaji kadëm. Iñen yi imişa yi baka ikak aji ihaan maakan.

Luk 18:22

Wi Yeŧu aŧiinkuŋ uko waŋ aşë ji na a : « Iduka uko uloŋ kak : waapan iko yi ikaaŋ bŧi, ijej itaka iţen bajuuk, woli ido haŋ kşë ka pyok du baţi. Wal mënţ, kşë bi, kaţaşën. »

Luk 18:28

Ŧimoŋ Piyeer kë aşë ji na a wal mënţ : « Tenan, ŋduk iko yi ŋkaaŋ bŧi pa pţaşu. »

Luk 19:8

Kë Ŧake aşë naţa anaţ, aji na Ajugun : « Ajugun, tenan, dfaaş bka bi naan ţi pŧoof kaţen bajuuk, akak awo woli dguur ñaaŋ bka bi nul kakakana ŋyaaş ŋbaakër uko wi nyeenkuluŋ. »

Yowan 12:43

Bahokan pwinana bnuura ţi bañaaŋ apel pwinana bnuura du Naşibaţi.

Yowan 13:37

Kë aşë ji na a : « Ajugun, we ukaaŋ kë mënhil pţaşu da hënkuŋ ba ? Woli udoo wo nkeţ pa uko wi nu, nji wi ! »

Yowan 15:13

Uŋal undëmnuŋ uwo pwul ubida wi ñaaŋ pa banohul.

Yowan 6:63

Uhaaş wi Naşibaţi ujaaŋ uwul ubida, ñaaŋ najën aanwo nin ukoolan. Ŋţup ŋi nji nţupanaŋ ŋado Uhaaş wi Naşibaţi na ubida ŋabi ţi an.

Ulemp 21:13

Kë Pawulu aşë ŧeemun aji : « We wi nabaaŋ awooni ba, aŧokën uşal ? Nji, katim ki Yeŧu Ajugun kakëş nwut batanën bafiŋ du Yeruŧalem. »

Galaŧiya 5:26

Najoh ŋwut phomp : ŋwut kalaar bţup, ŋwut kakujar.

Filipiya 2:3

Nawutan kado kado nin uko uloŋ na uşal wi bpulad, këme kado kado uko uloŋ kalaana pwinana. Naţëpën ţëp nawalan ikow nado katen baŧënţan ji badëm apelan.

1 Timote 4:8

Na manjoonan ptaman kado kaşëŋ şëŋan uleef panuuraa, kë ptaman kado kaţaş Naşibaţi paşë nuura pa iko bŧi ; pawo na kahoŋ ki ubida wi nţa na wi faan.

Bahebërë 13:9

Nakwut pjukan pampaţuŋ na Uţup Ulil Unuura pañooţan du bdëm. Ñaaŋ awo katëŋna ţi bnuura bi Naşibaţi, aanhil katëŋna ţi idolade ţi uko ude inwaaŋuŋ udooni ţi banjaaŋ baţaş ya.