1 Korinŧ 1:12 - Mankanya

¹² Dŋal kaji baloŋ ţi an baji baji : « Nji dwo na Pawulu », aloŋ kaji « Nji dwo na Apoloŧ », aloŋ kaji « Nji dwo na Kefaŧ ». Aloŋ kak kaji « Nji dwo na Kriŧtu. »

1 Korinŧ 1:12 Iomraidhean Croise

Maci 23:8

« Kë an, nawutan kado bañaaŋ bado kadu'an “Najukan” ; an bŧi naţaari abot akaha najukan aloolan ţañ.

Yowan 1:42

Añooţa du Yeŧu. Yeŧu ajabana këş aşë ji : « Iwooŋ Ŧimoŋ abuk Yowan, hënkuŋ ido kadu'ana Kefaŧ. » Kefaŧ dawooŋ Piyeer.

Ulemp 18:24

Wal mënţan, kë nayuday aloŋ i bajaaŋ bado Apoloŧ abuk ubeeka wi Alekŧandriya aşë bi, aban ţi Efeŧ. Awo ñiinţ anjaki ţiini bnuura, ammeeŋ bnuura Ulibra wi Naşibaţi.

Ulemp 19:1

Wi Apoloŧ awooŋ ubeeka wi Korinŧ, Pawulu aţëpna bgah bi inkuŋ duuţ, aban Efeŧ. Aţënk da banfiyaaruŋ baloŋ

1 Korinŧ 1:11

An bayiţ naan, uko unkaaŋ kë nji kaţiini haŋ uwo kë bañaaŋ biki ufëţ wi Këlowe baţupën aji bpulad bawo ţi pŧoofan.

1 Korinŧ 15:5

Apën awinana ţi kadun ki Kefaŧ, aluŋ apën awinana ţi kadun ki banjañanul iñeen na batëb.

1 Korinŧ 15:50

An bayiţ naan ţi Kriŧtu, uko wi nji nŋaluŋ kaţupan uwooŋ kë ñaaŋ najën aanhinan kaneej du Pşih pi Naşibaţi, kë uko unkpuţuŋ uunhinan kaneej du dko di iko iwooŋ iinji ipuţ.

1 Korinŧ 16:12

Kë Apoloŧ ayiţ nja ţi Kriŧtu, ddabëra abi pwinan ul na bayiţ nja bandukiiŋ, kë aşë wo aando bi ŋal pbi hënkuŋ ; aluŋ kabi woli ahinani.

1 Korinŧ 4:6

An bayiţ naan nakaaŋ kë nţëpna ţi uko wi Apoloŧ na wi naan nahilna najukna ţi un pwut kado umpaţi na uko wi bapiiŧuŋ. Hënk, nin aloŋ ţi an awutna kado kahomp kaji awo na imoŋ këme na undu.

1 Korinŧ 7:29

An bayiţ naan, uko wi nŋaluŋ kajakan wii wi : uba umundu uñogi. Hënkuŋ banwooŋ na baaţ bawoon ji baanwo na baka,

1 Korinŧ 9:5

Ŋënka na pjej ayiţun ţi Kriŧtu awo aharun jibi banjañan bandukiiŋ na babuk aşin Ajugun na Kefaŧ i ?

2 Korinŧ 10:7

Nahaabëşan këş naten iko bnuura ! Woli ñaaŋ afiyaar na manjoonan kë awo i Kriŧtu, ameen kë un kak ŋwo biki Kriŧtu ji ul.

2 Korinŧ 9:6

Dŋal naleş uko wi : ñaaŋ anŧepiiŋ untiinku aji kit untiinku, kë anŧepiiŋ uŧum aji kit uŧum.

Galaŧiya 2:9

Kë Yakob, Piyeer na Yowan banŧiinkaniiŋ maakan ţi banfiyaaruŋ başë yikrën kë Naşibaţi awulnuŋ mnhina mi pdo ulemp mënţ ; ukaaŋ kë bawulën iñen nji na Barnabaŧ ayuuj kë baţok na un : un, ŋya du banwooŋ baanwo bayuday, bukal du bayuday.

Galaŧiya 3:17

Uko wi nji ŋaluŋ kaţupan wii wi : Naşibaţi abi hoŋ Abraham, kë bgah bambaaŋ abi bi wi ŋşubal iñeen week ŋyaaş ŋbaakër na iñeen ŋwajanţ (430) ŋaţëpuŋ baanhilan pgar kahoŋ mënţ, këme kaŧok uko wi Naşibaţi ajakuŋ.