Yúda 1:3 - Ɔngana á Kɛ̌kɛ

³ Cɔ, ɓadani ékondi, ɗétú na mɔphɛ phɛɛ á ɗunduia anu nyɔngɔ á ɓoamia á ka měma, nnde ɓesu ɓɔbu ɓeɓeeki. Nɛɔni gǎkɛ ánjá nénoɗunduiɛ ka opha anu ɓukpɛkpɛ ka měma, ɓóúniɛ ɓeekea nde Mokonga ɗéɓophi ɓakpa nɛkɛ mɔngɔ ímoci.

Yúda 1:3 Iomraidhean Croise

Ekuma á ɓateki 17:3

Áokoɗa ɓuku ndɔ, áɔtɔmiaga na phangia aɓɔ gea, ɗákeni Kiísito átambɛgɛ na kuwa, mpɔ áojujuka ka kukuwa. Áǒgea te: «Yéso, mmbé nɛɔnɔ́tɔmiaga nyɔngɔ akɛ, yɛ aámbé ande Kiísito.»

Ekuma á ɓateki 18:28

Nga, ɗétɔki Ɓayúda akpɛ ka nyɔngɔ á suɓi á Ɓuku á Mokonga nde ɗáoúbisa base ka nkíndí á ɓakpa gea, Yéso ande Kiísito.

Ekuma á ɓateki 20:27

Nga, ɗɛ́nɔphɛí base mɔphɛ á Mokonga kángá sɔmɛanu ú.

Ekuma á ɓateki 28:28

Cɔ, úbani gea, Mokonga ateki ɓoamia nɛkɛ k'ékuna nɛngbo, ɓáɔ́kande.» [

Ekuma á ɓateki 4:12

A tɔ yɛ aámbé aǒamisa ɓakpa ka měma. Nga, ka mokonda bui nna tanda na ina nde Mokonga aeɓophi ɓakpa n'ana ɓukpɛkpɛ á amisa á ɓɔ ka měma.»

Ekuma á ɓateki 6:7

Mpɔ, nyɔngɔ á Mokonga áɔɛmba phɛɛ, ɓagoigi ɓáoɓika phɛɛ ka Yɛusalɛ́ma. Ɓatoɓeigi-phɛ́a ɓásii ɓâ phɔtɔ omɓeekea Yéso.

Ekuma á ɓateki 9:13

Ananía áonsikisia te: «Mɔkɔta, ɓakpa ɓásii ɓámɔtɔ̌migi nyɔngɔ á nkpa ndɔ na ɓojeɗe bui nde ɗégǐí ɓaɓêki nɛkɔ, ɓundɔ ɓá ka Yɛusalɛ́ma.

Ekuma á ɓateki 9:22

Cɔ, ɓɔphɛi ndea Saúlɔ áonyanga phɛɛ. Ɓayúda ɓunde á ka Damasíki, ɗáɓáká ye na nyɔngɔ nde ɓáonsikisia ɓî ɗáephangisi gea, Yéso ande Kiísito.

1 Ɓakɔlítɔ 15:3

Ɗɛ́nɔphɛí phɔ́ ɓɔphɛi nde eme sasani ɗáɓámɔphɛí. Ɓɔphɛi kau aɓe: Kiísito ɗáku ka nyɔngɔ á ɓojeɗe nɛsu ɓíndɔ ɗáɓáɔtu suɓi á Ɓuku á Mokonga.

Ɓagalatía 2:5

Ɗéɓékéɓeeki gǎkɛ tanda ka nyɔngɔ nɛɓɔ moci, ka nyɔngɔ á ambea anu koɗoni á Mbino.

Ɓagalatía 3:28

Oɓayɔ nna ye sɔsɔɓɛ á Ɓayúda na ɓunde ɓáná Ɓayúda, ɓakɔɓɛ na ɓunde ɓáná ɓakɔɓɛ, ɓǒko na ɓake. Ɓenu ɓɔbu ɓonde moci suɓi á Yéso Kiísito.

Ɓagalatía 6:11

Cɔ, ɔnani ɓî neonoɗunduia ángbôngbóngbo na njaga ani sasani.

Ɓaɛphɛ́sɔ 1:1

Ka ɓaɓêki á ka Ɛphɛ́sɔ sambani! Eme Pɔ́lɔ nende nteki nde ɓa Kiísito Yéso ka mɔphɛ á Mokonga. Nenóɗundui ɓenu ɓato á Mokonga ka Ɛphɛ́sɔ ɓunde ɓoɓeeki suɓi á ɔngana na Yéso Kiísito.

Ɓaphilípi 1:1

Ka ɓaɓêki ɓɔbu ɓunde ɓá suɓi á Kiísito Yéso ka ntanga-nji á ka Philípi, ka ɓaámbi-kanisa na ɓaámbi-nkumba á kanisa, sambani! Eme Pɔ́lɔ na Timɔtɛ́ɔ, ɓabɛɗanigi ndea Yéso Kiísito, ɓesu ɓáunge ɓeɗundu ɓaoɓa ndee.

Ɓaphilípi 1:27

Ɓî a ɓó, tambeani tɔ ɓíndɔ akeni ka Mbino-Ánjá ndea Kiísito. Geani tɔ ɓó, ka gea te, nanga nébika k'aphe á ɔnjia anu, nanga kébiki, nɛɔ́kande nyɔngɔ anu gea, ɓomame akpɛ suɓi á ɓeekea na měma mo, na manisa kimoci na měma moci ka ɓeekea nde aesukíí ka Mbino-Ánjá.

Ɓakɔlɔsái 1:2

Ɓaoɓa nde, ɓenóɗundui ɓenu ɓato á Mokonga ɓunde ɓo ka Kɔlɔsái, ɓenu ɓadasu íɓunde ɓɔɔngani ɗoni na Kiísito. Abasu Mokonga ánophɛ ɓujɛjɛ na ɓonjánja-ékondi.

1 Ɓatɛsalɔníka 2:2

Ɓoúbi phɔtɔ gea, mosá á kiɗia asu mɔtɛ-anu, ɗáɓásótambisigi phɔ́ na bóma asu ka Philípi. Mɔtɛ-anu phɔtɔ, Mokonga ɗásóphi ɓukpɛkpɛ á phɛá á Mbino-Ánjá nɛkɛ. Ɗéɓegi ɓó, nanga ɓî ɗáɓásóyé.

1 Timɔtɛ́ɔ 1:18

Cɔ, Timɔtɛ́ɔ, mukuamɔ ɓa ka měma, nekobisíí ɓɔphɛi ndɔ ɓíndɔ ɓaɔtu-nyɔngɔ ndea Mokonga ɗáɓáɔtu mosá ka phɔakɔ. Ambe nyɔngɔ nde ɗáɓáɔtu unge áɓɛ ɓukpɛkpɛ nɛkɔ suɓi á emani ánjá nde o kau,

1 Timɔtɛ́ɔ 6:12

Mǎna emani á ɓeekea ánjá, ódungia ka enda á mɛyɔ. Nga, ka nyɔngɔ índɔ unge Mokonga ɗákɔɔphani mbenɔ nde ɗóɓeeki. Bisa ɓeekea nɛkɔ base mosá á ɓaɗigimisi ɓásii.

2 Timɔtɛ́ɔ 1:13

Cɔ, amba á nyɔngɔ á ɗoni nde ɗékongoɗi áɓɛ mphangiɔ k'óɓɛ. Ámbá ɓeekea n'ekondi nde ɓeně suɓi á Kiísito Yéso.

Títɔ 1:4

Nekoɗundui ɓaoɓa nde, oɓɛ Títɔ, miki nɛmɔ á ɗoni ka ɓeekea nde ɓenoɓɛ kau. Cɔ, Abɛ Mokonga, na Kiísito Yéso Namisi nɛsu, ákophɛ ɓonjánja-ékondi na ɓujɛjɛ.

Ɓaɛbulanía 13:22

Ɓaya, nenóɗengemisigi ɔ́kani nyɔngɔ nde á gbagisaga měma anu nga, kénóɗundui nyɔngɔ endǎ.

Ɓaɛbulanía 6:9

Cɔ, ɓaya, nanga ɓɛ́yɔnga ɓó, ɓeengekisi ka měma asu gea, aphe á ɓoamia á ka měma nndɔ ɓo kau ande aphe ánjá.

1 Pɛ́tɛɛ 5:12

Síla, ɗámoengi ka ɗundua á ɓaoɓa ángbí ndee. K'éme, ande mɓêki ímbe ɓa á ɗoni. Ɗénóɗundui ú ka gbagisaga anu na engekisa anu gea ɓonjánja-ékondi ndea Mokonga nnde ande á ɗoni ɓókoɗeketɛmbɛ.

2 Pɛ́tɛɛ 1:1

Eme Simɔ́ni Pɛ́tɛɛ, mbɛɗanigi na nteki nde ɓa Yéso Kiísito, aámbé neɗundu ɓaoɓa ndee. Nenóɗundui ɓenu íɓunde ɓona ɓeekea ángbó ɓea ɓesu, ka nyɔngɔ á koɗoni ndea Mokonga na Namisi nɛsu Yéso Kiísito.

2 Pɛ́tɛɛ 2:21

Atú ye phɔ́ oɓá ánjá ka ɓɔ, ámbé ɗáɓákáúbi aphe á ɗoni. Cɔ, ɗáɓáúbi ye, ɓâ gǎkɛ oɗeketa ɛɔphi ánjá nnde ɗáɓěgoisigi.

Yúda 1:1

Eme Yúda nende muna-amakɛ na Yakɔ́ɓɔ, nende mbɛɗanigi nde ɓa Yéso Kiísito. Nenóɗundui ɓenu íɓunde Abɛ Mokonga anɔɔphani, áonókonda na amba anu ka phɔa Yéso Kíisito.

Yúda 1:17

Cɔ, ɓenu gǎkɛ, ɓadani ékondi, kanisiani phɔ́ nyɔngɔ nde ɓateki ndea Mɔkɔta ndeasu Yéso Kiísito ɗáɓáyɔngi kala.

Yúda 1:20

Cɔ, ɓenu ɓadani ékondi, mamani akpɛ ka ɓeekea nɛnu á kanga ɓojeɗe. Mɛmani na ɓukpɛkpɛ á Měma á kanga ɓojeɗe.

Mphaniɔ 12:11

Kaɓɛ ɓana-amasu ɓátónkíndí ande ka ɓukpɛkpɛ á magia á Muna-mɔgɔgɔ na ka nyɔngɔ índe ɗáɓáɗigimisi. Ɗáɓákáuníí enda aɓɔ, ɗáɓátú bíbí á kukuwa.

Mphaniɔ 2:10

Cɔ, koɓangɛmbɛ gǎkɛ tambaga nde akodondande. Ka nyɔngɔ nde, Nketi aemakeande ɓakpa ɓuangbo sɔsɔɓɛ anu ka mekakɔ ka tombaga anu. Akondi engekisa á ɓukpɛkpɛ á ɓeekea nɛnu. Otambagande gǎkɛ ɓ'esa nkama (10). Cɔ, ɓá tɔ mɓêki á ɗoni na ɓî ogande okuwa, na eme, nɛkɔkɔmande na kekombó á enda á mɛyɔ.