Yúda 1:25 - Ɔngana á Kɛ̌kɛ

²⁵ Yɛ Mokonga sisakɛ, Namisi ndeasu ka Yéso Kiísito Mɔkɔta ndeasu, áɓɛ n'obebɔ, ɓongbóngbó, ɓukpɛkpɛ, kɔkɔta, kpanga kala, kɛ̌kɛnde na ka saga na saga, Áɓɛ ɓó!

Yúda 1:25 Iomraidhean Croise

Matáyɔ 6:13

Kosóɗeketɛmbɛ ngia ka tombaga, ósoamisa ndiu na Nketi. [Nga koɓoamɛ, ɓukpɛkpɛ na ɓoombia ande akɔ ka saga na saga. Áɓɛ ɓó.]

Lóka 1:47

měma ani ana maseye phɛɛ ka Namisi nɛmɔ Mokonga,

Yoáni 4:22

Ɓenu Ɓasamalía, ɓókóoúba nnde ɓooɗokomisa. Ɓesu Ɓayúda, ɓeoúba nnde ɓeoɗokomisa ka nyɔngɔ nde, ɓoamia á ka měma atóki mɔtɛ-asu.

Yoáni 5:44

Ɓenu íɓunde ɓookonda éɗokomisa ɓenu ka ɓenu, ɓókókaɓɛ ndiu ɓoombia nde atóki ka Mokonga sasakɛ, ɓɔtɔkande ɓeekea ɓo?

Ɓalɔ́ma 11:33

Ekende Mokonga ana ɛtɔi, úbapha na kɔɓɔɔngɛ ásii ɓende! Ani mmbé aɔtɔka n'aúbi kanisia akɛ ka tena á nyɔngɔ na úba á moangɔ nɛkɛ?

Ɓalɔ́ma 11:36

Nga, yɛ aámbé ande nconji á kema bui, kema bui aiki ka ɓukpɛkpɛ nɛkɛ na ka phɔakɛ. Obebɔ áɓɛ ka yɛ esa bui! Áɓɛ ɓó.

Ɓalɔ́ma 16:27

Ɓémbebɛni Mokonga, Yɛ tɔndɔ aámbé ande mɔɔngɛ! Áɓɛ n'obebɔ ka Yéso Kiísito ka saga na saga! Áɓɛ ɓó!

Ɓaɛphɛ́sɔ 1:8

nnde ɗásóphi ásii phɛɛ ka opha asu kɔɓɔɔngɛ bui na úbapha bui.

Ɓaɛphɛ́sɔ 3:10

Cɔ, kɛ̌kɛnde k'aphe ndea kanisa unge ɓakɔta ɓɔbu na ɓukpɛkpɛ á na koba, ɓáúbɛ nyɔngɔ ɗanga-ɗanga á kɔɓɔɔngɛ ndea Mokonga.

Ɓaɛphɛ́sɔ 3:21

Ɓoombia áɓɛ ka yɛ suɓi á kanisa na ka Kiísito Yéso ka mbenɔ bui ka saga na saga. Áɓɛ ɓó.

1 Timɔtɛ́ɔ 1:17

Cɔ, ka Moamɛ á mɛyɔ, mmbé nnaokuwa, mmbé ɓákáɔmɔna, Mokonga ímbé nna na dakɛ ɓea yɛ, ambe áɓɛ n'obebɔ na ɓoombia ka saga na saga! Áɓɛ ɓó.

1 Timɔtɛ́ɔ 2:3

Nndɔ unge aánjá na amɓɔngɛi Mokonga, Namisi nɛsu.

Títɔ 2:10

kángá á úɓa kema nɛɓɔ. Ɓéphangiɛ sasaɓɔ esa bui gea, ɓánde ɓakpa nde ɓakeni na ɓeekea aɓɔ, ka gea ɓáɗokomisɛ goaga nyɔngɔ ndea Mokonga, Namisi nɛsu ka kema bubui.

Títɔ 2:13

Ɓeogea ɓó, ka ɓondea á maseye nde ɓeseɓei, na ɔna á ɓoombia ndea Mokonga nɛsu angbóngbó na Namisi nɛsu Yéso Kiísito mbenɔ nde asɛnɛkande.

Títɔ 3:4

Cɔ, ɓî Mokonga Namisi nɛsu, ɗáphangi gǎkɛ base ɓonjánja na ekondi nɛkɛ ka ɓakpa,

Ɓaɛbulanía 13:8

Yéso Kiísito nnaǒketia, kaɓɛ n'ande kala, kesande na mɛyɔ.

1 Pɛ́tɛɛ 4:11

Nkpa nde aɔphɛa, á phɛɛ́ tɔ nyɔngɔ nde Mokonga ɗáyɔngi. Nkpa nde aɔbɛɗanaga, ábɛɗanɛgɛ tɔ ka ɓukpɛkpɛ nde Mokonga ɗámophi. Kaɓondɔ, kema bui nde ɓoogea ɓámbebɛ Mokonga kau k'aphe ndea Yéso Kiísito, mmbé ana ɓoombia na kɔkɔta k'ésa bui! Áɓɛ ɓó.

2 Pɛ́tɛɛ 1:1

Eme Simɔ́ni Pɛ́tɛɛ, mbɛɗanigi na nteki nde ɓa Yéso Kiísito, aámbé neɗundu ɓaoɓa ndee. Nenóɗundui ɓenu íɓunde ɓona ɓeekea ángbó ɓea ɓesu, ka nyɔngɔ á koɗoni ndea Mokonga na Namisi nɛsu Yéso Kiísito.

2 Pɛ́tɛɛ 3:18

Cɔ, mɔtani ka ɓonjánja-ékondi na úbapha ndea Mɔkɔta na Namisi nɛsu Yéso Kiísito. Yɛ, áɓɛ na ɓoombia, kɛ̌kɛnde na ka saga na saga. Áɓɛ ɓó.

Mphaniɔ 1:6

Kaɓondɔ, áosóbisa ɓato á koɓoamɛ nɛkɛ, na ɓatoɓeigi-phɛ́a ka bɛɗaneaga Abakɛ Mokonga. Cɔ, ɓoombia na ɓukpɛkpɛ, áɓɛ ka Yéso Kiísito ka saga na saga! Áɓɛ ɓó.