Yúda 1:16 - Ɔngana á Kɛ̌kɛ

¹⁶ Ɓakpa ndɔ ɓáná na maseye. Ɓáophangia esúia nɛɓɔ ka ngɔngɔnaga. Ɓáotówa ntaɓo esa bui ka nyɔngɔ nde ědondaeka ka sungiaga á enda aɓɔ. Ɓá tɔ oɓea tambea aɓɔ ájeɗe, nyɔngɔ á k'aphenɔkɔ aɓɔ a tɔ á ébeba na ɓɔ́ngá á ɓakpa ka gea ɓátɔɛ ka kema.

Yúda 1:16 Iomraidhean Croise

Lóka 15:2

Ɓaphaisáyɔ na ɓaɗundu-ɛɔphi ɓâ gǎkɛ ɔngɔngɔnaga sɔsɔɓɛ aɓɔ. Ɓáogea: «Mogaa nde aǒsesea ɓato á ɓojeɗe. A phɔtɔ oeaga na ɓɔ!»

Lóka 19:7

Ɓakpa ɓɔbu ɓáɔni ye ɓó, ɓáɔngɔngɔnaga, ɓáogea: «Ai! Mogáa nde age oika k'éndu ndea nto á ɓojeɗe?»

Lóka 5:30

Mpɔ, Ɓaphaisáyɔ na ɓadaɓɔ ɓaɗundu-ɛɔphi, ɓáɔ̌ngɔngɔnɛaga ɓagoigi ndea Yéso: «Kanyɔngɔ sina nde ɓooeaga na noa kimoci na ɓaphendisigi-manjanja na ɓato á ɓojeɗe ɓunɛngbo?»

Yoáni 6:41

Cɔ, Ɓayúda ɓáɔngɔngɔnɛaga Yéso ka nyɔngɔ nde ɗági: «Nende mokati nde atóki na koba.»

Yoáni 6:61

Ɓî Yéso aúbi ye gea, ɓagoigi nɛkɛ ɓáɔngɔngɔnɛaga ka nyɔngɔ ndɔ, áǒgea: «Nyɔngɔ ndɔ anóphi ngǎka?

1 Ɓakɔlítɔ 10:10

Ɓókóngɔngɔnɛgɛmbɛ ɓíndɔ ɓakpa ɓuangbo sɔsɔɓɛ aɓɔ ɗáɓángɔngɔnigi. Kaɓondɔ, malaéka á otúkɔtúkɔ áǒkɔndɔkisa.

Ɓagalatía 5:16

Nenóngoɗi gea: Ɗeketani Měma á kanga ɓojeɗe áɓɛ nsɔndɔi ka enda anu na ɓókóɓongeɛgɛ ku ye mɔphɛ á ka nyama anu.

Ɓagalatía 5:24

Ande gea te, ɓakpa ndea Yéso Kiísito, ɓákɔkɛigi ka moyangɔ mɔphɛ á nyama aɓɔ na kanisia ájeɗe nɛɓɔ.

Ɓaphilípi 2:14

Ɓî a ɓó, tɔtɔkisani kema bui, kángá á ngɔngɔnaga na púa,

1 Ɓatɛsalɔníka 4:5

kángá á mɔphɛ ájeɗe ɓotea anu ɓea ɓakpa nde ɓánáomúba Mokonga.

1 Timɔtɛ́ɔ 6:5

sani nde nna na sungiaga, ɓea ɓabóbó íɓunde ɓáná ye ɔtɔka úba á ɗoni. Ɓakpa ndɔ ɓáokanisia te, ɓeekea á Kiísito, ande aphe á ɛtɔi.

2 Timɔtɛ́ɔ 4:3

Mbenɔ abikande, nnde ɓakpa ɓáyande ɓɔphɛi á ɗoni, ɓâ ndiu oɓea mɔphɛ nɛɓɔ sasaɓɔ. Ɓáékáɓande ɓagoisigi ɓásii ɓunde ɓáétimbande ka phɛá aɓɔ nyɔngɔ nde ɓɔ ɓáokonda ɔ́ka í.

1 Pɛ́tɛɛ 1:14

Mɔ́kani Mokonga ɓíndɔ ɓaniki ɓáɔ̌ɓɔ́ka ɓaɓɔkɔti aɓɔ, ɓókóɓeɛmbɛ mɔphɛ nɛnu á kala mbenɔ nde ɗóɓokóoúba nyɔngɔ á Mokonga.

1 Pɛ́tɛɛ 2:11

Ɓadani ékondi, ɓonde ɓakɛni na ɓato á motô ka mokonda ndee. Kaɓondɔ unge nɛnɔ́phɛí gea, teani mɔphɛ ájeɗe, nnde aomana na měma anu.

1 Pɛ́tɛɛ 4:2

Kpangá á kɛ̌kɛnde, ka mbenɔ nde anójiganei ka enda anu ka mokonda, tambeani ɓíndɔ Mokonga akondi, kángá tambea ndiu ɓíndɔ měma á kokpa akondi.

2 Pɛ́tɛɛ 2:10

Eya, aetambisagande phɛɛ ɓunde ɓáoyá kɔkɔta ndea Mokonga na ɓá ndiu oɓea mɔphɛ á ɓɔjɔɔkiɔ á kokpa. Cɔ, ɓagoisigi á mbɛa ndɔ ɓánde ɓato á kankiki phɛɛ na ɓemboko, ɓánáoɓánga bóma á ɓato á ɓoombia á na koba.

2 Pɛ́tɛɛ 2:18

Ɓáǒɗokoa na nyɔngɔ á ɓemboko na á jǎi-jǎi. Ka mɔphɛ nɛɓɔ á iɛɓɛ, ɓáǒɓotea ɓunde ɓátóɗeketani na ɓakpa nde ɓáoenda k'ódemayɔ.

2 Pɛ́tɛɛ 3:3

Úbani phɔtɔ gea, ka ɓ'esa á sungiaga, ɓakpa nde ɓáendande ka ɓeá á mɔphɛ nɛɓɔ sasaɓɔ ɓábikande. Ɓɔ, ɓánɔtɛbɛagande,

Yúda 1:15

ka gea, ɓátenɛ nyɔngɔ á ɓakpa ɓɔbu. Ɓátenande akpɛ nyɔngɔ á ɓato á ɓojeɗe ɓɔbu ka nyɔngɔ á ɓojeɗe nɛɓɔ bui nnde ɗáɓátɔtɔkisi ka mbɛnɔ á oyombɔ na ka nyɔngɔ ájeɗe-jeɗe bui nde ɗáɓáyɔngigi ka phɔa Mokonga.»

Yúda 1:18

Ɗáɓánóngoɗi ɓe: «Ka mbenɔ á sungiaga, ɓakpa ɓánɔtɛbɛagande. Ɓáɓeande tambea ndɛaɓɔ ájeɗe.»