Yúda 1:15 - Ɔngana á Kɛ̌kɛ

¹⁵ ka gea, ɓátenɛ nyɔngɔ á ɓakpa ɓɔbu. Ɓátenande akpɛ nyɔngɔ á ɓato á ɓojeɗe ɓɔbu ka nyɔngɔ á ɓojeɗe nɛɓɔ bui nnde ɗáɓátɔtɔkisi ka mbɛnɔ á oyombɔ na ka nyɔngɔ ájeɗe-jeɗe bui nde ɗáɓáyɔngigi ka phɔa Mokonga.»

Yúda 1:15 Iomraidhean Croise

Yoáni 5:27

Amophi phɔtɔ Miki kɔkɔta á tena á nyɔngɔ, ka nyɔngɔ nde ande Muna-Nkpa.

Ekuma á ɓateki 17:31

Mokonga a ye bisi esa nde atenaeka nyɔngɔ á ɓato á ka mokonda bui ka koɗoni, na ka njaga á nkpa nde ansɔmbu. Ɗánengekisi nkpa kayɛ mosá á ɓakpa ɓɔbu ka jujúkisa akɛ ka kukuwa.»

Ɓalɔ́ma 14:10

Oɓɛ gǎkɛ ka nyɔngɔ sina nde ootena nyɔngɔ ndea muna-amakɔ? Oɓɛ ɔɔmɓɛnjiaga muna-amakɔ ka ɓo? Nga, ɓesu ɓɔbu ɓemamande mosá á ntua á tena á nyɔngɔ ndea Mokonga.

Ɓalɔ́ma 2:16

Ɓondɔ unge aɓande esa nde Mokonga atenande akpɛ nyɔngɔ á ɓɔsɔmɛa ndea ɓakpa k'aphe ndea Yéso Kiísito. A tɔ ɓíndɔ Mbino-Ánjá nde nɛɔtɔmiaga ayɔngi.

Ɓalɔ́ma 2:5

Cɔ, oɓɛ ona měma akpɛ na kóokonda kětia á měma akɔ. Kaɓondɔ unge ǒbisíí tambaga ángbó esa nde Mokonga aphangiaeka esúia nɛkɛ na tena á nyɔngɔ nɛkɛ ka koɗoni.

1 Ɓakɔlítɔ 4:5

Kaɓondɔ, ɓókótenɛ mɔnɔ nyɔngɔ ndea nkpa mosá á mbenɔ nde ɗáɓábisi. Mɓondeani Mɔkɔta ájɛ, Yɛ aámbé abisande base kema nde ɓásɔ̌mi ka keiphe, na bisa á base mosenda á ɓɔsɔmɛa á suɓi á měma á ɓakpa. Mpɔ, Mokonga ambebande nkpa na nkpa ɓíndɔ ankeni ně.

1 Timɔtɛ́ɔ 1:9

Ɓê phɔtɔ oúba gea, ɛɔphi ndɔ nna ka ɓato á ɗoni, a ndiu tɔ ka ɓakpa nde ɓáogea ɓojeɗe, ɓunde ɓáoɓúna ɛɔphi, ɓunde ɓákáomɓánga Mokonga, ɓato á ɓojeɗe na ɓunde ɓáɔjɔɔkisa kema ánjá nɛkɛ. Ɛɔphi ndɔ a phɔtɔ ka ɓunde ɓáǒma ɓ'abaɓɔ, ɓ'amaɓɔ na ɓato á kaiso,

Yúda 1:16

Ɓakpa ndɔ ɓáná na maseye. Ɓáophangia esúia nɛɓɔ ka ngɔngɔnaga. Ɓáotówa ntaɓo esa bui ka nyɔngɔ nde ědondaeka ka sungiaga á enda aɓɔ. Ɓá tɔ oɓea tambea aɓɔ ájeɗe, nyɔngɔ á k'aphenɔkɔ aɓɔ a tɔ á ébeba na ɓɔ́ngá á ɓakpa ka gea ɓátɔɛ ka kema.

Mphaniɔ 13:11

Mpɔ, Nɛ́ɔmɔna nyama ɓaangbo n'aojuana ka oɗo. Yɛ n'ana ndeka iɓɛ, ndeka kau n'akengeani n'índe á muna-mɔgɔgɔ. Ɗátúɔyɔnga ɓea njɔka angbóngbó.

Mphaniɔ 22:20

Mmbé amamei nyɔngɔ á suɓi á ɓuku ndee, ayɔngi ɓe: «Eya, neobika kɛ̌kɛnde.» Áɓɛ ɓó, Mɔkɔta Yéso, bika!