Yúda 1:12 - Ɔngana á Kɛ̌kɛ

¹² Ɓánde ephiphi ájeɗe ka nkíndí anu ka mbenɔ á eaga eea á ekondani á komunamema, ɓáoeaga n'ɛphɛɛu kángá á soni na ɓá tɔ ɔɛnjia mɔphɛ nɛɓɔ sasaɓɔ. Ɓáogea ɓó kángá kɔɓɔɓɔkɔ. Ka mbenɔ á eaga, ɓá tɔ ɔnjia nyɔngɔ nɛɓɔ sasaɓɔ. Ɓákengeani n'egugu nde aoyembia ka nyɔngɔ á maphopho nde nna kɔɔkisa mbua. Ɓá tɔ ɓea me nde nna ɔgɔmbisa mbuka nanga áɓá matú á gɔmbisa í. Cɔ, ɓá ye ophúia mǐgi í, áokuwa mɔngɔ iɓɛ.

Yúda 1:12 Iomraidhean Croise

Matáyɔ 13:6

Ɓî maní aɓɛti akpɛ, áɔɔmɔkakisa ú, áosiɗisa nga, mǐgi í ɗákásɛi.

Matáyɔ 15:13

Yéso áǒsikisia te: «Me bubui nde Abɛ mmbɔ á na koba kákoni, ɓáúphande.»

Málikɔ 4:6

Mbenɔ nde maní aɓɛti ye akpɛ, áotoɓoa ú. Mbó kau áɔɔmɔkaka nga, ɗákátú na mǐgi.

Lóka 12:45

A gǎkɛ oɓá mbɛɗanigi ndɔ n'ěgi sasakɛ: ‹Hoo! Mɔkɔta kábikɛku soma.› Áokpanga ɓinda á ɓadakɛ ɓabɛɗanigi, ɓǒko na ɓake. Áoikia eaga na noa n'ɛbɛɗi á makana.

Lóka 16:19

Ntɔi moci ɗáɔɔ́laga bɔngɔ áphǒ-phǒ n'esombi í n'akpɛ phɛɛ. Ɗá phɔtɔ oenda esa bubui ánjá na eaga eea nde aotena soki.

Lóka 21:34

«Ɛ́ngɛphani! Měma anu kaɗokómanɛmbɛ ka nyɔngɔ á eaga n'ɛbɛɗi á makana, phɔtɔ na mɔphɛ á enda. Ɓoogea ɓó, mmbe esa ndɔ anosɛnɛkɛande kángá mosenda.

Lóka 8:6

Nɛngbo â phɔtɔ ogua gǔ á oɗo, ɛtɛ n'akusi í. Mbó kau atɛi tɔ, áɔɔmɔkaka, ka nyɔngɔ nde, oɗo ndɔ ɗákátú n'iɓo.

Ɓaɛphɛ́sɔ 4:14

Kaɓondɔ, ɓékéɓɛku ye ɓea ɓaniki ɓunde sumbu na kɛtɛmbɔ á ɓɔphɛi ɗanga-ɗanga á ɓato á mbɛa aǒɓotea na maibe ka ɓojeɗe.

Ɓaphilípi 3:19

Sungiaga aɓɔ ande ɓúngaga. Nga, Mokonga nɛɓɔ ande sɔphɔ aɓɔ. Ɓáǒbeba na kema nde atókeni kusa aɓɔ na soni. Ɓábisi tɔ měma aɓɔ ka kema á ka mokonda ndee.

1 Timɔtɛ́ɔ 5:6

Nke á kekusa ímbe a gǎkɛ oenda ka tambea ájeɗe, nanga a phɔ́tɔ koenda, a yé ku.

Ɓaɛbulanía 13:9

Ɓɔphɛi ɗanga-ɗanga nnde kátóki ka ɓesu kanóɓǒteɛmbɛ. Akeni gea ɓonjánja-ékondi ndea Mokonga aunge ágbagisɛgɛ měma asu, kaɓɛ ndiu nyɔngɔ á kema á koea. Ɓakpa nde ɓáoamba nyɔngɔ ndɔ, ɓáká na kema nde ɓáɔtɔa kau.

Yakɔ́ɓɔ 5:5

Ɓobomi kpɔngbɔ n'eɗáka ka enda anu ka mokonda. Ɓooɓondeaga kukuwa suɓi á ɓɔɛngɔ ɓea ɓanyama á etuge nde ɓánɔnigi na ɓáoɓondeaga tena aɓɔ.