Yoáni 8:6 - Ɔngana á Kɛ̌kɛ

⁶ Ɗáɓáɔyɔnga ɓó ka tombaga akɛ gea, ɓántɔngɛ. Yéso â gǎkɛ ǒgbuka, áoɗundua ka oɗo na miki á njaga.

Yoáni 8:6 Iomraidhean Croise

Matáyɔ 10:16

«Cɔ, ɔ́kani phɔ́! Nenóteki ɓea ɓamɔgɔgɔ ka ɔlɔ á ɓanyama ɓea ɓamabianga. Ɛ́ngɛphani ɓea njɔka, ɓóɓɛ ɓaphɔngɔ ɓea mboe.

Matáyɔ 15:23

Yéso ɗákánsikisíí tanda nyɔngɔ moci. Ɓagoigi ɓáombikia Yéso, ɓáongea: «Mɓeaga nke ndee nga, a tɔ osoɓea n'eongo nɛkɛ.»

Matáyɔ 16:1

Ɓaphaisáyɔ na Ɓasadukáyɔ ɗáɓámbîmisi Yéso, ka tombaga akɛ. Ɓáɔmɛma gea, áephangiɛ mphangiɔ á ketangaɔ ka ubisa aɓɔ ɗoni gea, Mokonga aámbé anteki.

Matáyɔ 19:3

Ɓaphaisáyɔ ɓuangbo ɓáombikia ka tombaga akɛ, ɓáomúsia gea: «Ɛɔphi nɛsu asosi gea, mǒko án'yɛ tɔ nkakɛ ka nyɔngɔ bui?»

Matáyɔ 22:18

Yéso ɗáúbi ye kanisia aɓɔ ájeɗe, áǒgea te: «Ɓato á maibe nde ca! Ɓoomotombaga ka ɓo?

Matáyɔ 22:35

Ka ɓɔ moci n'ande ngoisigi-ɛɔphi, áɔnɛkɛa Yéso mɛ̌kɔ ka músiɔ, áongea te:

Matáyɔ 26:63

Yéso áɔphɔnga, phioo! Ngbɛga á ɓatoɓeigi-phɛ́a áongoɗea Yéso te: «K'ína á Mokonga mmbé aoenda, ósongoɗea phɔ́ aoɓá n'ɔmɔ̂ Masíya Muna-Mokonga ɗoni.»

Málikɔ 10:2

Wa, ka Ɓaphaisáyɔ ɓáombîmisia ka tombaga akɛ. Ɓɔ, ɓáomúsia ɓe: «Ɛɔphi nɛsu asosi gea mǒko án'yɛ nkakɛ?»

Málikɔ 12:15

Yéso â gǎkɛ oúba maibe nɛɓɔ, áǒúsia te: «Ɓoomotombaga ka ɓo? Cɔ, bikani kani na ka imɔna á ngɔa moci nɛ́ɛnjiɛ.»

Málikɔ 3:2

Ɓaphaisáyɔ nde ɗáɓátú wa ɓâ gǎkɛ ɔmɔɔnjia bîbíbí ka gea te, ɓáɔnɛ phɔ́ aoɓá n'anamisande nɗɔti ndɔ esa á saɓáto mpɔ, ɓáɓɛ ye tɔ na nyɔngɔ á tɔnga akɛ ně.

Málikɔ 8:11

Yéso na ɓagoigi nɛkɛ ɓákiɗi ye kó, Ɓaphaisáyɔ ɓáombikia Yéso. Ɓáokpanga anganisaga á ɓoabi na yɛ, ɓáɔmɛma ka maibe gea, átɔtɔkisɛ ketangaɔ nde aubisande gea, Mokonga aámbé anteki.

Lóka 10:25

Mbusa, ngoisigi moci áomá, áokaɓa tombaga á Yéso, áomúsia: «Ngoisigi, négeɛ ɓo, néɓɛ na enda á mɛyɔ?»

Lóka 11:16

Ɓunɛngbo ɓáontombaga ka kaɓa mphangiɔ ɓáúbɛ gea, Yéso atóki na koba ɗoni.

Yoáni 8:2

Mama í ka mɔkɛsuɛ, â goto ongia k'éndu á Mokonga. Ɓakpa ɓɔbu ɓáombikia. Yɛ, áoika ka oɗo, ka phɛá aɓɔ.

1 Ɓakɔlítɔ 10:9

Ɓókontombɛgɛmbɛ mɔnɔ Kiísito ɓíndɔ ɓakpa ɓuangbo sɔsɔɓɛ aɓɔ ɗáɓántombigi. Kaɓondɔ unge, ɗáɓáku na ɓanjɔka.