Yoáni 8:12 - Ɔngana á Kɛ̌kɛ

¹² Yéso â goto ǒngoɗea ɓakpa te: «Nende owanga ka mokonda. Mmbé aomoɓea, kátámbɛku tanda ka keiphe, aɓande ndiu na owanga á enda.»

Yoáni 8:12 Iomraidhean Croise

Matáyɔ 5:14

Ɓonde owanga á ka mokonda. Ntanga-nji nde ɓáphɛ̌ki gǔ á mamba, nnaɔtɔka nɛ̌sɔmɛani.

Lóka 2:32

ande gea owanga ka phangia á ɓato á ka mokonda ɓɔbu, n'ande phɔtɔ ɓoombia ka ɓato á ekuna nɛkɔ, Ɓaisilaɛ́li.»

Yoáni 12:35

Yéso áǒngoɗea: «Owanga a phɔ́tɔ sɔsɔɓɛ anu ka mbenɔ ábɔa. Tambani ɓî ɓo phɔ́tɔ na owanga, ka gea, kaiphiɔ kanódondɛmbɛ kángá á ɓá na mosenda í. Nga, nkpa nde aotamba ka kaiphiɔ, nnaoúba ɔma nde aoga.

Yoáni 12:36

Cɔ, ɓî owanga a phɔ́tɔ sɔsɔɓɛ anu, ɓeekeani tɔ wa ka gea, ɓóɓɛ ɓakpa ndea owanga ndɔɔ.» Mbusa á yɔnga akɛ ɓó, Yéso áoga, áɔ̌sɔmɛana ɗanga na usɛsɛ á ɓakpa ndɔɔ.

Yoáni 12:46

Eme, nebiki ɓea owanga ka mokonda. Mmbé amoɓeeki, káikɛku ka keiphe.

Yoáni 14:6

Yéso áonsikisia gea: «Nende aphe, ɗoni, na enda. Nkpa nnaobika mɔtɛ á Abɛ, na kányɛ́nyi k'eme.

Yoáni 3:19

Cina á tena á nyɔngɔ nɛkɛ akpɛ a ɓe: owanga ndea Mokonga abiki ka mokonda. Ɓakpa ɓáyé gǎkɛ owanga ndɔɔ, ɓâ ndiu okonda kaiphiɔ. Nga, tambea aɓɔ aájeɗe.

Yoáni 7:17

Aoɓá nkpa n'akondi tɔtɔkisa á mɔphɛ ndea Mokonga, aúbande ámbé goisaga nde néogoisaga atóki ka Mokonga, kaɓɛ k'ophangɔ nɛmɔ sasani.

Yoáni 9:5

Ka mbenɔ nde ne phɔ́tɔ ka mokonda, nende owanga á ka mokonda.»

Ekuma á ɓateki 13:47

Nga, Mokonga asososi suɓi á Ɓuku nɛkɛ ɓe: ‹Ɗéomesi ɓea ɔbɛa k'ékuna bui, ka gea, ɓakpa ɓáɓɛ na ɓoamia ka mokonda bui.›»

Ekuma á ɓateki 26:23

atókeni Kiísito átambɛgɛ, áɓɛ nto á k'ama mosá-mosá á jujúka ka kukuwa sɔsɔɓɛ á ɓasí. Yɛ, aɛtɔmiande Ɓayúda na ɓunde ɓáná Ɓayúda nyɔngɔ á ɓoamia ka gea ɓáendɛ suɓi á owanga.»

2 Pɛ́tɛɛ 2:17

Ɓagoisigi á mbɛa ndɔ, ɓá ɓea ntogɔ n'aphú, phɔtɔ ɓea egugu nde sumbu aɔkɔɓisa. Mokonga ɗáebisíí ɔma á ɓuiki, ka kindi ángbó phɛɛ.

2 Pɛ́tɛɛ 2:4

Cɔ, Mokonga ɗákáekui ɓamalaéka nde ɗáɓági ɓojeɗe ngomi. Ɗáeɓóege ndiu na ngoi á ngɔa na makea aɓɔ ka kaiphiɔ, ɔma nde ɓáoɓondeaga tena á nyɔngɔ nɛɓɔ.

1 Yoáni 1:6

Aoɓá na ɓɛyɔngi gea te: «Ɓe ka komunamema na yɛ», na ɓeotamba ka kaiphiɔ, ámbé ɓɛyɔngi mbɛa kángá á tɔtɔkisa ɗoni.

Yúda 1:13

Ɓákengeani na kɛtɛmbɔ akpɛ á oɓenge, nnde aophúia phû á tambea aɓɔ á soni. Ɓákengeani na ɓasɛɛngɔa nde ɓáotoaga. Mokonga aebisíí esa bui ɔma á kaiphiɔ akpɛ phɛɛ.

Yúda 1:6

Cɔ, kanisiani phɔ́ nyɔngɔ á ɓamalaéka: Ɓunde ɗáɓákákondi bɛɗanaga na kɔkɔta nde Mokonga ɗéɓophi, ɓâ ndiu oɗeketa sasaɓɔ ɔma ndeaɓɔ. Mokonga ɗáeɓóege na ngɔi á ngɔa, áǒbisa kusi ɔma á kaiphiɔ á mɛyɔ ka ɓondeaga esa ángbó á tena nyɔngɔ.

Mphaniɔ 21:24

Ɓato á ka mokonda ɓátambeande owanga nɛkɛ na ɓaamɛ á ka mokonda ɓábikande n'ɛtɔi nɛɓɔ suɓi í.