Yoáni 8:11 - Ɔngana á Kɛ̌kɛ

¹¹ Nke ndɔ áonsikisia gea: «Mɔkɔta, ka ɓɔ moci nna wani.» Yéso áongea: «Eme phɔtɔ, kétenɛku nyɔngɔ nɛkɔ akpɛ. Cɔ, gǎ nɛkɔ, kpanga kɛ̌kɛnde, kogeɛmbɛ ye ɓojeɗe.»]

Yoáni 8:11 Iomraidhean Croise

Lóka 13:3

Ɓɛɛndɔ! Nenógie, akoɓá na ɓókókěti tambea anu, ɓotindande ɓenu ɓɔbu ɓea ɓɔ.

Lóka 13:5

Ɓɛɛndɔ! Nenógie, aoɓá na ɓókókěti tambea anu, ɓotindande phɔtɔ ɓenu ɓɔbu ɓea ɓɔ.»

Lóka 15:10

Nenógie, ɓondɔ unge ɓamalaéka ndea Mokonga ɓáguande jaí ka nyɔngɔ á nto á ɓojeɗe moci n'akěti tambea akɛ.»

Lóka 15:32

Akeni ɓéguɛ jaí na ɓéɓɛ na maseye ka nyɔngɔ nde, mɔtɔ akɔ atóku mɔnɔ, ajujúki gǎkɛ ka kukuwa. Atóɓúngigi mɔnɔ, nɛmɔni gǎkɛ.›»

Lóka 15:7

Nenógie, ɓondɔ unge aɓande maseye ángbó na koba, aoɓá nto á ɓojeɗe moci n'akěti tambea akɛ ájeɗe, kɔ̌nyɛ́nya ɓakpa nkama ngianjaga gena na ngianjaga gena (99) ɓunde ɓáká na siki á kětia tambea aɓɔ.

Lóka 5:32

Kébiki k'aphe á ɔphana á ɓato á ɓonjánja. Nebiki ndiu ka ɔphana á ɓato á ɓojeɗe gea, ɓákětiɛ tambea aɓɔ.»

Lóka 9:56

Mpɔ, ɓâ ye tɔ oga ka nji nɛngbo.

Yoáni 18:36

Yéso áonsikisia gea: «Koɓoamɛ nɛmɔ nna á ka mokonda ndee. Atúoɓá koɓoamɛ nɛmɔ n'ande á ka mokonda nde, ámbé ɓato á ka koɓoamɛ nɛmɔ ɗáɓámomanei gea, ɓákamobisɛmbɛ ka njaga á ɓaamɛ ndea Ɓayúda. Koɓoamɛ nɛmɔ nna gǎkɛ á wani.»

Yoáni 3:17

Mokonga ɗákánteki gǎkɛ Anakɛ ka gea te, átenɛ nyɔngɔ á ɓato á ka mokonda akpɛ. A ndiu ka gea, yɛ, éamisɛ ɓato á ka mokonda.

Yoáni 5:14

Mbusa í, Yéso â goto ondonda nami ndɔ suɓi éndu á Mokonga, áongea: «Cɔ, oami, kogeɛmbɛ ye ɓojeɗe ka ɓánga te, kema ájeɗe phɛɛ kaokiɗianeɛmbɛ.»

Yoáni 8:15

Ɓenu, ɓo tɔ otena nyɔngɔ akpɛ ka kokpa. Eme gǎkɛ, kéotena nyɔngɔ ndea nkpa.

Ɓalɔ́ma 2:4

Goto, oɓɛ ɔɔmɓɛnjiaga Mokonga ímbe aanjánjá phɛɛ, mmbé ana měma aphɔngɔ na měma á phiphia. Kóoúba gea, ngomi ndea Mokonga aokotútuisa ka kětia á tambea akɔ ájeɗe?

1 Ɓakɔlítɔ 5:12

Cɔ, ké na nyɔngɔ ka ɓakpa á ka mokonda ndee. Mokonga aámbé atenande nyɔngɔ nɛɓɔ. Akeni ndiu, ɓótenɛ nyɔngɔ á ɓakiísito ɓunde ɓáogea ájeɗe. A tɔ ɓíndɔ Ɓuku á Mokonga ayɔngi: «Mɓeagani nkpa ájeɗe sɔsɔɓɛ anu.»

2 Pɛ́tɛɛ 3:15

Úbani ánjá gea, phiphia ndea Mɔkɔta nɛsu, aunge ande ɓoamia nɛnu á ka měma. Nndɔ unge Pɔ́lɔ, dasu ékondi, ɗánóɗundui phɔtɔ na kɔɓɔɔngɛ nde Mokonga ɗámophi.