Yoáni 7:4 - Ɔngana á Kɛ̌kɛ

⁴ Nga, aoɓá nkpa n'aokaɓa úbúkana, yɛ sasakɛ nnaɔtɔka n'agi kema ka ɓɔsɔmɛa. Aoɓá na ɔɔtɔtɔkisa ekuma ɓíndɔ, cɔ, bɛɗanaga pɛ ú ka gea, ɓakpa ɓɔbu ɓákɔɔnɛ base.»

Yoáni 7:4 Iomraidhean Croise

Matáyɔ 23:5

Goto, ɓáogea kema nɛɓɔ bui ka gea te ɓakpa ɓáɛɓɔnɛ. Ɓáɔ̌ɓɔɛa phaeka á bɔngɔ ágbae kaɓɛ k'éndóndó, kaɓɛ ka njaga nnde ɓáɗundu kau nyɔngɔ moci-moci á Mokonga. Nkanjo nɛɓɔ an'ɛɔkɔ á koaga.

Matáyɔ 4:6

áongoɗea Yéso: «Aoɓá n'onde Muna-Mokonga, ócicima phɔ́ ka oɗo. Ka nyɔngɔ nde, ɓáɗundu suɓi á Ɓuku á Mokonga gea: ‹Mokonga ěsoseande ɓamalaéka nɛkɛ ka phɔa akɔ, na ɓákokumbande ka njaga aɓɔ ka gea, ecinji akɔ kaɓɛtɛkanɛmbɛ k'ɛtɛ.›»

Matáyɔ 6:16

Aoɓá na ɓoiki kángá á eaga ka nyɔngɔ á mɛma á Mokonga, ɓókóphindɛgɛmbɛ mɔnɔ kiki anu ɓea ɓato á maibe. Nga, ɓɔ, ɓáophindaga kiki aɓɔ ka ubisa ɓakpa gea ɓáiki kángá á eaga ka nyɔngɔ á mɛma á Mokonga. Nenóngoɗi ɗoni gea, ɓá ye tɔi ophendɔ nɛɓɔ.

Matáyɔ 6:5

Mbenɔ nde ɓɔɔmɛma, ɓókoɓɛmbɛ mɔnɔ ɓea ɓato á maibe ɓunde ɓámɔnɔ okonda mɛma na ɓámamege k'éndu á madondanɔ ndea Ɓayúda ka nyɔngɔ á Mokonga na k'aphe ka gea ɓakpa ɓɛ́ɓɔnɛ. Nenóngoɗi ɗoni gea, ɓá ye tɔi ophendɔ nɛɓɔ.

Lóka 6:45

Nga, nkpa anjánjá aophúia nyɔngɔ ánjá suɓi á kema ánjá á ka měma akɛ. Nkpa ajeɗe aophúia nyɔngɔ ájeɗe suɓi á kema ájeɗe á ka měma akɛ. Nga, aphenɔkɔ a tɔ ɔyɔnga nyɔngɔ nde atúmi ka měma á nkpa.

Yoáni 18:20

Yéso áonsikisia: «Ɗɛ́yɔngi base mosá á ɓakpa ɓɔbu, néogoisaga k'éndu á madondanɔ ndea Ɓayúda ka nyɔngɔ á Mokonga na k'éndu á Mokonga, kuɓî Ɓayúda ɓɔbu ɓáodondanaga. Ɗékébuníígi ka nyɔngɔ mosá á ɓakpa.

Yoáni 7:3

ɓana-amakɛ na Yéso, ɓâ gǎkɛ ongoɗea: «Toá wani, ógɛ na Yudɛ́a ka gea te, ɓagoigi nɛkɔ ɓáɔnɛ phɔtɔ ekuma nde ɔɔtɔtɔkisa.

Yoáni 7:5

Nga, ɓana-amakɛ phɔtɔ ɗáɓákátúomɓeekea.