Yoáni 7:3 - Ɔngana á Kɛ̌kɛ

³ ɓana-amakɛ na Yéso, ɓâ gǎkɛ ongoɗea: «Toá wani, ógɛ na Yudɛ́a ka gea te, ɓagoigi nɛkɔ ɓáɔnɛ phɔtɔ ekuma nde ɔɔtɔtɔkisa.

Yoáni 7:3 Iomraidhean Croise

Matáyɔ 12:46

Yéso n'a phɔ́tɔ ɔyɔnga na usɛsɛ á ɓakpa, amakɛ na ɓana-amakɛ ɓáokiɗia, ɓáomamaga ka nsɛngɛ, na kaɓa aphe ka yɔngaga na yɛ.

Málikɔ 3:21

Mbenɔ nde ɓato á k'ékombo nɛkɛ ɓáɔ́ki ye nyɔngɔ ndɔ, ɓáoga k'aphe á bɛɗa akɛ nga, ɗáɓáogea: «Mɔ̌ akɛ nna ye ánjá.»

Málikɔ 3:31

Mpɔ, ama-Yéso na ɓana-amakɛ, ɓáobika omama ka nsɛngɛ. Ɓáonteka nkpa ka ɔphana akɛ.

Lóka 8:19

Cɔ, amakɛ na Yéso na ɓana-amakɛ ɗáɓábiki ka ɔna akɛ, ɓákátɔkɛ gǎkɛ bîmisia akɛ ka nyɔngɔ á usɛsɛ á ɓakpa.

Lóka 8:20

Wa, ɓakpa ɓáobika ongoɗea Yéso ɓe: «Amakɔ na ɓana-amakɔ ɓáunge ɓáiki ka nsɛngɛ, ɓáokonda ɔna akɔ.»

Yoáni 2:2

Ɓâ phɔtɔ ɔmɔphana Yéso na ɓagoigi nɛkɛ k'ɛ́kɛka kau.

Yoáni 6:60

Mbusa á ɔ́ka á nyɔngɔ ndɔ, ka ɓagoigi nɛkɛ ɓásii ɓáogea: «Yɔnga nde aákpɛ. Ani mmbé aɔtɔka n'aɓeeki ú?»

Yoáni 6:66

Kpanga á mbenɔ ndɔ, ka ɓagoigi nɛkɛ ɓásii ɓáǒjujia na ɗeketa á tamba kimoci na yɛ.

Yoáni 7:10

Ɓî ɓana-amakɛ ɓáge ye ka jaí, Yéso â phɔtɔ oga. Ɗáge ka ɓɔsɔmɛa, kángá ɛ́ɔnisa.

Yoáni 7:4

Nga, aoɓá nkpa n'aokaɓa úbúkana, yɛ sasakɛ nnaɔtɔka n'agi kema ka ɓɔsɔmɛa. Aoɓá na ɔɔtɔtɔkisa ekuma ɓíndɔ, cɔ, bɛɗanaga pɛ ú ka gea, ɓakpa ɓɔbu ɓákɔɔnɛ base.»

Yoáni 7:5

Nga, ɓana-amakɛ phɔtɔ ɗáɓákátúomɓeekea.

Ekuma á ɓateki 2:14

Mpɔ Pɛ́tɛɛ áǒmesia kimoci na ɓateki nkama na moci (11), áokpanga yɔnga k'ɛ́sɔ akpɛ gea: «Cɔ, ɓenu Ɓayúda na ɓenu ɓato á ka Yɛusalɛ́ma ɓɔbu, phéngani phɔ́ kecue anu, ɓɔ́ɔ́kɛ nyɔngɔ nde neonongoɗea.