Yoáni 7:12 - Ɔngana á Kɛ̌kɛ

¹² Ka usɛsɛ á ɓakpa, ɓakpa ɗáɓáɔngɔngɔnaga ka phɔa akɛ phɛɛ. Ɓuangbo ɗáɓáogea: «Yɛ, ande nkpa anjánjá.» Ɓuangbo ɓâ gǎkɛ ogea: «Ndǎkɛ! A ndiu ǒdemaga ɓakpa.»

Yoáni 7:12 Iomraidhean Croise

Matáyɔ 10:25

Ambe ngoigi áɓɛ ɓea ngoisigi nɛkɛ, mbɛɗanigi áɓɛ ɓea mɔkɔta ékuma nɛkɛ. Aoɓá na ɓámɔphani mɔkɔta á ekombo k'ína Bɛljɛbúli, ɓáɛɓɔphanande ɓato á k'ékombo nɛkɛ k'ína ájeɗe phɛɛ.»

Matáyɔ 21:46

Kaɓondɔ, ɓáokaɓa aphe á dunga akɛ, ɓâ gǎkɛ oɓánga usɛsɛ á ɓakpa ɓundɔ ɗáɓámɓeeki gea, ande mɔtu-nyɔngɔ ndea Mokonga.

Matáyɔ 27:63

ɓáongoɗea te: «Mɔkɔta, ɓekanisi te, mbenɔ nde ndemigi ndɔ ɗáoenda, ɗáyɔngi te: ‹Mbusa á esa isaɔ, nejujukande ka kukuwa.›

Lóka 18:19

Yéso áonsikisia ɓe: «Ɔmɔɔphani Nto-anjánja ka ɓo? Mokonga sasakɛ tɔndɔ aámbé aanjánja.

Lóka 23:47

Mbenɔ nde mɔkɔta á ɓato émani ɗáɔni nnde ɗányɛ́nyi, áombeba Mokonga na yɔnga te: «Eya! Nkpa nde ɗátú nto á koɗoni.»

Lóka 23:50

Cɔ, mǒko moci ina akɛ Yɔsɛ́phu, ɗátú nto á Alimatɛ́a, nji á Ɓayúda. Ɗátú nto á koɗoni na měma ánjá, ɗá phɔtɔ oɓondea koɓoamɛ ndea Mokonga. Ɗátú ka ɓato á ntua á tena nyɔngɔ, ɗákáɓeekeani gǎkɛ na ɓɔ ka mɔangɔ ndɔ.

Lóka 6:45

Nga, nkpa anjánjá aophúia nyɔngɔ ánjá suɓi á kema ánjá á ka měma akɛ. Nkpa ajeɗe aophúia nyɔngɔ ájeɗe suɓi á kema ájeɗe á ka měma akɛ. Nga, aphenɔkɔ a tɔ ɔyɔnga nyɔngɔ nde atúmi ka měma á nkpa.

Lóka 7:16

Mpɔ, kɔɓɔɓɔkɔ áɔ̌bɛɗa ɓakpa ɓɔbu, ɓáombeba Mokonga, ɓáogea: «Mɔtu-nyɔngɔ angbóngbó ndea Mokonga asókiɗianei. Mokonga abiki ǒenga ɓakpa nɛkɛ.»

Yoáni 6:14

Ɓî ɓakpa ɓáɔni ye Yéso n'atɔtɔkisi ketangaɔ ndɔ, ɓáogea: «Ɗoni, mmbé ande Mɔtu-nyɔngɔ ndea Mokonga mmbé ɗákeni bika ka mokonda.»

Yoáni 7:32

Ɓaphaisáyɔ ɓáɔɔ́ka usɛsɛ á ɓakpa na ɓáɔngɔngɔnaga ka phɔa á Yéso. Ɓagbɛga á ɓatoɓeigi-phɛ́a na Ɓaphaisáyɔ ɓâ gǎkɛ ǒteka ɓaɓondigi ka dunga akɛ.

Yoáni 7:47

Mpɔ, Ɓaphaisáyɔ ɓáǒgea: «Ɓenu ɓǒdemisi phɔtɔ na yɛ ɓo?

Yoáni 7:52

Ɓáosikisia te: «Onde phɔtɔ nto á ka Galiláya? Cɔca phɔ́ Ɓuku á Mokonga, ɔɔnande gea, ka ɓaɔtu-nyɔngɔ ndea Mokonga moci nnaɔtɔka n'atóki na Galiláya.» [

Yoáni 9:16

Ɓaphaisáyɔ ɓuangbo ɓáogea: «Nkpa ndɔ kátóki ka Mokonga nga, nna koamba ɛɔphi á saɓáto.» Ɓuangbo ɓâ ndiu ogea: «Ai! Nto á ɓojeɗe aɔtɔka n'atɔtɔkisi mphangiɔ ɓínde ɓo?» Kaɓondɔ, ɓáokatanaga.

Ekuma á ɓateki 11:24

Baanába ɗátú nkpa anjánjá, mmbé atúmi na Měma á kanga ɓojeɗe phɔtɔ na ɓeekea. Kaɓondɔ, ɓakpa ɓásii ɓáǒyamea ka ɓeekea Mɔkɔta Yéso.

Ɓalɔ́ma 5:7

Aákpɛ ka nkpa ɓeekea ákuwɛ ka phɔa á nto á koɗoni. Nkpa aɔtɔka ɓeekea kukuwa ka nyɔngɔ á nkpa anjánjá.

Ɓaphilípi 2:14

Ɓî a ɓó, tɔtɔkisani kema bui, kángá á ngɔngɔnaga na púa,