Yoáni 7:1 - Ɔngana á Kɛ̌kɛ

¹ Mbusa á wa, Yéso áɔtɔmba Galiláya. Ɗákákondi gǎkɛ tɔmba á Yudɛ́a ka nyɔngɔ nde, Ɓayúda ɗáɓáokáɓa mowa akɛ.

Yoáni 7:1 Iomraidhean Croise

Matáyɔ 10:23

Aoɓá na ɓáonótambisaga ka ntanga-nji moci, ɓôtea ka ntanga-nji nɛngbo. Nenóngoɗi ɗoni gea, ɓɔ́kɔ́gɔɓɛku tɔmba á ntanga-nji bui á ka Isilaɛ́li na Muna-Nkpa kábikimbɛ.

Matáyɔ 21:38

Ɓî ɓagubi ndɔ ɓámɔni ye gǎkɛ miki-mǒko ndɔ, ɓáɔyɔngaga sɔsɔɓɛ aɓɔ te: ‹Mɛnɛ á ɓotukɔ aámbɔ. Ɓégeni ɓémmowɛni, ɓéombeɛ ɓotukɔ ndee!›

Málikɔ 11:18

Ɓî ɓagbɛga á ɓatoɓeigi-phɛ́a na ɓaɗundu-ɛɔphi ɓáɔ́ki ye ɓó, ɓáokaɓa kusa á Yéso. Ɗáɓátú omɓánga Yéso ka nyɔngɔ nde, goisaga nɛkɛ ɗɛ́ɓɔngɛi usɛsɛ á ɓakpa ɓásii phɛɛ.

Yoáni 1:19

Cɔ, nnde ande ɓoabi ndea Yoáni. Mbenɔ nde ɓakɔta á Ɓayúda íɓunde ɓá ka Yɛusalɛ́ma ɗáɓěteki ɓatoɓeigi-phɛ́a na Ɓaláwi ka úsia akɛ te: «Onde ani?»

Yoáni 4:3

Cɔ, Yéso ɗáɔ́ki ye maca ndea Ɓaphaisáyɔ, áotóka na Yudɛ́a, â goto oja na Galiláya.

Yoáni 4:54

Nndɔ ɗátú goto mphangiɔ á ko iɓɛ, nnde Yéso ɗági ka toka akɛ na Yudɛ́a ka gǎ na Galiláya.

Yoáni 6:1

Mbusa índɔ, Yéso áokáia etǔ á Galiláya, nnde ɓá phɔtɔ ɔɔphana Tibɛlía.

Yoáni 7:11

Ɓakɔta á Ɓayúda ɗáɓákpangi gǎkɛ kaɓa akɛ ka jaí ndɔ, ɓáoúsianaga: «Nkpa ndɔ ama koni?»

Yoáni 7:13

Cɔ, kaɓɛ gǎkɛ na nkpa nde ɗáɔyɔnga base ka phɔa akɛ nga, ɗáɓáǒɓanga ɓakɔta ndea Ɓayúda.

Yoáni 7:19

Cɔ, Mósa ɗákánophi phɔ́ ɛɔphi? Nna gǎkɛ na ka ɓenu ímbé aoamba ɛɔphi kau. Cɔ, ɓookaɓa mowa ani ka ɓo?»

Yoáni 7:25

Ɓato á ka Yɛusalɛ́ma ɓuangbo ɓáogea: «Nna phɔ́ nkpa nde aámbé ɓáokaɓa mowa akɛ?

Yoáni 7:35

Ɓayúda ɓâ gǎkɛ ɔyɔngaga sɔsɔɓɛ aɓɔ te: «Nkpa nde agande ɔma sina, ka gea ɓɛ́kɛmɔnɛ? Aoga mɔtɛ á ɓadasu íɓunde ɓáphanjekani ka nji á Ɓagiíki gea, áégoisɛgɛ Ɓagiíki?

Yoáni 8:37

Eya, neoúba gea, ɓonde ɓato á k'ɛɓɔkɔti ndea Abalaámu. Ɓo ndiu okaɓa mowa ani ka nyɔngɔ nde, ɓókóoɓeekea nyɔngɔ nɛmɔ.

Yoáni 8:40

Cɔ, kɛ̌kɛnde, nanga ɓî ɗénóngoɗi nyɔngɔ á ɗoni nde ɗɛ́ɔ́ki mɔtɛ á Mokonga, ɓo tɔ okaɓa mowa ani. Abalaámu ɗákági gǎkɛ ɓó.

Ekuma á ɓateki 10:38

Ɓo phɔtɔ oúba ɓî Mokonga ɗátúmisi ɓukpɛkpɛ á Měma akɛ ka Yéso ɓa Najalɛ́ti. Ɓo phɔtɔ oúba ɓî Yéso ɗátambi ásii ka nji bui n'aogea ánjá, na aǒamisa ɓakpa ka měma, ɓunde ɗáɓátú ka kɔkɔɓɛ á Nketi. Nga, Mokonga ɗátú kimoci na yɛ.