Yoáni 6:2 - Ɔngana á Kɛ̌kɛ

² Usɛsɛ ángbó á ɓakpa ɓáomɓea nga, ɗáɓáɔni mphangiɔ á ketangaɔ nde ɗáɔtɔtɔkisa ka amisa á ɓato á esambɔ.

Yoáni 6:2 Iomraidhean Croise

Matáyɔ 12:15

Ɓî Yéso ɗáúbi ye gea ɓáogea ɓámmowɛ, áotóka wa. Ɓakpa ɓásii ɓáomɓea, áǒamisa ɓasambi ɓɔbu.

Matáyɔ 13:2

Usɛsɛ á ɓakpa ɓásii ɓáontimba, ka nyɔngɔ índɔ unge ɗákǎmbi ka koko áoikiɗia. Ɓakpa ɓáomamaga k'ɔɓɛɛ.

Matáyɔ 14:14

Ɓî Yéso atóki ka koko, áɔɔna usɛsɛ á ɓakpa, áǒkuia ngomi phɛɛ. Áǒamisa ɓunde ɗáɓáosamba ka ɔlɔ aɓɔ.

Matáyɔ 8:1

Ɓî Yéso ɗáodida mamba, usɛsɛ á ɓakpa ɓáomɓea.

Málikɔ 1:45

Nto á kukuwa á sǔ ndɔ â ndiu oga okpanga tɔ̌miaga á nyɔngɔ nɛkɛ ka ntanga mosá á ɓakpa ɓɔbu. Kaɓondɔ, Yéso katɔkɛ ye ngia ka ntanga-nji k'íso á ɓakpa, â ndiu oga oika ka nkanda. Ɓakpa ɓâ gǎkɛ otóka ɔma bui, ɓáobika ondonda.

Málikɔ 6:33

Ɓî ɓakpa ɓásii ɓáɔni ye gǎkɛ Yéso na ɓagoigi na ɓásɛi, ɓáoúba ɔma nde ɓáge. Ɓáǒɓea na ɓáɔnyɛ́nya n'ecinji kubi. Ɓáǒtenisia mbangɔ, ɓáokiɗia mosá. Ɗáɓátóki ka ntanga-nji bui.

Yoáni 11:47

Mpɔ, ɓagbɛga á ɓatobeigi-phɛ́a, na Ɓaphaisáyɔ, ɓáodondana ka ntua ángbó á tena á nyɔngɔ ɓáogea: «Ɓî mogáa nde aɔtɔtɔkisa ketangaɔ ásii ɓende, ɓegeande ɓo?

Yoáni 12:18

Kaɓondɔ unge, usɛsɛ á ɓakpa ɗáɓábiki omɓondeaga, ka nyɔngɔ nde ɓakpa ɗáɓáɔ́ki gea, yɛ aámbé ɗátɔtɔkisi mphangiɔ á ketangaɔ ndɔɔ.

Yoáni 12:37

Nanga ɓî Yéso ɗátɔtɔkisi ketangaɔ ásii mosá aɓɔ, ɗáɓákámɓeeki.

Yoáni 2:11

Nndɔ, ɗátú mphangiɔ á ketangaɔ á k'ama mosá-mosá ndea Yéso, nnde atɔtɔkɛani ka Kána á ka Galiláya. Yéso ɗáphangi ně base ɓoombia nɛkɛ. Kaɓondɔ, ɓagoigi nɛkɛ ɓáomɓeekea.

Yoáni 2:23

Cɔ, ka matú ndɔ ɓî Yéso ɗátú na Yɛusalɛ́ma ka jaí á Pasáka, ɓakpa ɓásii ɓáomɓeekea, ka nyɔngɔ á ɔna á ketangaɔ nde ɗáɔtɔtɔkisa.

Yoáni 20:30

Yéso ɗátɔtɔkisi phɔtɔ mphangiɔ ásii mosá á ɓagoigi nɛkɛ, nnde ɗáɓákáɗundu suɓi á ɓuku ndee.

Yoáni 3:2

Cɔ, yɛ áombikia Yéso kǐpha áongoɗea: «Ngoisigi, ɓeoúba gea, Mokonga aámbé ɗáoteki k'aphe á goisaga asu ka nyɔngɔ nde, nkpa nnaɔtɔka n'atɔtɔkisi ketangaɔ ɓíndɔ ɔɔtɔtɔkisa, kaɓɛ Mokonga na nna kimoci na yɛ.»

Yoáni 6:14

Ɓî ɓakpa ɓáɔni ye Yéso n'atɔtɔkisi ketangaɔ ndɔ, ɓáogea: «Ɗoni, mmbé ande Mɔtu-nyɔngɔ ndea Mokonga mmbé ɗákeni bika ka mokonda.»

Yoáni 6:22

Mama í, usɛsɛ á ɓakpa nde ɗáɓájigi kubi étǔ, ɓáoengekisa gea, koko ɗátú tɔ wa moci. Ɗáɓáúbi gǎkɛ gea, Yéso ɗákákǎmbi na ɓagoigi nɛkɛ suɓi í. Ɓagoigi sasaɓɔ tɔndɔ ɓáunge ɗáɓáge.

Yoáni 6:26

Yéso áǒsikisia gea: «Eya, nenóngoɗi ɗoni gea, ɓoomokaɓa nga, ɗóɓoí mokati, ɓóokúta, nna ndiu gea, ɓoengekisi kantíti á mphangiɔ á ketangaɔ nde nɛtɔtɔkisi.

Yoáni 6:30

Ɓâ gǎkɛ ongea: «Cɔ, mphangiɔ á ketangaɔ sina nde ɔtɔtɔkisande ka gea te, ɓɛ́ɔnɛ ú na ɓeekea akɔ? Kema sina nde ɔtɔtɔkisande?