Yoáni 5:3 - Ɔngana á Kɛ̌kɛ

³ Ɓasambi ɓásii, ɗáɓáɗe suɓi á mɔɛɓa ndɔɔ. Ande gea, ɓakeíme-íme, ɓaɗɔti, ɓaphɛ́phi-écinji na njaga. [Ɗáɓáoɓondeaga gea ɓáémisɛgɛ iɓo

Yoáni 5:3 Iomraidhean Croise

Matáyɔ 15:30

Usɛsɛ ángbó á ɓakpa ɓáombikia na ɓaɗɔti, ɓakeíme-íme, ɓaketǔmbe na ɓakauma, na ɓasambi ɓuangbo ɓásii, ɓáǒbisa mosá á Yéso, áǒamisa.

Matáyɔ 4:24

Ɓoombia akɛ áɔɔ́kɛkana ka nji á Sulía bui. Ɓáombikia Yéso na ɓato á esambɔ ɗanga-ɗanga, na ɓunde ɓáotambanga na kukuwa ɗanga-ɗanga: kukuwa á ɓansombo, kukuwa á egǎ, na ɓaɗɔti. Yéso áǒamisa ɓɔbu.

Lóka 7:22

Cɔ, Yéso áǒsikisia ɓateki ndea Yoáni áǒgea: «Gǎni, ɓógongoɗeɛ Yoáni nnde ɓɔɔni na ɔ́ka í: ‹Ɓakeíme-íme ɓáɔnaphi, ɓaɗɔti ɓáotamba dɛ! dɛ! dɛ! Ɓato á sǔ ɓésokosei, ɓaɗakekanigi-kecuɛ ɓáɔ́kaphi, ɓasí ɓájujúki ka kukuwa, ɓato á ɓuyɛnɛ ɓáɔ́ki Mbino-Ánjá.

Yoáni 5:2

Cɔ, na Yɛusalɛ́ma, bíbí á kǐo nde ɓáɔɔphana kǐo á ɓamɔgɔgɔ, ɗátú na ntogɔ moci nnde ɗáɓátúɔɔphana ka Kiɛbulanía Bɛtɛsaída. Kó, ɗáɓáphɛ̌ki mɔɛɓa ɓɔku, á ngeɔ.

Yoáni 5:4

nga, Malaéka ndea Mɔkɔta ɗáodida ka mbenɔ moci ka ntogɔ ndɔ, áoémisaga iɓo. Nsambi nde ɗáodida k'ama mosá-mosá suɓi á iɓo nde aoémanaga, ɗáoama ka kukuwa nɛkɛ, nanga áɓá kukuwa sina.]

Ɓalɔ́ma 8:25

Cɔ, kaɓɛ na ɓeseɓei kema nde ɓékékɔɔna, ɓe gǎkɛ oɓondea ú na měma á phiphia.

Yakɔ́ɓɔ 5:7

Cɔ, ɓaya, phiphiani na ka ɓî Mɔkɔta abikande. Bisani kanisia anu ka ngubi ɓî aɔɔ́kanɛaga ɗúngú á mbó á ka ciko nɛkɛ. Yɛ aɔɔ́kanea ɔká á mbua á k'ama mosá-mosá na nnde á ka sungiaga.