Yoáni 4:9 - Ɔngana á Kɛ̌kɛ

⁹ Nke Mosamalía ndɔ, áongoɗea Yéso: «Ama ɓo? Oɓɛ Moyúda, ɔmɔmɛmi eme nke Mosamalía iɓo á onoa?» (Nga, Ɓayúda, na Ɓasamalía, ɗáɓákáɔɔ́kana.)

Yoáni 4:9 Iomraidhean Croise

Matáyɔ 10:5

Yéso áǒteka ɓateki ndɔ nkama na ɓaɓɛ (12). Âkɔ̌ɔkusaga ɓe: «Ɓókóngiɛ mɔnɔ ka nji á ɓato á ɓojeɗe. Goto ɓókongiɛ mɔnɔ ka ntanga-nji moci ndea Ɓasamalía.

Lóka 10:33

Ɓî Mosamalía ɗátú ɔnyɛ́nya k'aphe ndɔ, áojua bíbí akɛ. Áɔmɔna, â gǎkɛ onkuia ngomi phɛɛ.

Yoáni 4:27

Wa, ɓagoigi nɛkɛ ɓáojúa, ɓáoyayama ɓî Yéso aɔyɔngaga na nke. Kaɓondɔ, nna na ka ɓɔ moci mmbé ɗátɔki úsia á Yéso: «Eke nde ookaɓa?» kaɓɛ «Nyɔngɔ sina nde ɔɔyɔngaga na nke nde?»

Yoáni 8:48

Ɓayúda ɓáonsikisia Yéso gea: «Nna phɔ́tɔ ɗoni unge ɓeogea, onde Mosamalía n'ona ɓansombo?»

Ekuma á ɓateki 1:8

Ɓoɓande ndiu na ɓukpɛkpɛ mbenɔ nde Měma á kanga ɓojeɗe adidande gǔ anu. Ɓoɓande phɔtɔ ɓaɗigimisi á nyɔngɔ nɛmɔ ka Yɛusalɛ́ma, Yudɛ́a bui, Samalía na ka sungiaga á mokonda.»

Ekuma á ɓateki 10:28

Aǒngoɗea te: «Ɓooúba gea, ɛɔphi á esomba nɛsu Ɓayúda, aimisí ɛmbana na nto á k'ékuna nɛngbo phɔtɔ na ngia k'éndu nɛkɛ. Mokonga ɗámophangi gǎkɛ gea, kákeni nɛmɔnɛ ka nkpa ɓea nto á ɓɔjɔɔkiɔ na ótaɔ.

Ekuma á ɓateki 10:32

Cɔ, óteka ɓakpa na Yɔ́pa, ɓágamɓoɛ Simɔ́ni mmbɔ ɓáɔmɔphana Pɛ́tɛɛ. Aiki mɔtɛ á Simɔ́ni, mɓɔngisigi kema á mpokɔ, mmbɔ endu nɛkɛ a ka mpɛphɛ á oɓenge.›