Yoáni 4:10 - Ɔngana á Kɛ̌kɛ

¹⁰ Cɔ, Yéso áonsikisia gea: «Otúoúba egabɔ ndea Mokonga, ô phɔtɔ omúba mmbé aongoɗi: ‹Ómopa iɓo á onoa.› Oɓɛ aámbé otú ndiu ɔmmɛma yɛ, atókophande iɓo á enda.»

Yoáni 4:10 Iomraidhean Croise

Lóka 11:13

Ɓenu gǎkɛ, nanga ɓî ɓonde ɓato ájeɗe, ɓo tɔ oúba gabea á ɓ'ananu kema ánjánja. Cɔ, Abanu mmbé á na koba, anɔ́nyɛ́nyi ɗoni k'égabɔ. Aeɓophande phɔtɔ Měma nɛkɛ á kanga ɓojeɗe ɓunde ɓáɔmmɛma.»

Yoáni 16:3

Ɓágeande ɓó nga, ɓákámúbi Abɛ, ɓákámoúbi phɔtɔ eme.

Yoáni 17:3

Enda á mɛyɔ ndɔ, ande úba akɔ gea, oɓɛ sasakɔ aámbé onde Mokonga ɗoni, na úba á Yéso Kiísito mmbé ɗónteki.

Yoáni 3:16

Nga, Mokonga ɗékondi ɓato á ka mokonda phɛɛ. Kaɓondɔ, ɗěɓophi ngɔmu nɛkɛ gea, nkpa buakɛ mmbé amɓeeki, kákuwɛku, áɓɛ ndiu na enda á mɛyɔ.

Yoáni 4:14

Mmbé a ndiu onoa iɓo nde neomopha, kákuwɛku ye tanda n'ɛnyɔta. Nga, iɓo nde neomopha, aɓande suɓi akɛ ɓea ntoɔ nde aophúphutisa enda á mɛyɔ.»

Yoáni 6:35

Mpɔ, Yéso áɔ̌tɔmia ɓe: «Nende Mokati á endisa. Mmbé amobikíí, kákuwɛku tanda na nja na mmbé amoɓeeki, kákuwɛku tanda n'ɛnyɔta.

Yoáni 6:51

Nende mokati á endisa, nnde atóki na koba. Aoɓá nkpa n'aí ka mokati ndɔ, aendande mɛyɔ. Mokati ndɔ, ande kesuku ani, nnde něgabeande ɓato á ka mokonda ka gea, ɓáɓɛ na enda.»

Ekuma á ɓateki 9:11

Mɔkɔta áongoɗea: «Má, ógɛ k'aphe nde ɓáɔɔphana Écuma-dɛ, mɔtɛ á Yúda. Wa, ónkaɓɛ nkpa moci, ina akɛ Saúlɔ nto á ka Táasɔ. Nga, yɛ aɔmɛma Mokonga.

Ɓalɔ́ma 8:32

Nga, Mokonga ɗákámkpɛmi n'Anakɛ sasakɛ, ɗámphúi ndiu gea te, átambɛgɛ ka phɔa asu ɓesu ɓɔbu. Cɔ, kásóphɛku kema bui kimoci n'Anakɛ ka ɓo?

1 Ɓakɔlítɔ 1:30

Nga, Mokonga aámbé anójúkanisi na Kiísito Yéso. Kiísito aámbé ande kɔɓɔɔngɛ ka ɓesu nnde atóki ka Mokonga. Mokonga aosótanga ɓato á koɗoni mosá akɛ, aosósokosea na koɗaga asu ka ɓojeɗe ka nyɔngɔ á Kiísito.

1 Ɓakɔlítɔ 10:4

Ɓɔbu ɗáɓánu tɔ kema á konoa moci á ka měma nga, ɗáɓánu iɓo nde ɗájúani k'ɛ́tɛ nde ɗáotamba kimoci na ɓɔ, na ɛtɛ ndɔ ɗátú Kiísito.

2 Ɓakɔlítɔ 9:15

Cɔ, ɓosegi ka Mokonga ka nyɔngɔ á egabɔ nɛkɛ ángbó phɛɛ.

Ɓaɛphɛ́sɔ 2:8

Eya, ɓoami ye tɔ ka měma ka ɓonjánja-ékondi ndea Mokonga ka nyɔngɔ á ɓeekea. Ɓoamia ndɔ kátɔtɔkɛani ka ɓukpɛkpɛ nɛnu sasanu. A ndiu tɔ ka nyɔngɔ égabɔ ndea Mokonga.

Ɓaɛbulanía 6:4

Nga, ɓakpa nde ɓáɗeketi tambea nɛɓɔ á kɛ̌kɛ goto ka tambea nɛɓɔ á kala na ɓátú ye suɓi á owanga ndea Mokonga, na ɓáɗíí ye ka keɓu á na koba na tɔá á Měma á kanga ɓojeɗe,

1 Yoáni 5:20

Ɓeoúba gea, Miki-mǒko ndea Mokonga ɗábiki, áosópha úbapha nde aosóúbisa Mokonga á ɗoni. Ɓɛɔngani na Mokonga á ɗoni ka nyɔngɔ á Miki-mǒko nɛkɛ Yéso Kiísito mmbé ɓa Mokonga á ɗoni, mmbé ande enda á mɛyɔ.

Mphaniɔ 21:6

 goto ɔyɔnga gea: «Así! Eme nende Alpha na Ɔmɛga, nkpangeɔ na sungiaga. Mmbé ana ɛnyɔta, nemophande kema á noa ecici ka ntogɔ á iɓo á enda.

Mphaniɔ 22:17

Měma á Mokonga na Nke-éyamani ɓáɔyɔnga te: «Bika!» Mmbé aɔ́ki, áyɔngɛ phɔtɔ: «Bika!» Mmbé a n'ɛnyɔta, ábikɛ, mmbé ana siki á iɓo á enda ábɛɗɛ ecici.

Mphaniɔ 7:17

Ka nyɔngɔ nde, Muna-Mɔgɔgɔ, mmbé aiki ka měme á kankaanga á koɓoamɛ, ěambande ɓea mɓondigi-ɓamɔgɔgɔ. Ɛ̌sɔndɔɛande ka ntogɔ á iɓo á ɓoamia. Mokonga akɔmbɛande iɓo á ngamɔ bui á k'íso aɓɔ.»