Yoáni 4:1 - Ɔngana á Kɛ̌kɛ

¹ Ɓaphaisáyɔ ɗáɓáɔ́ki gea, Yéso ɗégoisigi ɓagoigi ɓásii na ɓatisa aɓɔ kɔnyɛ́nya Yoáni-Mɓatisi.

Yoáni 4:1 Iomraidhean Croise

Lóka 1:76

Oɓɛ gǎkɛ miki, ɓákɔɔphanande mɔtu-nyɔngɔ ndea Mmbé ana kɔkɔta bui, nga, ɔmmɛɛande Mɔkɔta mosá ka ɓɔngisiaga aphe nɛkɛ,

Lóka 19:31

Aoɓá nkpa n'anoúsi gea: «Ɓoonkoɗa ka ɓo?» Ɓônsikisia gea: «Mɔkɔta aámbé ammɛmi.»

Lóka 19:34

Ɓáǒsikisia te: «Mɔkɔta aámbé ammɛmi.»

Lóka 2:11

Kesande, Namisi aɓɔkɔtɛani kanu ka ntanga-nji ndea Daúdi. Ande Mɔkɔta Kiísito.

Lóka 7:13

Mɔkɔta Yéso áɔmɔna nke ndɔ, áonkuia ngomi, áongoɗea te: «Kogámɛmbɛ!»

Lóka 7:19

áǒteka mɔtɛ á Mɔkɔta, ɓámúsiɛ te: «Onde Masíya, mmbɔ abikande ndɔ? Kaɓɛ na nna ɓó, akeni ɓémɓondeɛ ɓaangbo?»

Yoáni 3:22

Mbusa índɔ, Yéso na ɓagoigi nɛkɛ ɓáoga na Yudɛ́a. Áoika na ɓɔ kó ka mbenɔ ábɔa, yɛ, n'aoɓatisa.

Yoáni 3:26

Kaɓondɔ, ɓagoigi ndɔ ɓáɔngɛndɛa Yoáni, ɓáongoɗea te: «Ngoisigi, mmbɔ ɗátú n'oɓɛ kubi á Yɔɔdáni, mmbɔ ɗɔ́ɔtɔmiaga nyɔngɔ akɛ, a ye tɔ oɓatisa. Ɓakpa ɓɔbu ɓámɓǐ.»

Ekuma á ɓateki 10:36

Cɔ, Mokonga ɗátekisi moyo akɛ ka Ɓaisilaɛ́li. Yéso Kiísito aámbé abiki na moyo ndɔ, n'ande Mbino-Ánjá á ɓujɛjɛ. Yɛ aámbé ande Mɔkɔta á ɓakpa ɓɔbu.

1 Ɓakɔlítɔ 1:17

Kiísito ɗákámoteki ka ɓatisa á ɓakpa, ɗámoteki ndiu ka tɔ̌mia á Mbino-Ánjá. Kɛ́ɔtɔmia ú na kɔɓɔɔngɛ á yɔnga á kokpa ka gea, kukuwa á Yéso ka moyangɔ kaɓɛmbɛ kángá kantíti.

1 Ɓakɔlítɔ 15:47

Mokonga ɗánconji nkpa ɓa k'ama mosá-mosá na oɗo. Nkpa ɓa ko baɓɛ, Kiísito ɗátóki gǎkɛ na koba.

1 Ɓakɔlítɔ 2:8

Nna tanda na ka moamɛ á ka mokonda nde mmbé ɗáúbi kɔɓɔɔngɛ kau. Ɗáɓátúoúba, ámbé ɗáɓákánkɔkɛigi Mɔkɔta á ɓoombia ka moyangɔ.

2 Ɓakɔlítɔ 4:5

Kaɓondɔ, ɓékéɔtɔmiaga nyɔngɔ nɛsu sasasu. Ɓe ndiu ɔphɛa gea, Yéso Kiísito ande Mɔkɔta. Ɓesu gǎkɛ, ɓende ɓabɛɗanigi nɛnu ka nyɔngɔ akɛ.

Yakɔ́ɓɔ 2:1

Cɔ, ɓaya, ɓenu íɓundɔ ɓomɓeeki Mɔkɔta nɛsu Yéso Kiísito, mɛna-ɓoombia, ɓókoɓɛmbɛ ǒɓaya ɓakpa ɓunɛngbo suɓi á ɓeekea nɛnu.

Mphaniɔ 19:16

Ɗáɓáɗundu ka bɔngɔ nɛkɛ na ka kɛbɛ akɛ ina ndee: «Moamɛ ndea ɓaamɛ na Mɔkɔta ndea ɓakɔta.»