Yoáni 3:2 - Ɔngana á Kɛ̌kɛ

² Cɔ, yɛ áombikia Yéso kǐpha áongoɗea: «Ngoisigi, ɓeoúba gea, Mokonga aámbé ɗáoteki k'aphe á goisaga asu ka nyɔngɔ nde, nkpa nnaɔtɔka n'atɔtɔkisi ketangaɔ ɓíndɔ ɔɔtɔtɔkisa, kaɓɛ Mokonga na nna kimoci na yɛ.»

Yoáni 3:2 Iomraidhean Croise

Matáyɔ 22:16

Ɓáǒteka ka ɓagoigi nɛɓɔ kimoci na ɓakpa ndea moamɛ Ɛlɔ́dɛ. Ɓáongoɗea Yéso te: «Ngoisigi, ɓeoúba gea onde nto á ɗoni na ǒphangiaga ɓakpa nyɔngɔ á ɗoni ka ɓeá á Mokonga. Kóna kɔɓɔɓɔkɔ á mɔphɛ á ɓakpa na kóoɓongeaga kɔkɔta á ɓakpa.

Matáyɔ 23:7

Ɓákondi gea te ɓáɓɛǒsesea n'obebɔ k'ɔ́ma nde ɓakpa ɓáɓiki, ɓɛ́ɓɔphanɛ ɓɔ: ‹Ɓagoisigi›.

Matáyɔ 23:8

Ɓenu gǎkɛ, ɓókóɓeekeɛmbɛ ɓánɔɔphanɛ: ‹Ɓagoisigi›. Nga, ɓenu ɓɔbu ɓonde ɓato á komunamema na ɓona ngoisigi moci tɔndɔ.

Málikɔ 12:14

Ɓondɔ unge ɓáombikia, ɓáomúsia: «Ngoisigi, ɓeoúba gea, onde nto á ɗoni, kóomɓánga nkpa. Kó phɔtɔ oenga keongi á ɓakpa. O ndiu ǒphangiaga ɓakpa, nyɔngɔ á ɗoni ndea Mokonga. Cɔ, ósongoɗea: Aánjá ka ɓesu phenda á manjanja ka Moamɛ Kaisáa? Ɓéphendɛ? Ɓékephendɛmbɛ?»

Yoáni 1:38

Mpɔ, Yéso áǒpháia, áɔ̌ɓɔna ɓagoigi ndɔ na ɓáomɓea. Áǒɓúsia: «Cɔ, ɓookaɓa eke?» Ɓáonsikisia: «Lábi, (ande gea te, ngoisigi) ɔma á ɓoiki nɛkɔ a wani?»

Yoáni 10:38

Aoɓá na nɛtɔtɔkisi ndiu ekuma ndea Abɛ, nanga ɓókóomoɓeekea, cɔ, ɓeekeani ye phɔ́ ekuma nɛmɔ. Úbani na ɓɔ́ɔ́kɛ gea, ne suɓi á Abɛ na Abɛ a suɓi ani.»

Yoáni 12:37

Nanga ɓî Yéso ɗátɔtɔkisi ketangaɔ ásii mosá aɓɔ, ɗáɓákámɓeeki.

Yoáni 14:10

Kóoɓeekea gea te, ne suɓi á Abɛ, Abɛ â phɔtɔ oɓá suɓi ani? Yɔnga nde neonongoɗea, nna tɔ otóka k'eme, a ndiu otóka ka Abɛ mmbé a suɓi ani ka tɔtɔkisa ekuma nɛkɛ.

Yoáni 15:24

Atúoɓá na kɛ́tɔtɔtɔkisi ketangaɔ sɔsɔɓɛ aɓɔ, nnde nkpa kátɔtɔkisimbɛ mɔnɔ, ámbé ɓákátóɓɛku na ɓojeɗe. Kɛ̌kɛnde, ɓáɔni ye ketangaɔ ndɔ, ɓáotútuisa kangea asu, eme na Abɛ.

Yoáni 2:11

Nndɔ, ɗátú mphangiɔ á ketangaɔ á k'ama mosá-mosá ndea Yéso, nnde atɔtɔkɛani ka Kána á ka Galiláya. Yéso ɗáphangi ně base ɓoombia nɛkɛ. Kaɓondɔ, ɓagoigi nɛkɛ ɓáomɓeekea.

Yoáni 20:16

Yéso áongoɗea: «Malía!» Malía áǒpháia kuɓî Yéso aɔ, áongoɗea ka Kiɛbulanía: «Labúni!» Ande gea te: Ngoisigi.

Yoáni 3:26

Kaɓondɔ, ɓagoigi ndɔ ɓáɔngɛndɛa Yoáni, ɓáongoɗea te: «Ngoisigi, mmbɔ ɗátú n'oɓɛ kubi á Yɔɔdáni, mmbɔ ɗɔ́ɔtɔmiaga nyɔngɔ akɛ, a ye tɔ oɓatisa. Ɓakpa ɓɔbu ɓámɓǐ.»

Yoáni 4:31

Ka mbenɔ ndɔ ɓagoigi ɓáonɗengemisaga gea: «Ngoisigi cɛɛ, eaga!»

Yoáni 5:36

Nyɔngɔ nɛmɔ nde ɓáɗigimisi a gǎkɛ ángbó phɛɛ kɔnyɛ́nya nnde á Yoáni-Mɓatisi. Ekuma nde Abɛ Mokonga amopi ka tɔtɔkisa í, ekuma ndɔ tɔ unge aomoɗigimisa gea, yɛ aámbé amoteki.

Yoáni 6:2

Usɛsɛ ángbó á ɓakpa ɓáomɓea nga, ɗáɓáɔni mphangiɔ á ketangaɔ nde ɗáɔtɔtɔkisa ka amisa á ɓato á esambɔ.

Yoáni 7:31

Suɓi á usɛsɛ ndɔ, ɓakpa ɓásii ɓáomɓeekea. Ɓáogea: «Mbenɔ nde Kiísito abikande, atɔtɔkisande mphangiɔ kɔnyɛ́nya nkpa ndee?»

Yoáni 9:16

Ɓaphaisáyɔ ɓuangbo ɓáogea: «Nkpa ndɔ kátóki ka Mokonga nga, nna koamba ɛɔphi á saɓáto.» Ɓuangbo ɓâ ndiu ogea: «Ai! Nto á ɓojeɗe aɔtɔka n'atɔtɔkisi mphangiɔ ɓínde ɓo?» Kaɓondɔ, ɓáokatanaga.

Ekuma á ɓateki 10:38

Ɓo phɔtɔ oúba ɓî Mokonga ɗátúmisi ɓukpɛkpɛ á Měma akɛ ka Yéso ɓa Najalɛ́ti. Ɓo phɔtɔ oúba ɓî Yéso ɗátambi ásii ka nji bui n'aogea ánjá, na aǒamisa ɓakpa ka měma, ɓunde ɗáɓátú ka kɔkɔɓɛ á Nketi. Nga, Mokonga ɗátú kimoci na yɛ.

Ekuma á ɓateki 2:22

Cɔ, Ɓaisilaɛ́li ɓaya, ɔ́kani phɔ́ nyɔngɔ nde: Yéso ɓa Najalɛ́ti, ande nkpa nde Mokonga ɗánsɔmbu ka úbisa anu base gea, ana ɓukpɛkpɛ á tɔtɔkisa á ketangaɔ ɗanga-ɗanga na mphangiɔ sɔsɔɓɛ anu ɓíndɔ ɓooúba sasanu.

Ɓaphilípi 1:14

Ɓî a ɓó, ɓadani ɓakiísito ɓásii ɓá ye tɔ na nténdé á ɓeekea á Mɔkɔta, phɔtɔ na éyamea ka tɔ̌miaga á nyɔngɔ á Mokonga kángá á kɔɓɔɓɔkɔ.