Yoáni 3:16 - Ɔngana á Kɛ̌kɛ

¹⁶ Nga, Mokonga ɗékondi ɓato á ka mokonda phɛɛ. Kaɓondɔ, ɗěɓophi ngɔmu nɛkɛ gea, nkpa buakɛ mmbé amɓeeki, kákuwɛku, áɓɛ ndiu na enda á mɛyɔ.

Yoáni 3:16 Iomraidhean Croise

Matáyɔ 9:13

Gǎni ɓóianegɛ nyɔngɔ nde Mokonga ɗáyɔngi te: ‹Nekondi měma á ngomi nna ɔphɛ́ɔ á ɓanyama› nga, kébiki k'aphe á ɔphana ɓato á ɓonjánja. Nebiki ndiu ka ɔphana á ɓato á ɓojeɗe.»

Málikɔ 12:6

Cɔ, mɛna-ciko â tɔ ojiga na nkpa moci ande miki-mǒko nɛkɛ ékondi. Ka sungiaga, áonteka kuɓî ɓáɔ. ‹Ɗátúoúba te, ɓámɓángande.›

Lóka 2:14

Ɓoombia ka Mokonga, mmbé á na koba ee! Ɓujɛjɛ ka ɓakpa nɛkɛ, ɓundɔ ěkondi ee!

Yoáni 1:14

Moyo áoɓá nkpa, áoika sɔsɔɓɛ asu. Áotúma na ɓonjánja-ékondi na koɗoni. Ɗɛ́ɓɛɔni ɓoombia akɛ, ɓoombia nde ngɔmu atɔi ka Abakɛ.

Yoáni 1:18

Nna na nkpa nde amɔnimbɛ mɔnɔ Mokonga, na nna tɔndɔ ngɔmu nɛkɛ mmbé akengeani na yɛ phɛɛ, áoikisana na Abakɛ. Yɛ aámbé asoúbisi Mokonga base.

Yoáni 1:29

Mama í, Yoáni áɔmɔna Yéso n'ambikíí, áogea: «Mmbé ande Muna-Mɔgɔgɔ ndea Mokonga. Yɛ aámbé aophúia ɓojeɗe á ka mokonda.

Yoáni 10:28

Néǒɓopha enda á mɛyɔ, ɓákáɓúngɛeka tanda. Nkpa nnaɔtɔka n'aɛkpɔi ka njaga ani.

Yoáni 3:15

ka gea, nkpa buakɛ mmbé amoɓeeki, áɓɛ na enda á mɛyɔ.

Yoáni 3:18

Mmbé amɓeeki Anakɛ, Mokonga kátenɛku nyɔngɔ nɛkɛ akpɛ. Cɔ, mmbé kámɓeeki gǎkɛ, Mokonga ateni ye tɔ nyɔngɔ nɛkɛ akpɛ. Nga, yɛ káɓeeki ina á ngɔmu ndea Mokonga.

Yoáni 3:36

Cɔ, mmbé amɓeeki Anakɛ, a ye tɔ na enda á mɛyɔ. Mmbé an'yé, káɓɛku na enda ndɔ, Mokonga a gǎkɛ n'esúia gǔ akɛ.

Yoáni 6:40

Cɔ, mɔphɛ á Abɛ a ɓe: Mmbé aɔmɔna Muna-Mokonga na ɓeekea akɛ, áɓɛ na enda á mɛyɔ na nenjujukisande k'ésa á sungiaga á mokonda.»

Ɓalɔ́ma 5:10

Nga, mbenɔ nde ɗéɓetú ɓaɓiɓia ndea Mokonga, ɗásɔɔnganisi na yɛ ka nyɔngɔ á kukuwa á Anakɛ. Nndɔ aphangisi base gea, ɔngana asu na yɛ, ɓeamande ka nyɔngɔ á enda á Kiísito.

Ɓalɔ́ma 5:8

Cɔ, Mokonga aphangi gǎkɛ ekondi nɛkɛ ángbó ka ɓesu, ka nyɔngɔ nde Kiísito ɗáku ka phɔa asu mbenɔ nde ɗéɓetú phɔ́tɔ ɓato á ɓojeɗe.

Ɓalɔ́ma 8:32

Nga, Mokonga ɗákámkpɛmi n'Anakɛ sasakɛ, ɗámphúi ndiu gea te, átambɛgɛ ka phɔa asu ɓesu ɓɔbu. Cɔ, kásóphɛku kema bui kimoci n'Anakɛ ka ɓo?

Ɓaɛphɛ́sɔ 2:4

Mokonga a gǎkɛ na ngomi ka ɓesu phɛɛ, ka nyɔngɔ ékondi ángbó nde ɗásókondi ně.

2 Ɓatɛsalɔníka 2:16

Ambe Mɔkɔta nɛsu Yéso Kiísito sasakɛ, n'Abasu Mokonga, mmbé ɗásókondi, áosógbagisaga ka měma ka ɓonjánja-ékondi nɛkɛ ka saga na saga na opha asu nseɓeɔ ánjá,

Títɔ 3:4

Cɔ, ɓî Mokonga Namisi nɛsu, ɗáphangi gǎkɛ base ɓonjánja na ekondi nɛkɛ ka ɓakpa,

Ɓaɛbulanía 2:9

Cɔ, ɓɛɔni ndiu gea, mmbé ɗáɓándidisi ka mbenɔ ábɔa kusi á ɓamalaéka ande Yéso. Ka nyɔngɔ á tambaga na kukuwa akɛ, Mokonga amophi kɛ̌kɛnde ɓoombia na ɓokutú. Kaɓondɔ unge ka nyɔngɔ á ɓonjánja-ékondi ndea Mokonga, Yéso ɗáku ka phɔa ɓakpa ɓɔbu.

1 Yoáni 3:1

Cɔ, ɔnani phɔ́ ɓî Abɛ Mokonga asokondi! Aɔsɔɔphana ɓ'anakɛ, n'ande ɗoni ɓende ɓana-Mokonga. Ɓato á ka mokonda ɓáná gǎkɛ osoúba ka nyɔngɔ nde, ɓánáomúba Mokonga.

1 Yoáni 4:19

Ɓesu, ɓeokondana ka nyɔngɔ nde, Mokonga ɗásokondi mosá.

Mphaniɔ 1:5

Ɓonjánja-ékondi na ɓujɛjɛ ndɔ átokɛ phɔtɔ ka Yéso Kiísito, nɗigimisi á ɗoni, ánge ka ɓunde ɓájujúki ka kukuwa, na moamɛ á ɓaamɛ á ka mokonda. Yɛ, Kiísito asókondi, magia akɛ aunge ɗásóphúi ka ɓojeɗe nɛsu.