Yoáni 3:11 - Ɔngana á Kɛ̌kɛ

¹¹ «Nekongoɗi ɗoni gea, ɓe tɔ ɔtɔmiaga nnde ɓeoúba, ɓéoɗigimisa nnde ɗɛ́ɓɛɔni. Ɓókó gǎkɛ oɓeekea ú.

Yoáni 3:11 Iomraidhean Croise

Matáyɔ 11:27

«Abɛ ɗámopi kema bui. Nna na nkpa nde aomúba Miki, na nna tɔndɔ Abɛ. Nna na nkpa nde aomúba Abɛ, na nna tɔndɔ Miki, phɔtɔ na ɓunde Miki akondi áephangiɛ Abɛ base.»

Matáyɔ 23:37

Yɛusalɛ́ma, Yɛusalɛ́ma! Oɓɛ aámbé ǒmowe ɓaɔtu-nyɔngɔ ndea Mokonga, óǒmowa n'etae ɓunde Mokonga akotekisíí. Mɔngɔ ángaáni nde netókondi dondanisa á ɓakpa nɛkɔ ka mpɛphɛ ani ɓea ama-gbɔ̌kɔ n'aódodanisa ɓ'anakɛ kusi á kepupe akɛ, kókondɛ gǎkɛ.

Lóka 10:22

 phɔtɔ ogea: «Abɛ amopi kɔkɔta á kema bui. Nna na nkpa nde aomúba Miki mǒko tɔndɔ Abɛ. Nna na nkpa nde aomúba Abɛ, na nna tɔndɔ Miki mǒko, na mmbé Miki mǒko akondi phangia akɛ.»

Yoáni 1:11

Moyo ɗábiki mɔtɛ-aɓɔ, ɓakpa nɛɓɔ ɗáɓákánsesi.

Yoáni 1:18

Nna na nkpa nde amɔnimbɛ mɔnɔ Mokonga, na nna tɔndɔ ngɔmu nɛkɛ mmbé akengeani na yɛ phɛɛ, áoikisana na Abakɛ. Yɛ aámbé asoúbisi Mokonga base.

Yoáni 12:49

Kɛ́yɔngi ka kɔkɔta nɛmɔ. Abɛ, mmbé amoteki, aámbé amososi ndiu nyɔngɔ bui nde akeni nɛ́tɔ̌miɛ ɓakpa, na goisaga aɓɔ ně.

Yoáni 14:24

Nkpa nde nnaomokonda, nna gǎkɛ oamba nyɔngɔ nɛmɔ. Nga, nyɔngɔ nde ɓɔɔ́ka, nna nɛmɔ, a ndiu ndea Abɛ, mmbé amoteki.

Yoáni 3:12

Aoɓá na ɓókóomoɓeekea mbenɔ nde nɛɔnɔtɔmiaga nyɔngɔ á ka mokonda, cɔ, ɓomoɓeekeande ɓo aoɓá na nɛɔnɔtɔmiaga nyɔngɔ á na koba?

Yoáni 3:13

Nga nna na nkpa nde atáimbɛ mɔnɔ na koba, tɔndɔ eme Muna-Nkpa, mmbé ɗédidi ka toka na koba.

Yoáni 3:3

Yéso áonsikisia: «Nekongoɗi ɗoni gea, nkpa nde káɓɔkɔtɛani mɔngɔ á ko iɓɛ, káɔnɛku koɓoamɛ ndea Mokonga.»

Yoáni 3:5

Yéso áonsikisia: «Nekongoɗi ɗoni gea, nkpa nde káɓɔkɔtɛani ka iɓo na ka ɓukpɛkpɛ á Měma, kángiɛku ka koɓoamɛ ndea Mokonga.

Yoáni 5:43

Ɗébiki k'ína á Abɛ, ɓókómosesi. Aoɓá nkpa n'abiki gǎkɛ k'ína akɛ sasakɛ, ɓonseseande!

Yoáni 7:16

Yéso áǒsikisia: «Goisaga nde néogoisaga kátóki mɔtɛ-amɔ, atóki ndiu ka mmbé amoteki.

Yoáni 8:14

Yéso áǒsikisia te: «Nanga néɗigimisa nyɔngɔ nɛmɔ sasani, nnde nɛɔyɔnga, ande ɗoni. Nga, neoúba ɔma nde netóki na ɔma nde neoga. Cɔ, ɓenu gǎkɛ, ɓókóoúba ɔma nde netóki, na ɔma nde neoga.

Yoáni 8:26

Nena nyɔngɔ ásii á yɔnga na tena í ka phɔanu. Cɔ, mmbé amoteki, ande nto á ɗoni. Nɛ tɔ ɔ̌tɔmia ɓato á ka mokonda, nnde nɛɔ́ki mɔtɛ-akɛ.»

Yoáni 8:38

Nɛɔyɔnga nyɔngɔ nde nɛtɔ́ɔni mɔtɛ á Abɛ. Ɓenu gǎkɛ, ɓoogea nnde abanu ɗánongoɗi.»

Ekuma á ɓateki 22:18

Ka mphaniɔ ndɔ, Nɛ́ɔmɔna Mɔkɔta, áomongoɗea ɓe: ‹Cɔ, Kamisaga! Tóka ka Yɛusalɛ́ma kɛ̌kɛnde nga, ɓato á ka nji nde ɓákáɓeekeɛku nyɔngɔ nɛkɔ nnde ɔyɔngande wani ka phɔa ani.›

2 Ɓakɔlítɔ 4:4

Ɓákáomɓeekea Mokonga, ka nyɔngɔ nde, nketi moamɛ á ka mokonda nde aɗaki úbapha aɓɔ. Kaɓondɔ, ɓánáoengekisa owanga á Mbino-Ánjá á ɓoombia á Yéso Kiísito, mmbé ande keongi á Mokonga.

Mphaniɔ 1:5

Ɓonjánja-ékondi na ɓujɛjɛ ndɔ átokɛ phɔtɔ ka Yéso Kiísito, nɗigimisi á ɗoni, ánge ka ɓunde ɓájujúki ka kukuwa, na moamɛ á ɓaamɛ á ka mokonda. Yɛ, Kiísito asókondi, magia akɛ aunge ɗásóphúi ka ɓojeɗe nɛsu.

Mphaniɔ 3:14

Nɗunduia malaéka á ka kanisa ndea ka Laɔdikía ɓe: Mmbé ɓáɔmɔphana Áɓɛ ɓó, nɗigimisi nde akeni na mmbé ande ɗoni, nkpangeɔ á kema bui nde Mokonga ɗáconji ayɔngi ɓe: