Yoáni 20:2 - Ɔngana á Kɛ̌kɛ

² Wa, áoja mbangɔ mɔtɛ á Simɔ́ni-Pɛ́tɛɛ na ngoigi ɓaangbo mmbɔ Yéso ɗánkondi, áǒngoɗea ɓe: «Ɓáphúi mǒnda á Mɔkɔta ka bóta, ɓékéoúba ɔma nde ɓábisi mǒnda akɛ.»

Yoáni 20:2 Iomraidhean Croise

Yoáni 13:23

Ka ɓagoigi moci, mmbé Yéso ɗánkondi ɗáiki bíbí akɛ ka mbenɔ á eaga.

Yoáni 19:26

Yéso áɔmɔna amakɛ, â phɔtɔ ɔmɔna ngoigi nde ɗánkondi n'aiki bíbí á amakɛ, áongoɗea amakɛ: «Ayi, anakɔ aámbee.»

Yoáni 20:13

Ɓamalaéka ndɔ ɓáomúsia Malía: «Nke nde ca! Ekende oogámea?» Áǒsikisia: «Neogáma nga, ɓámphúi Mɔkɔta nɛmɔ. Cɔ, kéoúba ɔma nde ɓámbisi.»

Yoáni 20:15

Yéso áomúsia: «Nkende ca, ekende oogámea? Ani mmbé oonkaɓa?» Malía ɗá gǎkɛ okanisia te, ande mbɛɗanigi á k'ɔma ndɔ. Kaɓondɔ, áongoɗea gea: «Moko, aoɓá n'ɔɓɛ aámbé onkumbi, omongoɗea ɔma nde ombisi. Eme negande gǎkɛ ɔmbɛɗa.»

Yoáni 20:9

Nga ɓagoigi ɗáɓákáengekisimbɛ phɔ́ nyɔngɔ nde Ɓuku á Mokonga ɗáyɔngi gea, ambe Yéso ájujúkɛ ka kukuwa.

Yoáni 21:20

Ɓî Pɛ́tɛɛ aɔnji mbusa, áɔmɔna ngoigi nde Yéso ɗánkondi n'aobika mbusa. Ngoigi nde ɗátúomúsiaga Yéso něgimisi ka ɓokuɓa akɛ mbɛnɔ nde ɗáɓátúoeaga gea: «Mɔkɔta, ani mmbé aɔtɔngaeka?»

Yoáni 21:24

Cɔ, a tɔ ngoigi ndɔ aámbé aɗigimisi nyɔngɔ ndɔɔ. Yɛ, áoɗundua ú. Ɓesu, ɓeoúba phɔtɔ gea ɗigimisa á nyɔngɔ ndɔ ande ɗoni.

Yoáni 21:7

Mpɔ, ngoigi nde Yéso ɗánkondi áongoɗea Pɛ́tɛɛ: «Mɔkɔta aámbé!» Ɓî Simɔ́ni-Pɛ́tɛɛ aɔ́ki gea: «Mɔkɔta aámbé», â goto ɔɔ́la bɔngɔ nɛkɛ á k'égogo nga, ɗáphúi ú. Áoguia ka iɓo.