Yoáni 20:1 - Ɔngana á Kɛ̌kɛ

¹ Esa á yenga, ka koɗokanaga á esa na kaiphiɔ n'a phɔ́tɔ ɓei, Malía nseka á ka Magadála ɗáge ka bóta. Kó, ɗáɔni gea ɓáphúi ɛtɛ nde ɗáɓágbukumi na kubu á bóta.

Yoáni 20:1 Iomraidhean Croise

Matáyɔ 27:56

Sɔsɔɓɛ á ɓake ndɔ, ɗátú Malía nseka á ka nji Magadála, Malía amakɛ na Yakɔ́ɓɔ na Yɔsɛ́phu, na ama ɓana Jɛbɛdáyɔ.

Matáyɔ 27:60

Áoúmba ú suɓi ka kubu ókanga á kɛ̌kɛ, nnde ɗátongi, ka phɔa akɛ sasakɛ. Áoingitisaga ɛtɛ ángbó ka ɗáká na aphe á iso á bóta, mpɔ áoga.

Matáyɔ 27:64

Ambe, ósoseɛ ɓáambɛ bóta ndɔ phɛɛ k'ésa isaɔ ka ɓanga gea, ɓagoigi nɛkɛ ɓákáúɓɛmbɛ mǒnda akɛ na ngoɗea á ɓakpa te: ‹Ajujúki ka kukuwa!› Ámbé odemayɔ índe á kɛ̌kɛ aɓande ájeɗe phɛɛ kɔnyɛ́nya nndɔ á mosá.»

Matáyɔ 27:66

Ɓáoga ka bóta, ɓáoamba ú, mbusa ɓáophembeketea bóta n'etae ángbó, ɓáǒbisa ɓato émani ka amba á bóta ndɔɔ.

Matáyɔ 28:1

Mbusa á saɓáto, ka koɗokana á esa á yenga, Malía á ka Magadála na Malía ɓaangbo, ɓáoga ɔɔnjia bóta.

Matáyɔ 28:2

Mɔngɔ moci, ɓaningina akpɛ áobika nga, malaéka nde ɓa Mɔkɔta ɗádidi ka toka na koba, áobika otiɓa ɛtɛ ndɔ ka mpɛphɛ, áoika gǔ í.

Málikɔ 15:46

Wandɔ, Yosɛ́phu áosomba sanda, áokisa mǒnda á Yéso gǔ á moyangɔ, áoɓóaga ú na sanda ndɔ, áoga oúmba ka kubu ókanga. Áoɗaka bóta ndɔ n'ɛtɛ ángbó.

Málikɔ 16:9

Yéso ɗájujúki ye ka kukuwa, kamɓimba esa á yenga, â phɔ́ ǒphangisia ka Malía Magadala, mmbɔ ɗámphúi ɓansombo.

Yoáni 11:38

Cɔ, Yéso â goto oɓá na měma á oiɔ, áoga ka bóta. Bóta kau ɗátú okanga nnde ɗáɓáɗaki kúbú í n'ɛtɛ angbóngbó.

Yoáni 11:41

Mpɔ, ɓâ gǎkɛ otiɓa ɛtɛ. Yéso áɔɔnjia na koba, áɔmɛma gea: «Abɛ, neosegi nga, ɔɔmɔɔ́ka.

Yoáni 19:25

Cɔ, amakɛ na Yéso, mɔtɔ-amakɛ, Malía nka Kleɔpási na Malía nseka á ka Magadála ɗáɓámamege bíbí á moyangɔ ndea Yéso.

Yoáni 20:26

Mbusa á esa ngianjaga isaɔ (8), ɓagoigi ndea Yéso ɓâ goto odondanaga suɓi éndu, Tɔmá â ye tɔ oɓá na ɓɔ. Ɓî ɗáɓáphǎti endu, Yéso áobika omama sɔsɔɓɛ aɓɔ, áǒngoɗea: «Ɓáni na ɓujɛjɛ!»

Ekuma á ɓateki 20:7

Esa á pɔsɔ ɔgɔgɔ, ɓéodondana ka eaga kimoci. Wa, ɓî ɗákondi mɛa á mama í, Pɔ́lɔ áoɓota ɓɔphɛi nɛkɛ na ka ɓî esa ɗágabekani.

1 Ɓakɔlítɔ 16:2

Esa á yenga bubui, nkpa na nkpa ábisɛ ka mpɛphɛ, phaeka á imɔna nde aně mɔtɛ-akɛ, ka ɓeana n'ɛtɔi nɛkɛ ka gea, ɓókókaɓɛgɛ mɔnɔ ye imɔna mbenɔ nde nekiɗiande.

Mphaniɔ 1:10

Cɔ, ɗátú esa á Mɔkɔta, Měma á Mokonga ɗámɔgɔni, nɛ́ɔɔ́ka ɛsɔ mbusa ani n'akpɛ ɓea ɛsɔ á mbengu.