Yoáni 2:11 - Ɔngana á Kɛ̌kɛ

¹¹ Nndɔ, ɗátú mphangiɔ á ketangaɔ á k'ama mosá-mosá ndea Yéso, nnde atɔtɔkɛani ka Kána á ka Galiláya. Yéso ɗáphangi ně base ɓoombia nɛkɛ. Kaɓondɔ, ɓagoigi nɛkɛ ɓáomɓeekea.

Yoáni 2:11 Iomraidhean Croise

Yoáni 1:14

Moyo áoɓá nkpa, áoika sɔsɔɓɛ asu. Áotúma na ɓonjánja-ékondi na koɗoni. Ɗɛ́ɓɛɔni ɓoombia akɛ, ɓoombia nde ngɔmu atɔi ka Abakɛ.

Yoáni 1:17

Nga, Mokonga ɗásóphi ɛɔphi ka njaga á Mósa, Yéso aámbé asobikíí ndiu na ɓonjánja na koɗoni.

Yoáni 1:43

Mama í, Yéso ɗákondi gǎ na Galiláya, áondonda Philípɔ, áongoɗea: «Ómoɓea!»

Yoáni 1:50

Yéso áonsikisia gea: «Omoɓeeki ka nyɔngɔ nde nekongoɗi gea, ɗɛ́kɔɔni kusi á me? Cɔ, ɔɔnande kema ángbó kɔnyɛ́nya nndee.»

Yoáni 10:41

Ɓakpa ɓásii ɓáombikia, ɓáɔn'yɔngɛa: «Yoáni ɗákátɔtɔkisi tanda ketangaɔ moci. Kema bui nde ɗáyɔngi gǎkɛ ka phɔa á Yéso, ɗátú tɔ ɗoni.»

Yoáni 11:15

Ne gǎkɛ na maseye ka nyɔngɔ anu nga, kétú ɓei mbenɔ á kukuwa akɛ. Kaɓondɔ, ɓomoɓeekeande phɛɛ. Cɔ, ɓégɛni ye tɔ kuɓî aɔ.»

Yoáni 11:47

Mpɔ, ɓagbɛga á ɓatobeigi-phɛ́a, na Ɓaphaisáyɔ, ɓáodondana ka ntua ángbó á tena á nyɔngɔ ɓáogea: «Ɓî mogáa nde aɔtɔtɔkisa ketangaɔ ásii ɓende, ɓegeande ɓo?

Yoáni 12:18

Kaɓondɔ unge, usɛsɛ á ɓakpa ɗáɓábiki omɓondeaga, ka nyɔngɔ nde ɓakpa ɗáɓáɔ́ki gea, yɛ aámbé ɗátɔtɔkisi mphangiɔ á ketangaɔ ndɔɔ.

Yoáni 12:37

Nanga ɓî Yéso ɗátɔtɔkisi ketangaɔ ásii mosá aɓɔ, ɗáɓákámɓeeki.

Yoáni 12:41

Isáya ɗáyɔngi ɓó nga, ɗáɔni ɓoombia ndea Yéso, áɔyɔnga gǔ akɛ.

Yoáni 14:13

Nɛtɔtɔkisande phɔtɔ kema bui nde ɓɔɔmɛma k'ína ani. Kaɓondɔ unge, ɓánɗokomisande Abɛ ka Anakɛ.

Yoáni 16:27

Nga, Abɛ sasakɛ anokondi, ka nyɔngɔ nde, ɓomokondi na ɓô phɔtɔ oɓeekea gea, netóki mɔtɛ á Mokonga.

Yoáni 16:30

Kɛ̌kɛnde, ɓeúbi gea, ooúba kema bubui, kóna siki á gea, ɓákoúsiɛgɛ. Kaɓondɔ unge ɓeɓeeki gea, ɗótóki mɔtɛ á Mokonga.»

Yoáni 2:1

K'ésa á ko isaɔ mbusa í, ɗáɓábiki n'ɛkɛka ka Kána nji moci á ka Galiláya. Amakɛ na Yéso ɗá gǎkɛ wa.

Yoáni 2:23

Cɔ, ka matú ndɔ ɓî Yéso ɗátú na Yɛusalɛ́ma ka jaí á Pasáka, ɓakpa ɓásii ɓáomɓeekea, ka nyɔngɔ á ɔna á ketangaɔ nde ɗáɔtɔtɔkisa.

Yoáni 3:2

Cɔ, yɛ áombikia Yéso kǐpha áongoɗea: «Ngoisigi, ɓeoúba gea, Mokonga aámbé ɗáoteki k'aphe á goisaga asu ka nyɔngɔ nde, nkpa nnaɔtɔka n'atɔtɔkisi ketangaɔ ɓíndɔ ɔɔtɔtɔkisa, kaɓɛ Mokonga na nna kimoci na yɛ.»

Yoáni 4:3

Cɔ, Yéso ɗáɔ́ki ye maca ndea Ɓaphaisáyɔ, áotóka na Yudɛ́a, â goto oja na Galiláya.

Yoáni 4:46

Yéso â goto oga na Kána á ka Galiláya, k'ɔ́ma ndɔ ɗágaí iɓo ka divai. Cɔ, muna-moamɛ moci ɗátú osamba ka Kapɛɛnaúmu.

Yoáni 4:54

Nndɔ ɗátú goto mphangiɔ á ko iɓɛ, nnde Yéso ɗági ka toka akɛ na Yudɛ́a ka gǎ na Galiláya.

Yoáni 5:23

ka gea, ɓakpa ɓɔbu ɓánɗokomisɛ Miki ɓíndɔ ɓáonɗokomisa Abakɛ. Cɔ, mmbé nnaonɗokomisa Miki, nna phɔtɔ onɗokomisa Abakɛ mmbé anteki.

Yoáni 6:14

Ɓî ɓakpa ɓáɔni ye Yéso n'atɔtɔkisi ketangaɔ ndɔ, ɓáogea: «Ɗoni, mmbé ande Mɔtu-nyɔngɔ ndea Mokonga mmbé ɗákeni bika ka mokonda.»

Yoáni 6:2

Usɛsɛ ángbó á ɓakpa ɓáomɓea nga, ɗáɓáɔni mphangiɔ á ketangaɔ nde ɗáɔtɔtɔkisa ka amisa á ɓato á esambɔ.

Yoáni 6:26

Yéso áǒsikisia gea: «Eya, nenóngoɗi ɗoni gea, ɓoomokaɓa nga, ɗóɓoí mokati, ɓóokúta, nna ndiu gea, ɓoengekisi kantíti á mphangiɔ á ketangaɔ nde nɛtɔtɔkisi.

Yoáni 6:30

Ɓâ gǎkɛ ongea: «Cɔ, mphangiɔ á ketangaɔ sina nde ɔtɔtɔkisande ka gea te, ɓɛ́ɔnɛ ú na ɓeekea akɔ? Kema sina nde ɔtɔtɔkisande?

Yoáni 7:31

Suɓi á usɛsɛ ndɔ, ɓakpa ɓásii ɓáomɓeekea. Ɓáogea: «Mbenɔ nde Kiísito abikande, atɔtɔkisande mphangiɔ kɔnyɛ́nya nkpa ndee?»

Yoáni 9:16

Ɓaphaisáyɔ ɓuangbo ɓáogea: «Nkpa ndɔ kátóki ka Mokonga nga, nna koamba ɛɔphi á saɓáto.» Ɓuangbo ɓâ ndiu ogea: «Ai! Nto á ɓojeɗe aɔtɔka n'atɔtɔkisi mphangiɔ ɓínde ɓo?» Kaɓondɔ, ɓáokatanaga.

2 Ɓakɔlítɔ 3:18

Ɓesu ɓɔbu ɓéké ye na bɔngɔ ndɔ aoɗaka keongi asu. Nga, ɓoombia á Mɔkɔta aophenuaga kau. Kaɓondɔ ɓeékěti ka kengeana na Mɔkɔta, ɓéoɓá goto na ɓoombia ángbó esa bui. Nndɔ ungɔ ande ekuma ndea Mɔkɔta n'ande Měma.

2 Ɓakɔlítɔ 4:17

Tambaga nesu á kɛ̌kɛnde nna akpɛ na káiphiɛku. A ndiu osóɓɔngisia ɓophómbia ángbó phɛɛ. Ɓophómbia kau aɓande mɔɛnda na aángbó phɛɛ, kɔnyɛ́nya tambaga nde ɓe kau.

2 Ɓakɔlítɔ 4:6

Ɓî Mokonga ɗáconji mokonda, ɗáyɔngi: «Owanga ábɛnyɛ ka keiphe.» Yɛ aámbé abɛnyisi phɔtɔ owanga ndɔ suɓi á měma asu. Ka opha asu úbapha nde ɓoombia nɛkɛ aɔbɛnyisa keongi á Kiísito. Nyɔngɔ ndɔ unge ɓeokaɓa úbisa á ɓakpa, n'ande nyɔngɔ á ɓoombia á Mokonga.

1 Yoáni 5:13

Cɔ, nenóɗundui ɓenu íɓundɔ ɓoɓeeki ina á Miki-mǒko ndea Mokonga ka gea te, ɓóúbɛ gea, ɓona enda á mɛyɔ.