Yoáni 2:10 - Ɔngana á Kɛ̌kɛ

¹⁰ áongoɗea: «Ɓakpa ɓɔbu ɓá phɔ́ kǒɓopha ɓato á ɛkɛka makana nde aánjá phɛɛ mosá-mosá. Mbusa á noa í ásii, ɓáǒɓopha mokongo. Cɔ, oɓɛ obisi gǎkɛ tɔ makana nde aánjá phɛɛ mbusa!»

Yoáni 2:10 Iomraidhean Croise

Matáyɔ 24:49

Áokpanga ɓinda á ɓadakɛ íɓunde aobɛɗanaga na ɓɔ, aeagande na noa kimoci na ɓato á ɓoita.

Lóka 12:45

A gǎkɛ oɓá mbɛɗanigi ndɔ n'ěgi sasakɛ: ‹Hoo! Mɔkɔta kábikɛku soma.› Áokpanga ɓinda á ɓadakɛ ɓabɛɗanigi, ɓǒko na ɓake. Áoikia eaga na noa n'ɛbɛɗi á makana.

Lóka 16:25

Abalaámu â ndiu ongoɗea te: «Miki amɔ, kanisia gea te, ɗɔ́tɔi kema ánjánja ka enda akɔ, Lajáɔ â gǎkɛ ɔtɔa kema ájeɗe-jeɗe. Kɛ̌kɛnde gǎkɛ, aphɔngi tɔ wani phio! Oɓɛ aámbé o ndiu ká tambaga.

Ekuma á ɓateki 2:15

Makana káɛbɛɗi ɓakpa nde ɓíndɔ ɓookanisia nga, ɓî esa ásɛ, a phɔ́tɔ ka nji asasi.

1 Ɓakɔlítɔ 11:21

Cɔ, ɓî ɓooeaga, nkpa na nkpa aokamisaga ea eea ínɛkɛ, na ɓakpa ɓuangbo na ɓá na nja, ɓuangbo makana n'aɔ́bɛɗa.

Ɓaɛphɛ́sɔ 5:18

Makana kanɔ́bɛɗɛmbɛ nga, ɛbɛɗi á makana aomúja nkpa. Akeni ndiu, ɓótúmɛ na Měma á kanga ɓojeɗe.

1 Ɓatɛsalɔníka 5:7

Nga, kǐpha aunge ɓakpa ɓáoɗa, ɓunɛngbo makana áɔ̌bɛɗa.

Mphaniɔ 17:2

Ɓaamɛ á ka mokonda ɗáɓánɗege ně na ɓato á ka mokonda, ɓáonoa makana á komusɔngɔ nɛkɛ áɔ̌bɛɗa.»

Mphaniɔ 17:6

Nɛ́ɔɔna gea, magia á ɓato á kanga ɓojeɗe n'índɔ á ɓunde ɗáɓátú ɓaɗigimisi ndea Yéso ambɛɗi. Ɓî nɛmɔni nke ndɔ, néoyayama phɛɛ.