Yoáni 19:4 - Ɔngana á Kɛ̌kɛ

⁴ Pilátɔ â goto ojuana, áǒngoɗea ɓakpa: «Cɔ, neonjuanisa Yéso ka úbisa anu gea, kɛɔni nyɔngɔ ájeɗe nde akeni ka tena á nyɔngɔ nɛkɛ akpɛ.»

Yoáni 19:4 Iomraidhean Croise

Matáyɔ 27:19

Cɔ, ɓî Pilátɔ ɗáiki ka kankaanga á tena á nyɔngɔ, nkakɛ áontekisia mbino gea: «Kǒngisɛ mɔnɔ ka nyɔngɔ ndea nto á koɗoni ndɔ nga, kesande kǐpha netambigi phɛɛ ka njeki ka nyɔngɔ akɛ.»

Matáyɔ 27:24

Ɓî Pilátɔ ɗáɔni te kátɔkɛku ye n'agi kema, na oyombɔ á ɓakpa n'aǒyamea, áɔbɛɗa iɓo, áosokosa njaga akɛ mosá á ɓakpa ɓɔbu, n'aɔyɔnga gea: «Mengombo á nkpa nde, nna k'éme, a ye tɔ ka ɓenu!»

Matáyɔ 27:4

Aǒngoɗea te: «Negi ɓojeɗe, ka kusisa nkpa nde nna na ɓojeɗe!» Ɓáonsikisia gea: «Ɓéké na nyɔngɔ kíndɔ, nndɔ ande nyɔngɔ nɛkɔ sasakɔ!»

Matáyɔ 27:54

Moamɛ á ɓato émani na ɓundɔ ɗáɓátú na yɛ ka amba á Yéso, ɓî ɓáɔni ɓaningina na kema bubui nde ɗágeani, ɓáoɓá na kɔɓɔɓɔkɔ phɛɛ, ɓáogea: «Ɗoni nkpa nde ɗátú Muna-Mokonga ɗoni!»

Lóka 23:4

Mpɔ, Pilátɔ áǒngoɗea ɓagbɛga á ɓatoɓeigi-phɛ́a na usɛsɛ á ɓakpa gea: «Kétandaɔɔna ɓojeɗe ka phɔa nkpa ndee.»

Lóka 23:41

Ka phɔasu áɓɛ ɓó nga ɓɛtɔí nnde aengemeani na tambɛa asu. Yɛ gǎkɛ, kági tanda ka ɓojeɗe.»

Lóka 23:47

Mbenɔ nde mɔkɔta á ɓato émani ɗáɔni nnde ɗányɛ́nyi, áombeba Mokonga na yɔnga te: «Eya! Nkpa nde ɗátú nto á koɗoni.»

Yoáni 18:33

Cɔ, Pilátɔ â goto ongia k'éndu, áɔmɔphana Yéso, áomúsia: «Moko, onde moamɛ ndea Ɓayúda?»

Yoáni 18:38

Pilátɔ áomúsia: «Ɗoni ande kema sina?» Mbusa á yɔnga akɛ ɓó, Pilátɔ â goto ojuana, áoga kuɓî Ɓayúda ɓáɔ. Áǒngoɗea: «Eme, kɛ́ɔni kema ájeɗe nde akeni tena á nyɔngɔ á nkpa nde akpɛ kau.

Yoáni 19:6

Ɓî ɓagbɛga á ɓatobeigi-phɛ́a na ɓabɛɗanigi nɛɓɔ ɓámɔni Yéso, ɓáɔyɔnga n'ɛsɔ akpɛ gea: «Nkɔkɛagani ka moyangɔ! Nkɔkɛagani ka moyangɔ!» Pilátɔ â gǎkɛ ǒgea: «Ngani ně ɓenu sasanu, ɓɔ́nkɔkɛɛgɛ ka moyangɔ. Nga, kɛ́ɔni nyɔngɔ ájeɗe nde akeni ka tena á nyɔngɔ nɛkɛ akpɛ.»

2 Ɓakɔlítɔ 5:21

Cɔ, Kiísito ɗákátú na ɓojeɗe. Mokonga ɗánkumbisi gǎkɛ ɓojeɗe nɛsu gea te, ɓî ɓe kimoci na Kiísito, ɓéɓɛ ɓato á ɗoni mosá á Mokonga.

Ɓaɛbulanía 7:26

Eya! Yéso ande ngbɛga á ɓatoɓeigi-phɛ́a mmbé akeni ɗoni ka ɓesu. Ande mɛna-ɓonjánja phɛɛ, kángá kisɛki, kángá ɓɔjɔɔkiɔ. Ɗátingani phɛɛ na ɓato á ɓojeɗe, Mokonga ɗámophi ɓokutú phɛɛ kɔnyɛ́nya kema bui á na koba.

1 Pɛ́tɛɛ 1:19

Ophendɔ a ka phɔa anu a ndiu á kema á esombi akpɛ ande gea, magia á Kiísito. Yɛ, ɗákú ɓea muna-mɔgɔgɔ ɔ́phɛɔ, mmbé ɗákátú na kiɗɔti na ɓojeɗe.

1 Pɛ́tɛɛ 2:22

Yɛ, ɗákági tanda ɓojeɗe, na ɗákáyɔngi tanda mbɛa.

1 Pɛ́tɛɛ 3:18

Cɔ, Kiísito yɛ sasakɛ, ɗátambigi phɔtɔ mɔngɔ ímoci tɔ ka nyɔngɔ á ɓojeɗe nɛsu. Yɛ, nto á koɗoni, ɗáku ka nyɔngɔ á ɓunde ɓáná ɓato á koɗoni ka gea, ánophangiɛ aphe á gǎ mɔtɛ á Mokonga. Ɗáku kukuwa á ka nyama, Měma á kanga ɓojeɗe â gǎkɛ onjujukisa ka kukuwa.

1 Yoáni 3:5

Ɓooúba gea, Kiísito ɗábiki ka íma á ɓojeɗe ndeasu na nna tanda na ɓojeɗe suɓi akɛ.