Yoáni 17:2 - Ɔngana á Kɛ̌kɛ

² Nga, ɗómophi kɔkɔta gǔ á ɓakpa ɓɔbu ka gea, éɓophɛ enda á mɛyɔ, ɓunde ɗómophi.

Yoáni 17:2 Iomraidhean Croise

Matáyɔ 11:27

«Abɛ ɗámopi kema bui. Nna na nkpa nde aomúba Miki, na nna tɔndɔ Abɛ. Nna na nkpa nde aomúba Abɛ, na nna tɔndɔ Miki, phɔtɔ na ɓunde Miki akondi áephangiɛ Abɛ base.»

Matáyɔ 25:46

Cɔ, ɓɔ, ɓágande otambanga mɛyɔ. Ɓato á koɗoni gǎkɛ ɓáɓande na enda á mɛyɔ.»

Matáyɔ 28:18

Mpɔ Yéso áobika ka mpɛphɛ aɓɔ, áǒngoɗea te: «Ɓámopi kɔkɔta bui á na koba na nnde á ka mokonda.

Yoáni 17:24

Abɛ, nekondi gea, ɓakpa nde omopi, ɓáikɛ ɔma nde neɓei, ka gea te, ɓáɔnɛ ɓoombia ani. Ɓoombia ndɔ aunge ɗómopi ka nyɔngɔ nde, ɗómokondi mosá á conjá á mokonda.

Yoáni 17:6

Ɗéúbisi ina akɔ ka ɓakpa íɓunde ɗɔ̌sɔmbu ka mokonda, ômopa. Ɓakpa ndɔ, ɗáɓátú ɓuakɔ, ômopa, ɓáoamba nyɔngɔ nɛkɔ.

Yoáni 17:9

Ka nyɔngɔ aɓɔ unge, nɛɔkɔmɛma. Nna gǎkɛ ka nyɔngɔ á ɓakpa ɓɔbu á ka mokonda, tɔndɔ ɓunde ɗómopi, nga, ɓánde ɓakpa nɛkɔ.

Yoáni 3:35

Eya, Mokonga ankondi Anakɛ, áobisa kema bui ka njaga akɛ.

Yoáni 4:14

Mmbé a ndiu onoa iɓo nde neomopha, kákuwɛku ye tanda n'ɛnyɔta. Nga, iɓo nde neomopha, aɓande suɓi akɛ ɓea ntoɔ nde aophúphutisa enda á mɛyɔ.»

Yoáni 6:27

Ɓɔ́kɔbɛɗanɛgɛmbɛ ka nyɔngɔ á eea nde aoújukana, áɓɛ ndiu ka nyɔngɔ á eea nde aoendisa mɛyɔ. Eea ndɔ, eme Muna-Nkpa, aámbé nenóphande nga, Abɛ Mokonga amopi kɔkɔta í.»

Yoáni 6:37

Ɓakpa ɓɔbu ɓunde Abɛ amopi, ɓámobikiande. Mmbé amobikíí kémɓeɛgɛku tanda.

Yoáni 6:39

Mɔphɛ á mmbé ɗámoteki ande gea te, kémɓungisɛmbɛ mɔnɔ ka ɓunde ɗámopi. Nénjujukisɛ ndiu ka kukuwa k'ésa á sungiaga á mokonda.

Ɓalɔ́ma 6:23

Nga, ophendɔ á ɓojeɗe ande kukuwa, egabɔ á ɓonjánja-ékondi ndea Mokonga a ndiu enda á mɛyɔ kimoci na Kiísito Yéso Mɔkɔta nɛsu.

1 Ɓakɔlítɔ 15:25

Nga, akeni Kiísito ámameɛ nji bubui na ka ɓî Mokonga aebisande ɓaɓiɓia nɛkɛ ɓɔbu kusi écinji akɛ.

Ɓaɛphɛ́sɔ 1:20

mbenɔ nde ɗánjujúkisi Kiísito ka kukwa. Mpɔ, áonikisa na koba ka njaga akɛ á mǔku.

Ɓaphilípi 2:10

ka gea te, ka ina á Yéso econji bui ɓágbukɛ muanku, nanga ɓáɓá na koba, nanga ɓáɓá ka mokonda, nanga ɓáɓá kusi á oɗo.

1 Timɔtɛ́ɔ 1:16

Kaɓondɔ unge, Mokonga ɗámokui gǎkɛ ngomi. Cɔ, Kiísito Yéso ɗámophiphíí phɛɛ eme nto á ɓojeɗe á k'ama mosá-mosá ka ɔlɔ á ɓato á ɓojeɗe. Nndɔ ande mphangiɔ ka ɓunde ɓámɓeekeande ka gea, ɓáendɛ mɛyɔ kimoci na Mokonga.

Ɓaɛbulanía 1:2

Cɔ, ka ɓ'esa nde á sungiaga, ɗáyɔngi gǎkɛ na ɓesu k'aphe ndea Miki-Mǒko ndeakɛ. Miki ndɔ aámbé yɛ ɗámbisi mɛna-ɓotukɔ á kema bubui, na k'aphe á Miki ndɔ unge Mokonga ɗáconji mokonda bui.

1 Pɛ́tɛɛ 3:22

Yɛ, Yéso aámbé ɗáge na koba, aiki ka njaga á mǔku á Mokonga, na ana kɔkɔta gǔ á ɓamalaéka, ɓamɛna-kɔkɔta na ɓamɛna-ɓukpɛkpɛ á na koba.

1 Yoáni 1:2

Enda kau áɔɔnisa base, ɓɛ́ɔɔna ú. Ɓende ɓaɗigimisi, ka ɓondɔ unge ɓɛɔnɔtɔmia mbino á enda á mɛyɔ nnde ɗátú bíbí á Abɛ na áɔɔnisa base.

1 Yoáni 2:25

Mɔkɔ nde yɛ sisakɛ asɔɔku ande enda á mɛyɔ.

1 Yoáni 5:20

Ɓeoúba gea, Miki-mǒko ndea Mokonga ɗábiki, áosópha úbapha nde aosóúbisa Mokonga á ɗoni. Ɓɛɔngani na Mokonga á ɗoni ka nyɔngɔ á Miki-mǒko nɛkɛ Yéso Kiísito mmbé ɓa Mokonga á ɗoni, mmbé ande enda á mɛyɔ.

Yúda 1:21

Ikani suɓi ékondi ndea Mokonga, ka ɓondeaga ɓonjánja-ékondi ndea Mɔkɔta ndeasu Yéso Kiísito ka opha anu enda á mɛyɔ.