Yoáni 16:2 - Ɔngana á Kɛ̌kɛ

² Nga, ɓánoɓeagande k'éndu á madondanɔ ndea Ɓayúda ka nyɔngɔ á Mokonga. Aɓande na mbenɔ nde ɓundɔ ɓánomande, ɓákanisiande gea, ɓáɔmbɛɗaneaga Mokonga.

Yoáni 16:2 Iomraidhean Croise

Matáyɔ 10:28

Ɓókǒɓángɛmbɛ ɓundɔ ɓáomowa nyama, ɓákátɔkɛ gǎkɛ mowa měma. Mɓángani ndiu Mokonga mmbé aɔtɔka n'akusisi nyama na měma ka ɛɛmbɛ á nsa nde nnaoímika.

Matáyɔ 24:9

Ɓánɔtɔngande ka tambisaga na mowa anu. Ɓakpa ɓɔbu ɓánokangeande ka nyɔngɔ á ina ani.

Lóka 6:22

Maseye ka ɓenu ɓî ɓakpa ɓáonókangea, ɓáonóphaphea, ɓáonóbóma, ɓáonóyága ka nyɔngɔ ani, eme Muna-Nkpa.

Yoáni 12:42

Nanga ɓó, ɓakɔta á Ɓayúda ɓásii, ɗáɓámɓeeki Yéso. Ɗáɓáeɓangi gǎkɛ Ɓaphaisáyɔ. Kaɓondɔ unge, ɗáɓákáyɔngi base ka gea, Ɓaphaisáyɔ ɓákáeɓeɛgɛmbɛ k'éndu á madondanɔ ndea Ɓayúda ka nyɔngɔ á Mokonga.

Yoáni 16:25

Nɛtɔ́nɔtɔ̌mi kema ndɔ bui ka mɛní, mbenɔ a gǎkɛ obika, nnde kɛ́nɔtɔmiɛgɛku ye nyɔngɔ ka mɛní, nɛnɔtɔmiagande ndiu base, nyɔngɔ ndea Abɛ.

Yoáni 16:32

Cɔ, mbenɔ aobika, n'a ye tɔ ɓei, ɓî ɓenu ɓɔbu ɓophanjekanande, nkpa na nkpa mɔtɛ-akɛ, ɓóomoɗeketa sasani, ké gǎkɛ sasani nga, Abɛ a kimoci n'eme.

Yoáni 4:21

Yéso áongea: «Ómoɓeekea, esa aobika, nnde ɓókóngbúkiɛku Abɛ Mokonga muanku, kaɓɛ ka mamba nde, kaɓɛ ka Yɛusalɛ́ma.

Yoáni 4:23

Cɔ, mbenɔ aobika n'a ye tɔ bíbí, ɓato á ɗokomisa á ɗoni ɓánɗokomisande Abɛ ka měma na ka koɗoni nga, ɓundɔ ɓáunge Abɛ aǒkaɓa ka ɓá ɓato á ɗokomisa akɛ.

Yoáni 9:22

Ɓaɓɔkɔti akɛ ɗáɓáyɔngi ɓó ka nyɔngɔ nde ɗáɓáǒɓanga Ɓayúda. Nga, Ɓayúda ɗáɓáɔ́kani gea, nkpa nde aoɓeekea gea Yéso ande Kiísito, ɓámɓeagande k'éndu á madondanɔ ndea Ɓayúda ka nyɔngɔ á Mokonga.

Yoáni 9:34

Ɓayúda ɓáonsikisia gea: «Caa! Ɔɓɔkɔtɛani tɔ suɓi á ɓojeɗe. Ookaɓa goisaga asu?» Mpɔ, ɓáomɓeaga ka nsɛngɛ éndu á madondanɔ ndea Ɓayúda ka nyɔngɔ á Mokonga.

Ekuma á ɓateki 5:33

Ɓî ɓato á ka ntua ángbó á ɓɔphɛi ɗáɓáɔ́ki ɓó, nyɔngɔ ndɔ áǒsumba ka měma, ɓáokaɓa aphe á mowa ɓateki.

Ekuma á ɓateki 7:56

Áɔyɔnga te: «Ɔ́mɔɔ́kani! Nɛɔni koba n'akoɗokani, Muna-Nkpa, n'amamege ka njaga á mǔku á Mokonga.»

1 Ɓakɔlítɔ 4:13

Mbenɔ nde ɓakpa ɓáosóphusiaga na nyɔngɔ, ɓéǒsikisia ɓujɛjɛ. Kɛ̌kɛnde ɓakpa ɓáɔsɔ́ɔna ɓea kema á jǎi-jǎi á ka mokonda na ɓea eû.

Ɓaphilípi 3:6

Ɗétú na nténdé á tambisaga á kanisa phɛɛ. Ɗékétú na oyeyɔ ka nyɔngɔ á amba ɛɔphi ndea Mósa.

Mphaniɔ 6:9

Mbenɔ nde nɛmɔni Muna-Mɔgɔgɔ n'akoɗi ngoi á mutúti á ko ɓɔku, nɛ́ɔɔna kusi ɛ́tɛ-ɔ́phɛ́ɔ, měma á ɓakpa nde ɗáɓětenigi ka nyɔngɔ á tɔ̌miaga á Nyɔngɔ á Mokonga, na ka nyɔngɔ á ɗigimisa nde ɓakpa ɗáɓáoɗigimisa ka phɔakɛ.