Yoáni 15:2 - Ɔngana á Kɛ̌kɛ

² Aotena ntabi bui nnde ajúkani n'eme na nnaɔgɔmba. A gǎkɛ ɔɓɔngisiaga nnde aɔgɔmba ka gea te, ágɔmbɛ goto phɛɛ.

Yoáni 15:2 Iomraidhean Croise

Matáyɔ 13:12

Nga, nkpa nde ana kema, ɓámophande nengbo, áoɓá ně ásii. Mmbé gǎkɛ nna na kau, ɓámutande n'índɔ aně.

Matáyɔ 13:33

Yéso áǒngoɗea mɛní nɛngbo, áogea: «Koɓoamɛ á na koba akengeani na cacu nnde nke ɗádausani na mpusu á mucɛɛ ásii ka gea, mpusu ndɔ áɓimbɛ.»

Matáyɔ 15:13

Yéso áǒsikisia te: «Me bubui nde Abɛ mmbɔ á na koba kákoni, ɓáúphande.»

Matáyɔ 21:19

Áɔɔna me nde ɓáɔɔphana mtini ka mpɛphɛ á aphe, áokétea ú, â gǎkɛ odonda na kágɔmbi. Aɔnsɛmɛaga me ndɔ te: «Kɔ́gɔmbɛeka.» Mɔngɔ moci, me ndɔ áɔɔmɔkaka.

Matáyɔ 25:29

Nga, nkpa buakɛ mmbé ana ka kema, atɔande nɛngbo áoɓá ně ásii. Mmbé nna gǎkɛ na kau ɓámutande n'ǐnde atójigi ně.

Matáyɔ 3:10

Cɔ, ɓábisi ye eoka ka tenaga á mǐgi-mǐgi á ɓame. Me buakɛ mmbé nnaɔgɔmbisa mbuka ánjá, ɓámbiande na maka akɛ ka nsa.

Matáyɔ 3:12

Yɛ, abɛɗi ungɔ ka njaga akɛ, aɔɓɔngisiaga ɔma. Atundagande nganɔ, áobisa k'égbóngbó nɛkɛ, â gǎkɛ ɔɛkɛkisaga mapɛpɛ í ka nsa nde nnaoimika.»

Matáyɔ 7:19

Ɓáombia me buakɛ mmbé nnaɔgɔmbisa mbuka ánjánja, ɓáomaka ka nsa.

Málikɔ 4:20

Mbó nɛngbo ɗágu ka oɗo ánjá. Oɗo ndɔ, a ɓea ɓakpa ɓunde ɓáɔɔ́ka Nyɔngɔ á Mokonga, ɓáoɓeekea, áɔgɔmba suɓi aɓɔ. Moci áɔgɔmba mbuka nkama isaɔ (30), nɛngbo nkama ngianjaga (60), nɛngbo mia moci (100).»

Lóka 8:13

Ɓuangbo ɓá gǎkɛ ɓea mbenɔ nde mbó ndɔ ɗágu ka oɗo nde á n'ɛtɛ. Ɓáɔɔ́ka nyɔngɔ á Mokonga, ɓáɔbɛɗa ú na maseye. Nyɔngɔ ndɔ kangiɛ ndiu ɓea mǐgi suɓi aɓɔ. Ɓá tɔ oɓeekea ka mbenɔ ábɔa. Aoɓá na ɓáetambisigi tɔ ábɔa, ɓáoɗeketa ú.

Yoáni 15:1

Nende mujabíbu á ɗoni, Abɛ ande gǎkɛ ngubi.

Yoáni 15:16

Ɓókómɔsɔmbu, eme aámbé nɛnɔsɔmbu ndiu, na néonoteka ka gea, ɓógɛgɔmbisɛ mbuka á ka měma, nnde aoiphia phɛɛ. Kaɓondɔ, Abɛ anóphande kema bui nnde ɓɔmɛmande yɛ k'ína ani.

Yoáni 15:3

Cɔ, ɓenu ɓánosokosei ye tɔ ka měma ka nyɔngɔ á ɓɔphɛi nde ɗénóphɛí.

Yoáni 15:6

Mmbé káiki suɓi ani, ande ɓea ntabi nde ɓáteni, ɓáomaka, áɔɔmɔkaka. Mpɔ, ɓáoɓoa ntabi nde aɔmɔkaki, ɓaómaka ka nsa, áosiɗa.

Yoáni 15:8

Aoɓá na ɓɔgɔmbi phɛɛ ka měma, ɓánɗokomisande Abɛ, na ɓoɓande ɓagoigi nɛmɔ ɗoni.

Yoáni 17:12

Ɓî ɗétú kimoci na ɓɔ, ɗéǒamba ka ɓukpɛkpɛ á ina akɔ, ina ndɔ ɗómopi. Ɗéambi phɛɛ, ka ɓɔ kaɓúngɛgɛ, tɔndɔ mmbé ɗákeni áɓungɛgɛ, ka gea te, moangɔ á Ɓuku á Mokonga átɔtɔkɛanɛ.

Ɓalɔ́ma 11:17

Ɓaisilaɛ́li ɓá ɓea me á mujɛitúni nde Mokonga ɗátenigi ka ntabi í. Oɓɛ, o ɓea ntabi á me á k'osaa. Ɓákɔtɛisi k'ɔ́ma nɛɓɔ oɓɛ ímbe kó Moyúda onde ɓea ntabi á me á k'osaa. Kɛ̌kɛnde ɔɔtɔa phɔtɔ iɓo á ka mǐgi á mujabíbu.

Ɓalɔ́ma 11:22

Cɔ, ianagani phɔ́ ɓonjánja ndea Mokonga na kokae nɛkɛ. Mokonga aákae ka ɓundɔ ɗáɓágu. Yɛ, a gǎkɛ anjánjá k'óɓɛ aoɓá n'oomɓeekea ka ɓonjánja nɛkɛ. Aoɓá na kógi ɓó, ámbé ɓákotenande phɔtɔ.

Ɓalɔ́ma 8:28

Cɔ, ɓeoúba gea, kema bui a tɔ ka ɓonjánja á ɓakpa nde ɓánkondi Mokonga. Ɓakpa ndɔ ɓáunge, yɛ ɗɛ́ɓɔphani ka ɓeana na moangɔ nɛkɛ.

1 Ɓakɔlítɔ 13:1

Nanga nɛ́yɔnga na ɛyɔngi ɗanga-ɗanga ndea ɓakpa, na nnde á ɓamalaéka, na ké gǎkɛ n'ekondi, ɛsɔ ani a ɓea ayomɛ n'ɔkɔtɔ.

Títɔ 2:14

Yéso Kiísito sasakɛ aámbé ɗáku ka phɔasu ka gea, asophúiɛ ka ɓojeɗe bui, na sokosea asu ka gea ɓéɓɛ ɓakpa nɛkɛ sasakɛ ɓunde ɓána siki á tɔtɔkisa á ekuma ánjá.

Ɓaɛbulanía 12:15

Ɛ́ngɛphani gea, ka ɓenu kaeúkisɛmbɛ ɓonjánja-ékondi ndea Mokonga. Ka ɓenu kaɓɛmbɛ phɔtɔ ɓea mǐgi ájiá nde áɔtɛa, áoyombokisa na ndandisa á ɓojia ndɔ ka ɓakpa ɓásii.

1 Yoáni 2:19

Ɓaɓiɓia ndɔ, ɗáɓátókei mɔtɛ-asu, ɗáɓákátú gǎkɛ ɓunɛsu. Ɗáɓátúoɓá ɓunɛsu, ámbé ɗáɓáiki kimoci na ɓesu. Ɓásoɗeketi gǎkɛ ka gea te, áubikanɛ base gea, ɗáɓákátú ɓunɛsu.

Mphaniɔ 3:19

Eme, neóphekeaga na sɛka á ɓakpa ɓɔbu ɓundɔ někondi. Cɔ, ɓá na moíngí na kětia tambea akɔ.