Yoáni 13:8 - Ɔngana á Kɛ̌kɛ

⁸ Pɛ́tɛɛ â gǎkɛ ongoɗea Yéso: «Ɓɛɛndɔ, kósokosɛku tanda ecinji ani.» Yéso áongoɗea ɓe: «Aoɓá na kéosokosi, kóɓɛku ye kimoci n'eme.»

Yoáni 13:8 Iomraidhean Croise

Matáyɔ 16:22

Mpɔ, Pɛ́tɛɛ áonga na Yéso ka mpɛphɛ, áokpanga phekeaga akɛ te: «Mɔkɔta, ambe Mokonga ákoambɛ, nyɔngɔ ndɔ katɔtɔkɛanɛmbɛ k'oɓɛ!»

Matáyɔ 21:29

Áonsikisia abakɛ te: ‹Kéokonda.› Mbusa, áoketia kanisia akɛ, áoga.

Matáyɔ 26:33

Pɛ́tɛɛ áongoɗea te: «Nanga ɓadani ɓɔbu ɓákosaga, eme kékosagɛeka gǎkɛ.»

Matáyɔ 26:35

Pɛ́tɛɛ áongoɗea Yéso te: «Kéongánɛku. Nanga áɓá kukuwa, ɓesíande kimoci.» Ɓagoigi ɓuangbo ɓɔbu ɓáɔyɔnga phɔtɔ ɓó.

Yoáni 13:6

Akiɗi ye bíbí á Simɔ́ni Pɛ́tɛɛ, Pɛ́tɛɛ áomúsia Yéso: «Mɔkɔta, oɓɛ aámbé oomosokosa ecinji?»

Yoáni 13:9

Mpɔ, Simɔ́ni Pɛ́tɛɛ áongoɗea: «Cɔ, Mɔkɔta, komosokosɛ tɔndɔ ecinji. Ómosokosa phɔtɔ njaga na mɔ̌.»

Yoáni 3:5

Yéso áonsikisia: «Nekongoɗi ɗoni gea, nkpa nde káɓɔkɔtɛani ka iɓo na ka ɓukpɛkpɛ á Měma, kángiɛku ka koɓoamɛ ndea Mokonga.

Ekuma á ɓateki 22:16

Cɔ, kɛ̌kɛnde, kema sina nde ooɓondea? Má, ɓáoɓatisɛ, ɔ́mɛmɛ Mokonga ka gea te, áímɛ ɓojeɗe nɛkɔ.›

1 Ɓakɔlítɔ 6:11

Cɔ, ka ɓenu ɓuangbo ɗáɓátú tɔ ɓondɔ. Mokonga â gǎkɛ onósokosea, áɔnɔsɔmbɔa gea te, ɓóɓɛ ɓakpa nɛkɛ, áonótanga ɓato á koɗoni k'ína á Mɔkɔta nɛsu Yéso Kiísito na ka Měma á Mokonga nɛsu.

Ɓaɛphɛ́sɔ 5:26

ka gea, ásokoseɛ kanisa mosá á Mokonga: Áosokosea ú na yɔnga.

Ɓakɔlɔsái 2:18

Ɓókǒɗeketeɛmbɛ ka gea, nkpa buakɛ átenɛ nyɔngɔ nɛnu akpɛ, mmbé aǒdemisaga gea ana měma édidisa na beba á ɓamalaéka. Ɓábisi phɔtɔ měma aɓɔ ka kema nde ɓáɔɔna ka mphaniɔ. Kanisia aɓɔ a tɔ á kokpa, nndɔ aǒɓopha ɓemboko.

Ɓakɔlɔsái 2:23

Eya, ɛɔphi ndɔ aɔɔnɛkana ɓea kema á kɔɓɔɔngɛ nga, ana nyɔngɔ ésomba nde ɛmɛnɛi, měma édidisa, moangɔ akpɛ á tambisaga nyama. Nanga áɓá ɓó, ɛɔphi kau nna gǎkɛ na kantíti. Nna ɔtɔka n'aimisíí mɔphɛ á ka nyama asu.

Títɔ 3:5

áosóamisa ka měma. Nna gǎkɛ ka nyɔngɔ á ekuma ánjá nɛsu nnde ɓɛtɔtɔkisi unge agi ně ɓó, a ndiu ka kuia asu ngomi. Ɗásóamisi ka měma ka opha asu enda á kɛ̌kɛ ka iɓo á oɓatisɔ na Měma á kanga ɓojeɗe.

Ɓaɛbulanía 10:22

Kaɓondɔ, ɓémbǐmisiɛni Mokonga na měma á koɗoni nnde atúmi na ɓeekea, phɔtɔ na nyama nde ɓesokosi ú na iɓo nde aánjá.

Mphaniɔ 1:5

Ɓonjánja-ékondi na ɓujɛjɛ ndɔ átokɛ phɔtɔ ka Yéso Kiísito, nɗigimisi á ɗoni, ánge ka ɓunde ɓájujúki ka kukuwa, na moamɛ á ɓaamɛ á ka mokonda. Yɛ, Kiísito asókondi, magia akɛ aunge ɗásóphúi ka ɓojeɗe nɛsu.

Mphaniɔ 7:14

Néonsikisia te: «Mɔkɔta nɛmɔ, oɓɛ aámbé ooúba.» Áomogea: «Ɓundɔ, ɓáunge ɓátóki ka tambaga ángbó. Ɓásokosi bɔngɔ éndǎ nɛɓɔ na magia á Muna-Mɔgɔgɔ, ka ɓondɔ, bɔngɔ nɛɓɔ áoɓá ábu.