Yoáni 13:3 - Ɔngana á Kɛ̌kɛ

³ Yéso ɗáúbi gea, Mokonga ɗábisi kema bui ka njaga akɛ, ɗátóki mɔtɛ á Mokonga, na ajande phɔtɔ kó.

Yoáni 13:3 Iomraidhean Croise

Matáyɔ 11:27

«Abɛ ɗámopi kema bui. Nna na nkpa nde aomúba Miki, na nna tɔndɔ Abɛ. Nna na nkpa nde aomúba Abɛ, na nna tɔndɔ Miki, phɔtɔ na ɓunde Miki akondi áephangiɛ Abɛ base.»

Matáyɔ 28:18

Mpɔ Yéso áobika ka mpɛphɛ aɓɔ, áǒngoɗea te: «Ɓámopi kɔkɔta bui á na koba na nnde á ka mokonda.

Lóka 10:22

 phɔtɔ ogea: «Abɛ amopi kɔkɔta á kema bui. Nna na nkpa nde aomúba Miki mǒko tɔndɔ Abɛ. Nna na nkpa nde aomúba Abɛ, na nna tɔndɔ Miki mǒko, na mmbé Miki mǒko akondi phangia akɛ.»

Yoáni 1:18

Nna na nkpa nde amɔnimbɛ mɔnɔ Mokonga, na nna tɔndɔ ngɔmu nɛkɛ mmbé akengeani na yɛ phɛɛ, áoikisana na Abakɛ. Yɛ aámbé asoúbisi Mokonga base.

Yoáni 13:1

Cɔ, bíbí á jaí á Pasáka, Yéso ɗáúbi gea, mbenɔ á toka akɛ ka mokonda nde na gǎ mɔtɛ Abakɛ ajú ye tɔ. Ɗékondi ɓakpa nɛkɛ, ɓunde ɓá ka mokonda. Ɗékondi ɓakpa nɛkɛ ɓunde ɗáɓátú ka mokonda, ásikia konda aɓɔ na ka sungiaga.

Yoáni 17:2

Nga, ɗómophi kɔkɔta gǔ á ɓakpa ɓɔbu ka gea, éɓophɛ enda á mɛyɔ, ɓunde ɗómophi.

Yoáni 3:13

Nga nna na nkpa nde atáimbɛ mɔnɔ na koba, tɔndɔ eme Muna-Nkpa, mmbé ɗédidi ka toka na koba.

Yoáni 3:35

Eya, Mokonga ankondi Anakɛ, áobisa kema bui ka njaga akɛ.

Yoáni 7:29

Eme, neomúba nga, netóki mɔtɛ-akɛ na yɛ aámbé amoteki.»

Yoáni 7:33

Yéso áogea: «Ne goto na ɓenu ka mbenɔ ábɔa, mpɔ, nesikianagande mɔtɛ á mmbé ɗámoteki.

Yoáni 8:14

Yéso áǒsikisia te: «Nanga néɗigimisa nyɔngɔ nɛmɔ sasani, nnde nɛɔyɔnga, ande ɗoni. Nga, neoúba ɔma nde netóki na ɔma nde neoga. Cɔ, ɓenu gǎkɛ, ɓókóoúba ɔma nde netóki, na ɔma nde neoga.

Yoáni 8:42

Yéso áǒgeae: «Atúoɓá Mokonga n'ande Abanu, ámbé ɗóɓomokondi. Nga, ɗétóki mɔtɛ á Mokonga, néobika wani. Kébiki k'éme sisani, yɛ ndiu aámbé ɗámoteki.

Ekuma á ɓateki 2:36

Eya, ambe ɓenu Ɓaisilaɛ́li ɓɔbu, ɓóúbɛ base gea, Yéso mmbɔ ɗóɓɔnkɔkɛigi gǔ á moyangɔ, yɛ aámbé Mokonga ambisi, Mɔkɔta na Kiísito.»

1 Ɓakɔlítɔ 15:27

Nga, Ɓuku á Mokonga agi ɓe: «Mokonga ɗábisi kema bubui kusi á ecinji akɛ.» Ande gea, suɓi á nyɔngɔ nde: «kema bubui» Mokonga nna kusi á Anakɛ. Mokonga abisi ndiu kema bubui ka njaga á Kiísito.

Ɓaɛbulanía 1:2

Cɔ, ka ɓ'esa nde á sungiaga, ɗáyɔngi gǎkɛ na ɓesu k'aphe ndea Miki-Mǒko ndeakɛ. Miki ndɔ aámbé yɛ ɗámbisi mɛna-ɓotukɔ á kema bubui, na k'aphe á Miki ndɔ unge Mokonga ɗáconji mokonda bui.