Yoáni 13:1 - Ɔngana á Kɛ̌kɛ

¹ Cɔ, bíbí á jaí á Pasáka, Yéso ɗáúbi gea, mbenɔ á toka akɛ ka mokonda nde na gǎ mɔtɛ Abakɛ ajú ye tɔ. Ɗékondi ɓakpa nɛkɛ, ɓunde ɓá ka mokonda. Ɗékondi ɓakpa nɛkɛ ɓunde ɗáɓátú ka mokonda, ásikia konda aɓɔ na ka sungiaga.

Yoáni 13:1 Iomraidhean Croise

Matáyɔ 26:45

Mpɔ, â goto ǒjiia ɓagoigi nɛkɛ ndɔɔ. Áǒngoɗea te: «Ɓophɔ́ma tɔ ka tɔ̌ na úmbia? Mpɔ ye tɔ mbenɔ ajú. Ɓámbisande Muna-Nkpa ka njaga á ɓakpa ɓájeɗe.

Matáyɔ 28:20

Ɓógoisɛgɛ ɓɔ amba á nyɔngɔ bubui nde ɗénósosi. Na úbani gea, ne kimoci na ɓenu esa bui na ka sungiaga á mokonda.»

Lóka 22:53

Cɔ, esa bui ɗétú na ɓenu k'éndu á Mokonga ɗóɓokótuomodunga. Cɔ, mbenɔ nde a ye tɔ nɛnu na ɓukpɛkpɛ á kaiphiɔ.»

Lóka 9:51

Ɓî esa á ja á Yéso na koba ɗá ye tɔ bíbí, Yéso áosuia mesa á tamba ka gǎ na Yɛusalɛ́ma.

Yoáni 11:55

Ɓî jaí á Pasáka ndea Ɓayúda ɗátú bíbí, ɓakpa ɓásii á ka nji ɗanga-ɗanga ɓáotáia na Yɛusalɛ́ma k'aphe á sokosea á měma aɓɔ.

Yoáni 12:23

Yéso áǒsikisia te: «Cɔ, mbenɔ ajú ye tɔ, nnde Mokonga anɗokomisande Muna-Nkpa.

Yoáni 13:29

Ɓî Yúda aámbé ɗáoambaga imɔna, ɓagoigi ɓuangbo ɓáokanisia te, Yéso ɗángoɗi ágɛ sombɛ kema nde akeni ka jaí, kaɓɛ nnde akeni phɔtɔ ka opha á ɓaúki.

Yoáni 13:3

Yéso ɗáúbi gea, Mokonga ɗábisi kema bui ka njaga akɛ, ɗátóki mɔtɛ á Mokonga, na ajande phɔtɔ kó.

Yoáni 13:34

Nenophi ɛɔphi á kɛ̌kɛ: kondanagani. Ɓindɔ eme ɗénokondi, ɓenu kondanagani phɔtɔ ɓó.

Yoáni 14:28

Ɓɔɔ́kima ɓî nenóngoɗima gea: ‹Nege, nejande gǎkɛ mɔtɛ-anu.› Atúoɓá na ɓomokondi, ámbé ɓona maseye, ka nyɔngɔ nde, nege mɔtɛ á Abɛ. Nga, Abɛ amɔnyɛ́nyi.

Yoáni 14:31

akeni gǎkɛ ɓato á ka mokonda ɓáúbɛ gea, nenkondi Abɛ, neogea nnde amososi. Cɔ, ómesiani, ɓégɛ.

Yoáni 16:28

Cɔ, netótóki mɔtɛ á Abɛ, néojua ka mokonda. Kɛ̌kɛnde, netóki gǎkɛ ka mokonda, neji mɔtɛ á Abɛ.»

Yoáni 17:1

Mbusa á Yéso yɔnga ɓó, áɔɛnjia na koba, áɔyɔnga ɓe: «Abɛ, mbenɔ ajú, nɗokomisa Anakɔ gea te, Anakɔ ákoɗokomisɛ.

Yoáni 17:16

Ɓáná ɓato á ka mokonda, ɓíndɔ eme ké nto á ka mokonda.

Yoáni 17:26

Ɗéúbisi ina akɔ ka ɓɔ na netútuisande úbisa aɓɔ ka gea, ekondi nde oně ka phɔa ani, áɓɛ ka phɔa aɓɔ na eme sasani néɓɛ suɓi aɓɔ.»

Yoáni 17:5

Cɔ, Abɛ, kɛ̌kɛnde, ómopa ɓoombia nde ɗétú ně bíbí akɔ mosá á conjá á mokonda.

Yoáni 18:4

Ɓî Yéso ɗáoúba kema bubui nde ankiɗianeande, áɔsɛkɛɗa kuɓî ɓáɔ, áǒúsia: «Ani mmbé ɓoonkaɓa?»

Yoáni 19:28

Mbusa índɔ, Yéso áoengekisa gea, moangɔ bui así. Ka gea ɓoabi nde a suɓi á Ɓuku á Mokonga átɔtɔkɛanɛ, áogea: «Neku n'ɛnyɔta.»

Yoáni 2:13

Cɔ, ɓî esa á jaí á Pasáka ndea Ɓayúda ɗá ye tɔ bíbí, Yéso áoga na Yɛusalɛ́ma.

Yoáni 6:4

Maseye á Pasáka ndea Ɓayúda ɗátú bíbí.

Yoáni 7:30

Mpɔ, ɓáokaɓa dunga akɛ, nna gǎkɛ na nkpa nde ɗándungi nga, mbenɔ nɛkɛ ɗákájumbɛ.

Yoáni 7:6

Yéso áǒsikisia gea: «Mbenɔ nɛmɔ ánjá kájumbɛ. Cɔ, ka ɓenu, mbenɔ bui a ndiu tɔ ánjá.

Yoáni 8:20

Yéso ɗáyɔngi nndɔ, ɓî ɗáogoisaga k'éndu ndea Mokonga, k'ɔ́ma nde ɗáɓáobisaga sanduku ɛ́kɔmi. Nkpa ɗákándungi gǎkɛ nga, mbenɔ nɛkɛ ɗákájumbɛ.

Ɓalɔ́ma 8:37

Ka kema ndɔ bubui, ɓe gǎkɛ okínda ka nyɔngɔ á nkpa nde asókondi.

1 Ɓakɔlítɔ 1:8

Yɛ, aámbé anóphande ɓukpɛkpɛ ka měma na ka ɓî asungiagande ka gea, ɓákánóyeyɛmɓɛ mɔnɔ esa nde Mɔkɔta nɛsu Yéso Kiísito ajande.

Ɓaɛbulanía 3:14

Nga, ɓe tɔ oɓá kimoci na Kiísito ámbé ɓeambi akpɛ ɓeekea nde ɗéɓekpangi ně na ka ɓî ɓegande ojúa ka sungiaga.

Ɓaɛbulanía 3:6

Kiísito aámbé a ndiu nto á ɗoni ɓea ánge k'éndu ndea Abakɛ. Ande gea te, endu ndɔ ande ɓesu, kaɓɛ na ɓena inyamɛ na ɓeoamba nseɓeɔ nde ɓeǒbeba ně.

Ɓaɛbulanía 6:11

Cɔ, mɔphɛ asu ande gea te, nkpa buakɛ sɔsɔɓɛ anu átetemisɛ ekuma na ka sungiaga ka gea te, nseɓeɔ nɛnu atɔtɔkɛanɛ.

1 Pɛ́tɛɛ 1:13

Kaɓondɔ, ɓɔngisiagani měma anu k'ékuma. Ɛ́ngɛphani, seɓeani ɓonjánja-ékondi nde ɓánophande k'ésa á sɛnɛka á Yéso.

1 Yoáni 4:19

Ɓesu, ɓeokondana ka nyɔngɔ nde, Mokonga ɗásokondi mosá.

Mphaniɔ 1:5

Ɓonjánja-ékondi na ɓujɛjɛ ndɔ átokɛ phɔtɔ ka Yéso Kiísito, nɗigimisi á ɗoni, ánge ka ɓunde ɓájujúki ka kukuwa, na moamɛ á ɓaamɛ á ka mokonda. Yɛ, Kiísito asókondi, magia akɛ aunge ɗásóphúi ka ɓojeɗe nɛsu.