Yoáni 12:1 - Ɔngana á Kɛ̌kɛ

¹ Esa ngianjaga (6) mosá á jaí á Pasáka, Yéso ɗáge na Bɛtanía, ka nji nde Lajálɔ, mmbé ɗánjujúkisi ka kukuwa ɗátú kau.

Yoáni 12:1 Iomraidhean Croise

Matáyɔ 21:17

Mpɔ, Yéso áǒɗeketa ɓakpa ndɔ, áoga na Bɛtanía, áoɗá kó.

Málikɔ 11:11

Yéso áokiɗia ka Yɛusalɛ́ma. Akiɗi ye, áongia suɓi éndu á Mokonga. Áɔɛnjia kema bui ko. Ɓî esa agɔgɔmani gǎkɛ, áojuana, áoja na Bɛtanía, kimoci na ɓagoigi nɛkɛ nkama na ɓaɓɛ (12).

Lóka 24:50

Mbenɔ nde Yéso ɗěge na ɓagoigi bǎ ntanga-nji, bíbí á nji Bɛtanía, wa, áɔmɛma Mokonga n'ěbisíí njaga.

Lóka 7:37

Ka ntanga-nji ndɔ, nke moci mmbé tambea akɛ ɗátú ájeɗe, áɔɔ́ka gea te Yéso aiki ka mɛja k'éndu ndea Mophaisáyɔ. Kaɓondɔ, áobika na ngbanda ánjá n'atúmi na nkoki.

Yoáni 11:1

Nkpa moci ɗátú osamba ka Bɛtanía ina akɛ Lajálɔ. Malía na áwákɛ Maatá ɗáɓáiki ka nji ndɔɔ.

Yoáni 11:43

Mbusa á yɔnga akɛ ɓó, áɔyɔnga n'ɛsɔ akpɛ gea: «Lajálɔ ca! Juana!»

Yoáni 11:44

Yɛ nkú, áojuana na ɓámɓóege na phaeka á bɔngɔ k'écinji, ka njaga, phɔtɔ na ka keongi akɛ. Mpɔ, Yéso áǒsosea: «Nkóɗágani, ɓónɗeketɛ ágɛ nɛkɛ.»

Yoáni 11:55

Ɓî jaí á Pasáka ndea Ɓayúda ɗátú bíbí, ɓakpa ɓásii á ka nji ɗanga-ɗanga ɓáotáia na Yɛusalɛ́ma k'aphe á sokosea á měma aɓɔ.

Yoáni 12:12

Mama í, usɛsɛ ángbó á ɓakpa ɓunde ɗáɓákiɗi ka jaí á Pasáka ɓáɔɔ́ka gea, Yéso aobika na Yɛusalɛ́ma.

Yoáni 12:20

Cɔ, ka Ɓagiíki ɗáɓátú sɔsɔɓɛ á ɓunde ɗáɓábiki ka Yɛusalɛ́ma, k'aphe á ɗokomisa á Mokonga, ka mbenɔ á jaí á Pasáka.

Yoáni 12:9

Cɔ, usɛsɛ ángbó á Ɓayúda ɓáɔɔ́ka gea, Yéso ɗátú na Bɛtanía. Kaɓondɔ, ɓáoga kó, nna tɔndɔ ka nyɔngɔ á Yéso, ɗátú gǎkɛ phɔtɔ ka nyɔngɔ á ɔna ka Lajálɔ, mmbé Yéso ɗánjujúkisi ka kukuwa.