Yoáni 11:4 - Ɔngana á Kɛ̌kɛ

⁴ Ɓî Yéso aɔ́ki mbino ndɔ, áogea: «Ngobo ndɔ kánkúsɛku Lajálɔ. A tɔ ka phangia á ɓoombia ndea Mokonga na ɗokomisa á Muna-Mokonga ka phɔa nyɔngɔ ndɔɔ.»

Yoáni 11:4 Iomraidhean Croise

Yoáni 10:38

Aoɓá na nɛtɔtɔkisi ndiu ekuma ndea Abɛ, nanga ɓókóomoɓeekea, cɔ, ɓeekeani ye phɔ́ ekuma nɛmɔ. Úbani na ɓɔ́ɔ́kɛ gea, ne suɓi á Abɛ na Abɛ a suɓi ani.»

Yoáni 11:40

Yéso áongea: «Kétóogi aoɓá n'oɓeeki, ɔɔnande ɓoombia ndea Mokonga?»

Yoáni 12:28

Abɛ, ɗokomisa ina akɔ.» Mpɔ, ɛsɔ áɔɔ́kɛkana n'atóki na koba gea te: «Ne yé ɗokomisi na neɗokomisande goto.»

Yoáni 17:1

Mbusa á Yéso yɔnga ɓó, áɔɛnjia na koba, áɔyɔnga ɓe: «Abɛ, mbenɔ ajú, nɗokomisa Anakɔ gea te, Anakɔ ákoɗokomisɛ.

Yoáni 17:10

Kema nɛmɔ bui, a tɔ akɔ. Kema nɛkɔ bui, a gǎkɛ tɔ amɔ. Nena ɓoombia ka nyɔngɔ aɓɔ.

Yoáni 17:5

Cɔ, Abɛ, kɛ̌kɛnde, ómopa ɓoombia nde ɗétú ně bíbí akɔ mosá á conjá á mokonda.

Yoáni 2:11

Nndɔ, ɗátú mphangiɔ á ketangaɔ á k'ama mosá-mosá ndea Yéso, nnde atɔtɔkɛani ka Kána á ka Galiláya. Yéso ɗáphangi ně base ɓoombia nɛkɛ. Kaɓondɔ, ɓagoigi nɛkɛ ɓáomɓeekea.

Yoáni 5:23

ka gea, ɓakpa ɓɔbu ɓánɗokomisɛ Miki ɓíndɔ ɓáonɗokomisa Abakɛ. Cɔ, mmbé nnaonɗokomisa Miki, nna phɔtɔ onɗokomisa Abakɛ mmbé anteki.

Yoáni 8:54

Yéso áǒsikisia: «Aoɓá na něɗokomisi sasani, nndɔ nna na kantíti. Abɛ, mmbɔ ɓogi te ande abanu, mmbɔ aámbé aomoɗokomisa.

Yoáni 9:24

Mpɔ, Ɓaphaisáyɔ ɓâ goto ɔmɔphana nami ndɔ ɗátú keíme-íme, ɓáongoɗea: «Yɔnga phɔ́ ɗoni mosá á Mokonga. Ɓeoúba gea, mogáa ndɔ ande nto á ɓojeɗe.»

Yoáni 9:3

Yéso áǒsikisia: «Nna yɛ, nna phɔtɔ ɓaɓɔkɔti akɛ ɓáunge ɗáɓági ɓojeɗe. A tɔ keíme-íme ka gea, ekuma ndea Mokonga áɔnɛkanɛ ka yɛ.

Ɓalɔ́ma 11:11

Cɔ, negie, Ɓaisilaɛ́li ɗáɓáɓɛtɛkani tɔ na gúa aɓɔ ɗoni? Nndakɛ! Ka nyɔngɔ á ɓojeɗe nɛɓɔ unge ɓato á k'ékuna nengbo ɓáami gǎkɛ ka měma, ka kusisa aɓɔ na nsengo.

Ɓaphilípi 1:11

Enda anu átúmɛ na tambea á koɗoni nnde Yéso Kiísito anophi ka nyɔngɔ á ɓoombia na obebɔ á Mokonga.

Ɓaphilípi 1:20

A tɔ ɓíndɔ ne ka ɓondeaga na seɓea gea, kékuwɛku tanda na soni. Ne ndiu otétemisa gea, néphangiɛ ɓophombia á Kiísito ka tambea ani bui, kaɓɛ kɛ̌kɛnde, kaɓɛ esa bui, kaɓɛ ka enda ani, kaɓɛ ka kukuwa ani.

1 Pɛ́tɛɛ 1:21

Ka nyɔngɔ á Kiísito unge ɓomɓeeki Mokonga, mmbé ɗánjujúkisi ka kukuwa sɔsɔɓɛ á ɓasí na áomopha ɓoombia. Ka nyɔngɔ índɔ unge mɓeekeani Mokonga na bisa á nseɓeɔ nɛnu ka yɛ.

1 Pɛ́tɛɛ 4:11

Nkpa nde aɔphɛa, á phɛɛ́ tɔ nyɔngɔ nde Mokonga ɗáyɔngi. Nkpa nde aɔbɛɗanaga, ábɛɗanɛgɛ tɔ ka ɓukpɛkpɛ nde Mokonga ɗámophi. Kaɓondɔ, kema bui nde ɓoogea ɓámbebɛ Mokonga kau k'aphe ndea Yéso Kiísito, mmbé ana ɓoombia na kɔkɔta k'ésa bui! Áɓɛ ɓó.

1 Pɛ́tɛɛ 4:14

Ɓonde ɓato á maseye aoɓá na ɓáonóbóma ka nyɔngɔ á ina á Kiísito nga, Měma á ɓoombia, ande gea Měma á Mokonga aiki suɓi anu.