Yoáni 10:6 - Ɔngana á Kɛ̌kɛ

⁶ Yéso ɗáengoɗi mɛní ndɔ, ɓákáengekisɛ gǎkɛ nyɔngɔ nde ɗáɔyɔnga.

Yoáni 10:6 Iomraidhean Croise

Matáyɔ 13:34

Yéso áɔyɔnga nyɔngɔ ndɔ bui ka mɛní mosá á usɛsɛ á ɓakpa. Ɗákáɔyɔnga na ɓɔ kángá mɛní.

Matáyɔ 13:51

Yéso áǒúsia ɓagoigi nɛkɛ te: «Ɓoengekisi nyɔngɔ nde bui?» Ɓáoɓeekea: «Eya.»

Málikɔ 4:34

Yéso ɗákátú okamba mɛní ka ɓɔphɛi nɛkɛ. Â gǎkɛ ǒngoɗeaga ɓagoigi nɛkɛ kantíti í bui ka ɓɔsɔmɛa.

Yoáni 16:25

Nɛtɔ́nɔtɔ̌mi kema ndɔ bui ka mɛní, mbenɔ a gǎkɛ obika, nnde kɛ́nɔtɔmiɛgɛku ye nyɔngɔ ka mɛní, nɛnɔtɔmiagande ndiu base, nyɔngɔ ndea Abɛ.

Yoáni 16:29

Mpɔ, ɓagoigi nɛkɛ ɓáongea: «Cɔ, kɛ̌kɛnde ɔyɔngi base, kángá á yɔnga ye ka mɛní.

Yoáni 6:52

Kaɓondɔ, Ɓayúda ɓáokpanga púa ngǔngu aɓɔ phɛɛ. Ɓáoúsianaga: «Mogaa nde aɔtɔka opha asu kesuku akɛ gea, ɓéeɛ ka ɓo?»

Yoáni 6:60

Mbusa á ɔ́ka á nyɔngɔ ndɔ, ka ɓagoigi nɛkɛ ɓásii ɓáogea: «Yɔnga nde aákpɛ. Ani mmbé aɔtɔka n'aɓeeki ú?»

Yoáni 7:36

Kantíti á nyɔngɔ nde ayɔngi a ɓo? ‹Ɓomokaɓande, ɓɔ́kɔ́mɔɔnɛku gǎkɛ. Nga, ɓɔ́kɔ́ɔtɔka na ɓoge kuɓî neikande.›»

Yoáni 8:27

Ɗáɓákáengekisi gea ɗáɔyɔnga ka phɔa Abakɛ.

Yoáni 8:43

Ka nyɔngɔ sina nde ɓókóoengekisa nyɔngɔ nde neonongoɗea? A tɔ ka nyɔngɔ nde, ɓɔ́kɔ́ɔtɔka ɔ́ka á nyɔngɔ nɛmɔ.

1 Ɓakɔlítɔ 2:14

Nkpa nde aseɓei tɔ ebigɔ nɛkɛ á kokpa, nnaɔtɔka n'aɓeeki nyɔngɔ nde atóki ka Měma á Mokonga. Nyɔngɔ ndɔ ande kobóbó ka yɛ. Nkpa ndɔ nnaɔtɔka n'aengekisi nyɔngɔ ndɔɔ. Nga, Měma á Mokonga tɔ unge aosópha aphe á tena á nyɔngɔ ánjá.

2 Pɛ́tɛɛ 2:22

Ande gea te, tambea aɓɔ aphangi base mɛní ndee: «Mbwa asikíí ea á ɓɔɔki akɛ» na «Ngɛa nde ěsokosi, asikíí goto éúphá n'esau.»

1 Yoáni 5:20

Ɓeoúba gea, Miki-mǒko ndea Mokonga ɗábiki, áosópha úbapha nde aosóúbisa Mokonga á ɗoni. Ɓɛɔngani na Mokonga á ɗoni ka nyɔngɔ á Miki-mǒko nɛkɛ Yéso Kiísito mmbé ɓa Mokonga á ɗoni, mmbé ande enda á mɛyɔ.