Yoáni 10:2 - Ɔngana á Kɛ̌kɛ

² Cɔ, mmbé a ndiu ongia ka kǐo, yɛ aámbé, ande mɓondigi-ɓamɔgɔgɔ.

Yoáni 10:2 Iomraidhean Croise

Matáyɔ 15:11

Nna kema nde aongia k'aphenɔkɔ á nkpa, aunge aɔnjɔɔkisa. Nnde aotóka k'aphenɔkɔ, a ndiu unge aɔnjɔɔkisa nkpa.»

Yoáni 10:14

Eme, nende mɓondigi anjánjá, neǒɓúba ɓamɔgɔgɔ nɛmɔ. Ɓɔ, ɓâ phɔtɔ omoúba.

Yoáni 10:7

Kaɓondɔ, Yéso â goto ǒngoɗea: «Nenóngoɗi ɗoni gea, nende kǐo á ɓɔgaɔ á ɓamɔgɔgɔ.

Yoáni 10:9

Eme aámbé nende kǐo. Aoɓá nkpa n'angí k'éme, aamande ka měma. Angiande, â phɔtɔ ojuana, atɔande eea.

Ekuma á ɓateki 20:28

Cɔ, engani tambea anu sasanu n'índe á ɓaɓêki ɓɔbu ɓundɔ Měma á kanga ɓojeɗe anophi ka amba aɓɔ. Ambani kanisa ndea Mokonga nnde ɗásombi na magia akɛ sasakɛ.

1 Timɔtɛ́ɔ 4:14

Kɔɓɛnjiɛgɛmbɛ bɛɗaneaga á egabɔ á Měma á Mokonga nnde asuɓi akɔ, nnde ɗɔ́tɔi ɓî ɓaɔtu-nyɔngɔ ndea Mokonga ɗáɓáyɔngi ka phɔakɔ, na ɓî ɓagbɛga ɗáɓákobisíí njaga.

Títɔ 1:5

Cɔ, ɗékosagi ka kesanga á Kɛɛ́tɛ ka gea, ɔ́ɓɔngisɛgɛ nyɔngɔ bui nde ajigi, na bisa á ɓagbɛga á kanisa ka ntanga-nji bui, ɓíndɔ ɗékososi.

Ɓaɛbulanía 13:20

Cɔ, Mokonga mɛna ɓujɛjɛ, ɗánjujúkisi Mɔkɔta nɛsu Yéso Kiísito sɔsɔɓɛ á ɓasí. Yéso aámbé ande nambi angbónbgó á ɓamɔgɔgɔ. Magia akɛ asɔ́tɔisi ɔngana á mɛyɔ.

1 Pɛ́tɛɛ 2:25

Cɔ, ɗóɓotú ɓea ɓamɔgɔgɔ na ɓáɓúngigi, kɛ̌kɛnde gǎkɛ, ɓosikianigi ka mɓondigi nɛnu, n'ande nambi á měma anu.

1 Pɛ́tɛɛ 5:4

Mbenɔ ndɔ Mɔkɔta á ɓaambi-etuge asɛnɛkande, ɓɔtɔande kuku á ɓoombia nde ɓonjánja í nna osía.

Mphaniɔ 1:20

Kantíti á ɓɔsɔmɛa ka ɓasɛɛngɔa ngianjaga iɓɛ (7) ndɔ ɗɔ́ɔni ka njaga ani á mǔku, na tɛta á ɔbɛa ngianjaga iɓɛ (7) nde ɓáɓɔngisigi na láté a ɓe: Ɓasɛɛngɔa ngianjaga iɓɛ (7) ande ɓamalaéka ndea Mokonga á ka kanisa ngianjaga iɓɛ (7) ndɔɔ. Ɓatɛta á ɔbɛa ngianjaga iɓɛ (7) ndɔ, ande kanisa ngianjaga iɓɛ (7).