Yoáni 10:16 - Ɔngana á Kɛ̌kɛ

¹⁶ Nena ɓamɔgɔgɔ ɓunɛngbo, ɓunde ɓáká gǎkɛ á k'ékombo ndee. Akeni phɔtɔ nétambisɛ ɓɔ. Ɓáɔ́kande ɛsɔ ani, ɓáɓande ekombo moci na mɓondigi moci.

Yoáni 10:16 Iomraidhean Croise

Matáyɔ 17:5

N'a phɔ́tɔ ɔyɔnga, iimbiɔ á egugu nde ana owanga áǒgbukumia. Ɛsɔ áɔɔ́kɛkana k'egugu ndɔ ɓe: «Mmbé ande Miki nɛmɔ á ekondi, nena maseye ka yɛ phɛɛ. Mɔ́kani yɛ.»

Lóka 15:8

Cɔ, aoɓá nke moci n'ana imɔna nkama (10), moci n'amɓúngíí, atoɓoande ɔbɛa, áophua endu ka kaɓa í na moíngí na ka ɓî aɔnande.

Yoáni 10:11

Eme, nende mɓondigi anjánjá. Mɓondigi anjánjá aɔtɔka ɓeekea kukuwa ka amisa á ɓamɔgɔgɔ nɛkɛ ka kukuwa.

Yoáni 10:2

Cɔ, mmbé a ndiu ongia ka kǐo, yɛ aámbé, ande mɓondigi-ɓamɔgɔgɔ.

Yoáni 10:27

Ɓamɔgɔgɔ nɛmɔ ɓáɔɔ́ka ɛsɔ ani. Eme, néǒɓúba, ɓáomoɓea.

Yoáni 10:3

Mɓondigi-kǐo aomúkuia mɓondigi-ɓamɔgɔgɔ, ɓamɔgɔgɔ ɓâ phɔtɔ ɔɔ́ka ɛsɔ akɛ. Aɔ̌ɓɔphana ɓamɔgɔgɔ nɛkɛ moci-moci k'ína aɓɔ, áǒjuanisa.

Yoáni 10:4

Mbenɔ nde aejuanisi ye ɓɔbu, áɔ̌mɛɛa mosá, ɓamɔgɔgɔ ɓáomɓea mbusa. Nga, ɓáoúba ɛsɔ akɛ.

Yoáni 10:5

Cɔ, ɓákámɓeɛku tanda mɔkɛni, ɓánteande ndiu ɗanga. Nga, ɓánáoúba ɛsɔ á ɓakeni.»

Yoáni 11:52

Nna tɔndɔ ka nyɔngɔ á ekuna, ɗátú phɔtɔ ka nyɔngɔ á dondanisaga ɓana-Mokonga ɓɔbu kimoci, ɓunde ɗáɓáphanjekani.

Yoáni 17:20

Ké tɔ ɔmɛma ka phɔa ɓundee, a ndiu phɔtɔ ka phɔa ɓunde ɓámoɓeekeande ka ɓeana na ɓɔphɛi nɛɓɔ.

Yoáni 6:37

Ɓakpa ɓɔbu ɓunde Abɛ amopi, ɓámobikiande. Mmbé amobikíí kémɓeɛgɛku tanda.

Ekuma á ɓateki 15:14

Simɔ́ni ɗásóngoɗi ɓî Mokonga aphangisi phɔ́ ngomi nɛkɛ ka ɓato á k'ékuna nɛngbo gea, ɛ́sɔmbɔɛ ka ɔlɔ aɓɔ, ɓábɛ ɓakpa nɛkɛ.

Ekuma á ɓateki 18:10

ka nyɔngɔ nde eme, ne kimoci n'oɓɛ. Ka ɓakpa kákodungeku na gea akɔ ájeɗe nga, nena ɓakpa nɛmɔ ɓásii ka ntanga-nji ndee.»

Ekuma á ɓateki 22:14

Yɛ áomongoɗea te: ‹Mokonga ndea ɓatatasu ɗákɔsɔmbu gea, óubɛ kema nde akondi na ɔna á Nto á ɗoni, na ɔ́ɔ́kɛ ɛsɔ akɛ sasakɛ.

Ɓalɔ́ma 11:25

Cɔ, ɓaya, nekondi úbisa anu moangɔ á ɓɔsɔmɛa ndea Mokonga ka gea, ɓóúbɛ gea ɓókó ɓato á kɔɓɔɔngɛ. Nga, Ɓaisilaɛ́li ɓuangbo ɓáikande kángá á ɓeekea. Nndɔ aiphiande na ka ɓî mɔɔmba á ɓakpa ɓunde ɓáná Ɓayúda ɓáamande ka měma.

2 Ɓatɛsalɔníka 2:13

Ɓaya, akeni gǎkɛ ɓesu ɓémbebɛ Mokonga esa bui ka nyɔngɔ anu, ɓenu íɓunde Mɔkɔta anókondi. Ande gea, Mokonga ɗánɔsɔmbu mosá ka gea, ɓóamɛ ka měma ka ɓukpɛkpɛ á Měma á kanga ɓojeɗe nnde aonóɓotea ka enda ánjá, phɔtɔ ka nyɔngɔ nde ɓoɓeeki ɗoni.

Ɓaɛbulanía 13:20

Cɔ, Mokonga mɛna ɓujɛjɛ, ɗánjujúkisi Mɔkɔta nɛsu Yéso Kiísito sɔsɔɓɛ á ɓasí. Yéso aámbé ande nambi angbónbgó á ɓamɔgɔgɔ. Magia akɛ asɔ́tɔisi ɔngana á mɛyɔ.

1 Pɛ́tɛɛ 2:10

Kala, ɗóɓókótú ɓato á k'ékombo ndea Mokonga, kɛ̌kɛnde, ɓo ye tɔ ekombo nɛkɛ. Kala, Mokonga ɗákáonókuia ngomi, kɛ̌kɛnde gǎkɛ, a ye tɔ onókuia ngomi.

1 Pɛ́tɛɛ 2:25

Cɔ, ɗóɓotú ɓea ɓamɔgɔgɔ na ɓáɓúngigi, kɛ̌kɛnde gǎkɛ, ɓosikianigi ka mɓondigi nɛnu, n'ande nambi á měma anu.

1 Pɛ́tɛɛ 5:4

Mbenɔ ndɔ Mɔkɔta á ɓaambi-etuge asɛnɛkande, ɓɔtɔande kuku á ɓoombia nde ɓonjánja í nna osía.

Mphaniɔ 3:20

Cɔ, nemame k'íso á mpume, neogbondoaga kǐo. Aoɓá nkpa n'aɔ́ki ɛsɔ ani, na úkuwa á kǐo, nengiande mɔtɛ-akɛ, ɓéeagande na yɛ, yɛ, aeagande n'eme.