Yoáni 10:11 - Ɔngana á Kɛ̌kɛ

¹¹ Eme, nende mɓondigi anjánjá. Mɓondigi anjánjá aɔtɔka ɓeekea kukuwa ka amisa á ɓamɔgɔgɔ nɛkɛ ka kukuwa.

Yoáni 10:11 Iomraidhean Croise

Matáyɔ 20:28

Kaɓondɔ unge, eme Muna-Nkpa kébiki ka gea ɓakpa ɓámɔbɛɗaneɛgɛ, nebiki ndiu ka bɛɗaneaga á ɓɔ na bisa á enda ani k'ophendɔ ka amisa á ɓakpa ɓásii.»

Yoáni 10:2

Cɔ, mmbé a ndiu ongia ka kǐo, yɛ aámbé, ande mɓondigi-ɓamɔgɔgɔ.

Yoáni 15:13

Nna na nkpa nde ana ekondi ángbó phɛɛ, kɔnyɛ́nya mmbé aɓeeki kukuwa ka phɔa ɓadakɛ.

Ɓaɛphɛ́sɔ 5:2

Kaɓondɔ, ambe ekondi áɓɛ nsɔndɔi ka enda anu ɓíndɔ Kiísito ɗásókondi, áosókuia, áoɓá ɓea ɛkɔmi na phɛ́a á su ánjá nnde amɓɔngɛi Mokonga.

Títɔ 2:14

Yéso Kiísito sasakɛ aámbé ɗáku ka phɔasu ka gea, asophúiɛ ka ɓojeɗe bui, na sokosea asu ka gea ɓéɓɛ ɓakpa nɛkɛ sasakɛ ɓunde ɓána siki á tɔtɔkisa á ekuma ánjá.

Ɓaɛbulanía 13:20

Cɔ, Mokonga mɛna ɓujɛjɛ, ɗánjujúkisi Mɔkɔta nɛsu Yéso Kiísito sɔsɔɓɛ á ɓasí. Yéso aámbé ande nambi angbónbgó á ɓamɔgɔgɔ. Magia akɛ asɔ́tɔisi ɔngana á mɛyɔ.

1 Pɛ́tɛɛ 5:4

Mbenɔ ndɔ Mɔkɔta á ɓaambi-etuge asɛnɛkande, ɓɔtɔande kuku á ɓoombia nde ɓonjánja í nna osía.

1 Yoáni 3:16

Ɓeoengekisa ekondi ka nyɔngɔ ndee: Kiísito ɗábisi enda akɛ ka ɓesu. Ɓesu phɔtɔ, akeni ɓébisɛ enda asu ka bɛɗaneaga ɓadasu.

Mphaniɔ 7:17

Ka nyɔngɔ nde, Muna-Mɔgɔgɔ, mmbé aiki ka měme á kankaanga á koɓoamɛ, ěambande ɓea mɓondigi-ɓamɔgɔgɔ. Ɛ̌sɔndɔɛande ka ntogɔ á iɓo á ɓoamia. Mokonga akɔmbɛande iɓo á ngamɔ bui á k'íso aɓɔ.»