Yoáni 10:10 - Ɔngana á Kɛ̌kɛ

¹⁰ Nkukuɓa a tɔ obika nɛkɛ k'aphe á uɓa, mowa na túkatúka. Nebiki gǎkɛ gea, ɓakpa ɓáɓɛ na enda, enda kau áɓɛ mɔɛndá.

Yoáni 10:10 Iomraidhean Croise

Matáyɔ 18:10

Cɔ, ɛ́ngɛphani! Ɓókomɓɛnjiɛgɛmbɛ ka ɓaniki ábɔbɔa ndɔɔ, ka nyɔngɔ nde, nenóngoɗi ɗoni gea, ɓamalaéka nɛɓɔ ɓá tɔ esa bui mosá á Abɛ na koba. [

Matáyɔ 18:11

Ka nyɔngɔ nde Muna-Nkpa ɗábiki kǒamisa ka měma ɓunde ɗáɓáɓúngigi.]

Matáyɔ 20:28

Kaɓondɔ unge, eme Muna-Nkpa kébiki ka gea ɓakpa ɓámɔbɛɗaneɛgɛ, nebiki ndiu ka bɛɗaneaga á ɓɔ na bisa á enda ani k'ophendɔ ka amisa á ɓakpa ɓásii.»

Matáyɔ 21:13

Mbusa, áǒgea ɓakpa ndɔ te: «Ɓáɗundu suɓi á Ɓuku ndea Mokonga ɓe: ‹Endu nɛmɔ ɓáɔphanande endu ɛ́mɛmi.› Cɔ, ɓenu ɓô ndiu obisa ú ɔma á dondanaga á ɓakukuɓa.»

Matáyɔ 23:13

Ngomi anu ɓaɗundu-ɛɔphi na Ɓaphaisáyɔ. Ɓona maibe! Ɓǒɗakea ɓakpa aphe á ngia ka koɓoamɛ ndea na koba na ɓenu ɓókóongia sasanu kau. Ɓókóokonda gea ɓunde ɓána mɔphɛ á ngia ɓángiɛ. [

Málikɔ 11:17

Mpɔ, áɔ̌phɛa ɓe: «Ɓáɗundu suɓi á Ɓuku ndea Mokonga ɓe: ‹Ɓáɔphanande endu nɛmɔ, endu ɛ́mɛmi á Mokonga ka ɓato á ka nji bui.› Cɔ, ɓenu ɓô ndiu obisa ú ɔma á dondanaga á ɓakukuɓa?»

Lóka 19:10

Nga, eme Muna-Nkpa, nebiki k'aphe á kaɓa na amisa á ɓakpa nde ɗáɓáɓúngigi.»

Yoáni 10:1

Cɔ, Yéso áogea: «Nenóngoɗi ɗoni. Mmbé nnaongia ka kǐo á ɓogaɔ á ɓamɔgɔgɔ, â ndiu oɗapha ɔma nɛngbo, mmbɔ ande nkukuɓa, phɔtɔ n'yóyombi.

Yoáni 10:11

Eme, nende mɓondigi anjánjá. Mɓondigi anjánjá aɔtɔka ɓeekea kukuwa ka amisa á ɓamɔgɔgɔ nɛkɛ ka kukuwa.

Yoáni 12:47

Kaɓɛ nkpa n'aɔ́ki ɓɔphɛi nɛmɔ na káambi, nna gǎkɛ eme aámbé netenande nyɔngɔ nɛkɛ. Nga, ɗébiki ka amisa á ɓato á ka mokonda, nna ka tena á nyɔngɔ nɛɓɔ.

Yoáni 12:6

Ɗákáyɔngi gǎkɛ ɓó ka nyɔngɔ á ngomi á ɓaúki, ɗátú ndiu ka nyɔngɔ nde ɗátú nkukuɓa. Yɛ, aámbé ɗáokumbaga njombi á imɔna, na bɛɗa kau ka phɔakɛ sasakɛ.

Yoáni 3:17

Mokonga ɗákánteki gǎkɛ Anakɛ ka gea te, átenɛ nyɔngɔ á ɓato á ka mokonda akpɛ. A ndiu ka gea, yɛ, éamisɛ ɓato á ka mokonda.

Yoáni 5:40

Nanga áɓá ɓó, ɓókókondi gǎkɛ bikia ani ka ɓá na enda.

Yoáni 6:33

Nga, mokati ndea Mokonga aunge aotóka na koba, áǒɓopha ɓato á ka mokonda enda.»

Yoáni 6:51

Nende mokati á endisa, nnde atóki na koba. Aoɓá nkpa n'aí ka mokati ndɔ, aendande mɛyɔ. Mokati ndɔ, ande kesuku ani, nnde něgabeande ɓato á ka mokonda ka gea, ɓáɓɛ na enda.»

Ɓalɔ́ma 2:21

Cɔ, oɓɛ ngoisigi á ɓakpa ɓunɛngbo, kó ǒgoisaga sasakɔ ee? Ɔɔphɛa ɓakpa ɓunɛngbo gea, ɓákáúɓɛmbɛ n'ɔɓɛ o goto oúɓa!

1 Timɔtɛ́ɔ 1:15

Nyɔngɔ á ɗoni nde akeni na ɓeekea í aungee: Ambe ɓakpa ɓɔbu ɓáɓeekeɛ phɔtɔ gea, Kiísito Yéso ɗábiki ka mokonda k'aphe á amisa á ɓato á ɓojeɗe. Eme nende nto á ɓojeɗe á k'ama mosá-mosá ka ɔlɔ aɓɔ.

Ɓaɛbulanía 6:17

Mokonga ɗáyami ɔphá gǔ á mɔkɔ ka úbisa ɓakpa nde ɓátɔande ɓotukɔ á mɔkɔ gea, Mokonga káketiɛeka tanda moangɔ nde abisi ka phɔa nkpa.

Ɓaɛbulanía 7:25

Ka nyɔngɔ índɔ unge aɔtɔka amisa á ɓakpa ka měma na ka sungiaga ɓunde ɓáombîmisia Mokonga k'aphe ndea akɛ. Nga, Yéso aoenda mɛyɔ ka ɗengemisaga á Mokonga ka phɔa ɓɔ.

2 Pɛ́tɛɛ 1:11

Kaɓondɔ, ɓánokoɗeande phɛɛ aphe á ngia ka koɓoamɛ á mɛyɔ ndea Mɔkɔta na Namisi nɛsu Yéso Kiísito.