Yoáni 1:9 - Ɔngana á Kɛ̌kɛ

⁹ Owanga ndɔ unge ɗátú tɔ á ɗoni, nnde abiki ka mokonda, n'aɔbɛnya ka ɓakpa ɓɔbu.

Yoáni 1:9 Iomraidhean Croise

Matáyɔ 6:23

A gǎkɛ oɓá iso akɔ n'ana kukuwa, nyama akɔ áoɓá ka kindi. Aoɓá owanga nde a suɓi akɔ n'ande kindi, kindi kau aɓande kindi á kindi.

Lóka 11:36

Aoɓá nyama akɔ bui n'aɔbɛnya, na kau nna ka kaiphiɔ, aɓande na bɛnya ɓea ɓî ɔbɛa aokojegisia bɛnya í.»

Yoáni 1:4

Yɛ, ɗátú cina á enda, enda ndɔ áoɓá owanga ka ɓakpa.

Yoáni 1:7

Yɛ, ɗábiki ka ɓá nɗigimisi, ka ɗigimisa á owanga ndɔɔ. Ka tɔ̌mia akɛ nyɔngɔ á owanga ndɔ, aunge ɓakpa ɓɔbu ɓáɓeeki.

Yoáni 12:46

Eme, nebiki ɓea owanga ka mokonda. Mmbé amoɓeeki, káikɛku ka keiphe.

Yoáni 14:6

Yéso áonsikisia gea: «Nende aphe, ɗoni, na enda. Nkpa nnaobika mɔtɛ á Abɛ, na kányɛ́nyi k'eme.

Yoáni 15:1

Nende mujabíbu á ɗoni, Abɛ ande gǎkɛ ngubi.

Yoáni 6:32

Mpɔ Yéso áǒgea: «Nenóngoɗi ɗoni gea, nna Mósa aámbé ɗánophi mokati n'atóki na koba. Abɛ ndiu aámbé aonopha mokati á ɗoni, nnde á na koba.

Yoáni 7:12

Ka usɛsɛ á ɓakpa, ɓakpa ɗáɓáɔngɔngɔnaga ka phɔa akɛ phɛɛ. Ɓuangbo ɗáɓáogea: «Yɛ, ande nkpa anjánjá.» Ɓuangbo ɓâ gǎkɛ ogea: «Ndǎkɛ! A ndiu ǒdemaga ɓakpa.»

1 Yoáni 1:8

Aoɓá na ɓɛyɔngi gea, ɓéké na ɓojeɗe, ande gea, ɓědemi sisasu, ɗoni nna suɓi asu.

1 Yoáni 2:8

Ɛɔphi nde nenóɗundui ande gǎkɛ tɔ á kɛ̌kɛ, nnde ɗoni í aɔnɛkani base suɓi á Kiísito na suɓi anu nga, kaiphiɔ age, owanga á ɗoni a ye ɔbɛnya.

1 Yoáni 5:20

Ɓeoúba gea, Miki-mǒko ndea Mokonga ɗábiki, áosópha úbapha nde aosóúbisa Mokonga á ɗoni. Ɓɛɔngani na Mokonga á ɗoni ka nyɔngɔ á Miki-mǒko nɛkɛ Yéso Kiísito mmbé ɓa Mokonga á ɗoni, mmbé ande enda á mɛyɔ.