Yoáni 1:51 - Ɔngana á Kɛ̌kɛ

⁵¹ Mbusa í, â phɔtɔ ongoɗea: «Eya, nenóngoɗi ɗoni gea, ɓɔɔnande koba n'akoɗokani, ɓamalaéka ndea Mokonga na ɓáotáia na dida gǔ ani eme Muna-Nkpa.»

Yoáni 1:51 Iomraidhean Croise

Matáyɔ 25:31

Mbenɔ nde Muna-Nkpa abikande k'óbebɔ nɛkɛ kimoci na ɓamalaéka ɓɔbu, aikande ka kankaanga á koɓoamɛ.

Matáyɔ 26:24

Muna-Nkpa akuande ɓíndɔ ɓáɗundu suɓi á Ɓuku á Mokonga ka phɔakɛ. Ande gǎkɛ ngomi phɛɛ ka mmbé antɔngi Muna-Nkpa! Atú ye phɔ́ oɓá ánjá ka nkpa ndɔ, ámbé ɗákáɓɔkɔtɛani.»

Matáyɔ 3:16

Mbusa á ɓatisa á Yéso, áojuana ka iɓo. Mɔngɔ moci koba áokoɗokana ka phɔakɛ. Yéso áɔmɔna Měma á kanga ɓojeɗe n'aodida gǔ akɛ ɓea mboe.

Matáyɔ 4:11

Mpɔ, nketi áonsaga Yéso, ɓamalaéka ɓáobika ɔmbɛɗaneaga.

Matáyɔ 8:20

Yéso áongoɗea: «Ɓanyama ɓea ɓakɛnsɛngɛ ɓá na kubu, ɓambǔ ɓá na iɓɔ. Cɔ, Muna-Nkpa, nna gǎkɛ na ɔma á tɔ̌.»

Matáyɔ 9:6

Ka gea ɓóúbɛ te, eme Muna-Nkpa, nena kɔkɔta á ima á ɓojeɗe ka mokonda ndee.» Mpɔ áongoɗea nkpa ndɔ te: «Ma, ɔ́bɛɗɛ eka nɛkɔ, ójɛ mɔtɛ-akɔ.»

Málikɔ 1:10

Mɔngɔ moci, ɓî Yéso ajúani ka iɓo, áɔɔna koba n'aúkukani, Měma á kanga ɓojeɗe áodida gǔ akɛ ɓea mboe.

Málikɔ 14:62

Yéso áosikisia: «Eya! Eme yɛ. Ɓenu phɔtɔ, ɓɔmɔɔnande, eme Muna-Nkpa, na neiki ka njaga á mǔku á Mokonga Mɛna-ɓukpɛkpɛ, na neobika k'égugu á na koba.»

Lóka 2:13

Kɛ̌kɛndɔ, ɓamalaéka ɓásii ka toka na koba ɓáɔnsɛnɛkɛa daɓɔ malaéka, ɓáombeba Mokonga ɓe:

Lóka 2:9

Cɔ, malaéka nde ɓa Mɔkɔta áɔsɛnɛka mosá aɓɔ cɛɗɛ! Owanga á ɓophombia ndea Mɔkɔta áǒkomba. Kɔɓɔɓɔkɔ ángbó áɔ̌bɛɗa.

Lóka 22:43

Mpɔ malaéka áotóka na koba, áɔnsɛnɛkɛa áomopha ɓukpɛkpɛ.

Lóka 22:69

Cɔ, kpanga kɛ̌kɛnde Muna-Nkpa aikande ka njaga á mǔku ndea Mokonga mɛna-ɓukpɛkpɛ.»

Lóka 24:4

Ɓáoyayama phɛɛ ka nyɔngɔ ndɔ. Mɔngɔ moci ɓǒko ɓaɓɛ ɓáɔ̌sɛnɛkɛa, cɛɗɛ! Na ɓáɔ́ligi ngɔ́mbɛ á phenuaga phɛɛ.

Lóka 3:21

Mbusa á Yoáni ɓatisa á ɓakpa ɓɔbu ɓunde ɗáɓátú wa, â phɔtɔ omɓatisa Yéso. Cɔ, ɓî Yéso ɗáɔmɛma, koba áokoɗokana,

Yoáni 1:50

Yéso áonsikisia gea: «Omoɓeeki ka nyɔngɔ nde nekongoɗi gea, ɗɛ́kɔɔni kusi á me? Cɔ, ɔɔnande kema ángbó kɔnyɛ́nya nndee.»

Yoáni 10:1

Cɔ, Yéso áogea: «Nenóngoɗi ɗoni. Mmbé nnaongia ka kǐo á ɓogaɔ á ɓamɔgɔgɔ, â ndiu oɗapha ɔma nɛngbo, mmbɔ ande nkukuɓa, phɔtɔ n'yóyombi.

Yoáni 10:7

Kaɓondɔ, Yéso â goto ǒngoɗea: «Nenóngoɗi ɗoni gea, nende kǐo á ɓɔgaɔ á ɓamɔgɔgɔ.

Yoáni 13:16

Nenóngoɗi ɗoni gea, nna na mbɛɗanigi nde anyɛ́nyi mɔkɔta nɛkɛ. Nna phɔtɔ na nteki nde anyɛ́nyi mmbé anteki.

Yoáni 13:38

Mpɔ, Yéso áonsikisia: «Oɓeeki kukuwa ka nyɔngɔ ani ɗoni? Nekongoɗi ɗoni gea, omonganande mɔngɔ isaɔ, mosá á ɔsa á kɔkɔ.»

Yoáni 14:12

Nenóngoɗi ɗoni, nkpa nde amoɓeeki, abɛɗanagande ekuma ɓíndɔ nɛbɛɗanigi. Atɔtɔkisande phɔtɔ kema ángbó kɔmɔnyɛ́nya. Nga, nege ye mɔtɛ á Abɛ.

Yoáni 16:20

Cɔ, nenóngoɗi ɗoni gea, ɓogámande, ɓóoɓá n'oiɔ, ɓato á ka mokonda ɓâ gǎkɛ oɓá na maseye. Ɓotambagande ka měma, tambaga ndɔ ěgaiande gǎkɛ ka maseye.

Yoáni 16:23

Esa ndɔ, ɓókómoúsiɛku ye ka kema. Nga, nenóngoɗi ɗoni gea, Abɛ anóphande kema bubui nde ɓɔɔmɛma k'ína ani.

Yoáni 21:18

Nekongoɗi ɗoni gea, mbenɔ nde ɗótú moganda, ɗótú ɔ̌ɓɔɛa aégba ndeakɔ sasakɔ. Ɗótúoga ɔma nde ɗótúokonda. Cɔ, mbenɔ nde oɓande gǎkɛ phomi, onanoagande njaga akɔ, nkpa ɓaangbo akɔɓɔɛande aégba nɛkɔ na gǎ akɔ ně ɔma nde kókóndɛku gǎ.»

Yoáni 3:3

Yéso áonsikisia: «Nekongoɗi ɗoni gea, nkpa nde káɓɔkɔtɛani mɔngɔ á ko iɓɛ, káɔnɛku koɓoamɛ ndea Mokonga.»

Yoáni 3:5

Yéso áonsikisia: «Nekongoɗi ɗoni gea, nkpa nde káɓɔkɔtɛani ka iɓo na ka ɓukpɛkpɛ á Měma, kángiɛku ka koɓoamɛ ndea Mokonga.

Yoáni 5:19

Yéso â goto osikia yɔnga, áǒngoɗea ɓe: «Nenóngoɗi ɗoni: Miki, nnaɔtɔka n'agi ka kema ka yɛ sasakɛ, a tɔ ogea nnde áɔmɔna Abakɛ n'aogea nga, kema bui nde Abɛ aogea, aunge Miki a phɔtɔ ogea ú.

Yoáni 5:27

Amophi phɔtɔ Miki kɔkɔta á tena á nyɔngɔ, ka nyɔngɔ nde ande Muna-Nkpa.

Yoáni 6:26

Yéso áǒsikisia gea: «Eya, nenóngoɗi ɗoni gea, ɓoomokaɓa nga, ɗóɓoí mokati, ɓóokúta, nna ndiu gea, ɓoengekisi kantíti á mphangiɔ á ketangaɔ nde nɛtɔtɔkisi.

Yoáni 6:32

Mpɔ Yéso áǒgea: «Nenóngoɗi ɗoni gea, nna Mósa aámbé ɗánophi mokati n'atóki na koba. Abɛ ndiu aámbé aonopha mokati á ɗoni, nnde á na koba.

Yoáni 6:47

Eya, nenóngoɗi ɗoni gea, mmbé aɓeeki, ana enda á mɛyɔ.

Yoáni 6:53

Yéso áǒgea: «Nenóngoɗi ɗoni gea, aoɓá na ɓókóí kesuku á Muna-Nkpa na noa magia akɛ, ɓókóɓɛku na enda.

Yoáni 8:34

Yéso áǒsikisia ɓe: «Nenóngoɗi ɗoni gea, nkpa buakɛ mmbé aogea ɓojeɗe, ande nkɔɓɛ á ɓojeɗe.

Yoáni 8:51

Nenóngoɗi ɗoni, aoɓá nkpa n'aambi nyɔngɔ nɛmɔ, kákuwɛeka ye tanda.»

Yoáni 8:58

Yéso áǒsikisia: «Nenóngoɗi ɗoni, Mosá á ɓɔkɔtɛana á Abalaámu, EME NEƁEI.»

Ekuma á ɓateki 10:11

Aɔɔna koba n'akoɗokani. Kema moci ɓea ngɔ́mbɛ n'ǎgbae áodida ka oɗo, na ɓáɓóege ɛɔkɔ í bui gena na ngoi.

Ekuma á ɓateki 7:56

Áɔyɔnga te: «Ɔ́mɔɔ́kani! Nɛɔni koba n'akoɗokani, Muna-Nkpa, n'amamege ka njaga á mǔku á Mokonga.»

2 Ɓatɛsalɔníka 1:7

Cɔ, ɓenu íɓunde ɓootambaga, Mokonga anóphande muumbiɔ kimoci na ɓesu mbenɔ nde Mɔkɔta Yéso asɛnɛkande. Atókande na koba, kimoci na ɓamalaéka nɛkɛ ɓunde ɓána ɓukpɛkpɛ.

2 Ɓatɛsalɔníka 1:9

Tambaga nɛɓɔ, aɓande otúkɔtúkɔ á kanga sungiaga, na katana ɗanga na Mɔkɔta, na katana ɗanga na ɓoombia á ɓukpɛkpɛ nɛkɛ.

1 Timɔtɛ́ɔ 3:16

Ɓɔphɛi á ɗoni ndɔ ande kema á ɓɔsɔmɛa, nnde Mokonga aúbisi, n'ande ángbó phɛɛ, nnde nkpa nnaɔtɔka n'ayé! Kiísito ɗásɛnɛki n'ande nkpa, Měma á Mokonga ɗánɗigimisi gea ande nto á ɗoni. Ɓamalaéka ɗáɓámɔni. Ɓakpa ɗáɓátɔ̌migi nyɔngɔ nɛkɛ k'ékuna bui. Ɓámɓeeki k'ɔ́ma bui. Mokonga ɗántáisi ka ɓoombia na koba.

Ɓaɛbulanía 1:14

Cɔ, ɓamalaéka ɓánde ɓaani? Ɓɔbu ɓá tɔ ɔmbɛɗaneaga Mokonga. Yɛ aǒteka ka enga ɓakpa nde ɓátɔande ɓoamia á ka měma.

Yúda 1:14

Cɔ, nyɔngɔ aɓɔ unge Ɛnɔ́ka nkpa á ko ngianjaga iɓɛ kpangá ka Adámu ɗáɔtu kala gea te: «Ɔ́nani, Mɔkɔta aobika na ɓamalaéka ndeakɛ ɓásii phɛɛ

Mphaniɔ 19:11

Mpɔ, nɛ́ɔɔna koba n'akoɗokani. Phalási abúbú áɔsɛnɛka. Mmbé akǎmbi gǔ akɛ ɓáɔmɔphana Mɓêki na Nto á ɗoni nga, aotena nyɔngɔ na mana ka koɗoni.

Mphaniɔ 4:1

Mbusa índɔ, ɗɛ́ɔni mphaniɔ nɛngbo, kǐo á na koba n'aúkukani. Ɛsɔ nde ɗɛ́ɔ́ki n'aɔyɔnga n'eme mosá, n'akengeani na ɛsɔ á mbengu, áomongoɗea: «Cɔ, ɗapha koni, neophangiande nnde akeni ákiɗianɛ mbusa.»