Yoáni 1:42 - Ɔngana á Kɛ̌kɛ

⁴² Mpɔ, Andeé, áonga ně mosá á Yéso. Yéso â gǎkɛ ontúmia n'iso, áongea: «Onde Simɔ́ni, muna Yoáni. Ɓákɔɔphanande Kɛ́pha, ande gea, Ɛtɛ.»

Yoáni 1:42 Iomraidhean Croise

Matáyɔ 10:2

Cɔ, ina á ɓateki ndɔ aunge: Simɔ́ni, mmbɔ ɗáɓánsǔ Pɛ́tɛɛ na muna-amakɛ Andeé, Yakɔ́ɓɔ na muna-amakɛ Yoáni ɓana Jɛbɛdáyɔ.

Málikɔ 3:16

Ɓateki nɛkɛ nkama na ɓaɓɛ (12) ɓunde ɗɛ́sɔmbu ina aɓɔ aungee: Simɔ́ni mmbɔ Yéso ɗánsu Pɛ́tɛɛ,

Lóka 5:8

Simɔ́ni Pɛ́tɛɛ aɔni ye ɓó, áogbúka muanku akɛ mosá á Yéso, áongea: «Mɔkɔta, tóka ka mpɛphɛ ani nga, nende nto á ɓojeɗe.»

Lóka 6:14

Ina aɓɔ aungee: Simɔ́ni, mmbɔ Yéso ɗánsǔ Pɛ́tɛɛ, muna-amakɛ Andeé, Yakɔ́ɓɔ, Yoáni, Philípɔ, Batɔlɔmáyɔ,

Yoáni 13:18

Nyɔngɔ nde nɛɔyɔnga nna ka ɓenu ɓɔbu. Néoɓúba ɓunde ɗɛ́sɔmbu. Akeni gǎkɛ nyɔngɔ nde a suɓi á Ɓuku á Mokonga átɔtɔkɛanɛ. ‹Nkpa nde ɓeoeaga na yɛ, aámbé ande mɓiɓia ani.›

Yoáni 21:2

Simɔ́ni-Pɛ́tɛɛ, Tɔmá mmbé ɗáɓáɔmɔphana Mphase, Natanaɛ́li nto á ka Kána á ka Galiláya, ɓana Jɛbɛdáyɔ na ɓagoigi ndea Yéso ɓuangbo ɓaɓɛ, ɗáɓátú kimoci.

Yoáni 4:16

Mpɔ, Yéso áongoɗea gea: «Gǎ, ɔ́mɔphanɛ munyakɔ, ɓóbikɛ na yɛ wani.»

1 Ɓakɔlítɔ 1:12

Nekondi ngoɗea anu ɓe: Sɔsɔɓɛ anu, nkpa na nkpa aɔyɔnga yɔnga ínɛkɛ gea: «Eme, nende nkpa nde ɓa Pɔ́lɔ.» Ɓaangbo: «Eme nende ɓa Apɔ́lɔ.» Ɓaangbo: «Eme nende ɓa Pɛ́tɛɛ.» Na ɓaangbo «Eme nende ɓa Kiísito.»

1 Ɓakɔlítɔ 15:5

Áɔnsɛnɛkɛa Pɛ́tɛɛ, mpɔ áɔ̌sɛnɛkɛa ɓateki nkama na ɓaɓɛ (12).

1 Ɓakɔlítɔ 3:22

Nanga áɓá Pɔ́lɔ, áɓá Apɔ́lɔ, áɓá Pɛ́tɛɛ, nanga á ɓá mokonda, áɓá enda, áɓá kukuwa, nanga áɓá matú á kɛ̌kɛ, áɓá matú nde abikaeka, kema bubui ande anu.

1 Ɓakɔlítɔ 9:5

Kákeni néɓɛ na ɓake-ɓaɓêki ka tamba, ɓea ɓadasu ɓateki ɓunɛngbo, ɓea Pɛ́tɛɛ na ɓana-amakɛ na Mɔkɔta ee?

Ɓagalatía 1:18

Mbusa á ɓasaga ɓasaɔ, ɗége na Yɛusalɛ́ma k'aphe á úbana na Pɛ́tɛɛ na ika na yɛ ka ɓ'esa nkama na ɓɔku (15).

Ɓagalatía 2:11

Mbenɔ nde Pɛ́tɛɛ ɗákiɗi gǎkɛ ka Antiɔkía, néonkeea mosá á ɓakpa ɓɔbu nga, ɗági ájeɗe.

Ɓagalatía 2:9

Mpɔ, Yakɔ́ɓɔ, Pɛ́tɛɛ na Yoáni, ɓî ɗáɓáeseɓei ɓea nsukiɔ á kanisa, ɓáoengekisa ebigɔ nde Mokonga amopi. Ɓáosopha njaga eme na Baanába ka ɔnisa ɔngana. Ɓɛ́ɔɔ́kana na ɓɔ ka gea, ɓesu ɓégɛ bɛɗanɛgɛ mɔtɛ á ɓakpa nde ɓáná Ɓayúda, ɓɔ gǎkɛ ɓágɛ bɛɗanɛgɛ mɔtɛ á Ɓayúda.