Yoáni 1:4 - Ɔngana á Kɛ̌kɛ

⁴ Yɛ, ɗátú cina á enda, enda ndɔ áoɓá owanga ka ɓakpa.

Yoáni 1:4 Iomraidhean Croise

Matáyɔ 4:16

Ɓakpa nde ɓáiki ka keiphe ɓáɔni owanga ángbó. Ɓakpa nde ɓáiki ka nji nde iimbiɔ á kukuwa a kau, owanga ángbó a ye ojegia.»

Lóka 2:32

ande gea owanga ka phangia á ɓato á ka mokonda ɓɔbu, n'ande phɔtɔ ɓoombia ka ɓato á ekuna nɛkɔ, Ɓaisilaɛ́li.»

Yoáni 11:25

Mpɔ, Yéso áongoɗea te: «Nende Jujúka ka kukuwa na enda. Mmbé amoɓeeki, aendande nanga ákuwa.

Yoáni 12:35

Yéso áǒngoɗea: «Owanga a phɔ́tɔ sɔsɔɓɛ anu ka mbenɔ ábɔa. Tambani ɓî ɓo phɔ́tɔ na owanga, ka gea, kaiphiɔ kanódondɛmbɛ kángá á ɓá na mosenda í. Nga, nkpa nde aotamba ka kaiphiɔ, nnaoúba ɔma nde aoga.

Yoáni 12:46

Eme, nebiki ɓea owanga ka mokonda. Mmbé amoɓeeki, káikɛku ka keiphe.

Yoáni 14:6

Yéso áonsikisia gea: «Nende aphe, ɗoni, na enda. Nkpa nnaobika mɔtɛ á Abɛ, na kányɛ́nyi k'eme.

Yoáni 3:19

Cina á tena á nyɔngɔ nɛkɛ akpɛ a ɓe: owanga ndea Mokonga abiki ka mokonda. Ɓakpa ɓáyé gǎkɛ owanga ndɔɔ, ɓâ ndiu okonda kaiphiɔ. Nga, tambea aɓɔ aájeɗe.

Yoáni 5:21

Nga, a tɔ ɓíndɔ Abɛ aǒjujukisa ɓasí ka kukuwa na endisa aɓɔ goto, a phɔtɔ ɓó unge Anakɛ aonendisa nkpa buakɛ mmbé akondi endisa akɛ.

Yoáni 5:26

Nga, a tɔ ɓíndɔ Abɛ ande cina á enda akɛ sasakɛ, amophi phɔtɔ Miki cina á enda ka yɛ sasakɛ.

Yoáni 8:12

Yéso â goto ǒngoɗea ɓakpa te: «Nende owanga ka mokonda. Mmbé aomoɓea, kátámbɛku tanda ka keiphe, aɓande ndiu na owanga á enda.»

Yoáni 9:5

Ka mbenɔ nde ne phɔ́tɔ ka mokonda, nende owanga á ka mokonda.»

Ekuma á ɓateki 26:23

atókeni Kiísito átambɛgɛ, áɓɛ nto á k'ama mosá-mosá á jujúka ka kukuwa sɔsɔɓɛ á ɓasí. Yɛ, aɛtɔmiande Ɓayúda na ɓunde ɓáná Ɓayúda nyɔngɔ á ɓoamia ka gea ɓáendɛ suɓi á owanga.»

1 Ɓakɔlítɔ 15:45

Cɔ, ɓáɗundu suɓi á Ɓuku á Mokonga ɓe: «Nkpa á k'ama mosá-mosá, ina akɛ Adámu. Mokonga ɗámophi enda.» Kiísito ande gǎkɛ Adámu nde ɓa mbusa. Měma akɛ unge aobikisa enda.

Ɓaɛphɛ́sɔ 5:14

Nga, kema bui nde aɔɔnɛkana base ande owanga. Kaɓondɔ unge ɓági: «Jujúka oɓɛ ímbɔ oka tɔ̌, Jujúka ka kukuwa ka ɔlɔ á ɓasí, na Kiísito abɛnyande gǔ akɔ.»

Ɓakɔlɔsái 3:4

Cɔ, ɓî Kiísito ande enda anu á ɗoni, ka sɛnɛka akɛ, ɓɔsɛnɛkaeka na yɛ ka ɓoombia nɛkɛ.

1 Yoáni 1:1

Ɓɛɔnɔtɔmia Moyo nde aoendisa nnde ɗátú kpanga nkpangeɔ. Ɗɛ́ɓɛɔ́ki ú, ɓɛ́ɔɔna ú n'íso asu sisasu, ɓeotúmia ú n'íso, ɓéoɓaɓa ú.

1 Yoáni 1:2

Enda kau áɔɔnisa base, ɓɛ́ɔɔna ú. Ɓende ɓaɗigimisi, ka ɓondɔ unge ɓɛɔnɔtɔmia mbino á enda á mɛyɔ nnde ɗátú bíbí á Abɛ na áɔɔnisa base.

1 Yoáni 5:11

Nyɔngɔ nde Mokonga aɗigimisi aungee: Yɛ ɗásóphi enda á mɛyɔ nnde aotóka ka Miki-mǒko nɛkɛ.

Mphaniɔ 22:1

Mpɔ, malaéka ndɔ, aómophangia oɓenge á enda n'aophénuaga ɓea ngaɛ́, áojuana ka kankaanga ndea Mokonga na Muna-mɔgɔgɔ.

Mphaniɔ 22:16

«Eme Yéso, nentekima malaéka nɛmɔ ka úbisa anu nyɔngɔ ndɔ bui ka kanisa ɗanga-ɗanga. Neɓɔkɔtɛani k'ékombo ndea Moamɛ Daúdi, Sɛɛngɔa á bɛnya á kamɓimba.»