Yoáni 1:3 - Ɔngana á Kɛ̌kɛ

³ Mokonga ɗáconji kema bui ka Moyo. Nna tanda na kema moci nde ɗágeani kángá yɛ.

Yoáni 1:3 Iomraidhean Croise

Yoáni 1:10

Moyo ɗátú ka mokonda. Mokonga ɗáconji mokonda ka Moyo, ɓato á ka mokonda ɗáɓákánengekisi gǎkɛ.

Yoáni 1:2

Moyo nde ɗátú kimoci na Mokonga ka nkpangeɔ.

1 Ɓakɔlítɔ 8:6

Ka ɓesu gǎkɛ, Abasu Mokonga a tɔ mo, mmbé aconji kema bubui, na ka ɓukpɛkpɛ nɛkɛ aunge ɓeoenda. Mɔkɔta a tɔ mo, Yéso Kiísito, mmbé kema bui a ɓei ka nyɔngɔ akɛ, na ka ɓukpɛkpɛ nɛkɛ aunge ɓeoenda.

Ɓaɛphɛ́sɔ 3:9

Ne phɔtɔ óɓúbisa ɓakpa ɓɔbu base kantíti á ɓî Mokonga aɔtɔtɔkisa moangɔ nɛkɛ á ɓɔsɔmɛa. Yɛ Nconji á kema bui ɗásɔ̌mi moangɔ ndɔ kpanga kala.

Ɓaɛbulanía 11:3

Ka nyɔngɔ á ɓeekea aunge ɓeúbi gea te, Mokonga ɗáconji mokonda k'ɛ́sɔ akɛ nga, kema nde ɓɛɔɔna ɗátɔtɔkɛani k'índe nna ɔɔnɛkana.

1 Yoáni 5:1

Nkpa buakɛ mmbé aɓeeki gea te, Yéso ande Kiísito, ande muna-Mokonga. Nkpa buakɛ mmbé ankondi Abɛ, aekondi phɔtɔ ɓ'anakɛ.

Mphaniɔ 3:14

Nɗunduia malaéka á ka kanisa ndea ka Laɔdikía ɓe: Mmbé ɓáɔmɔphana Áɓɛ ɓó, nɗigimisi nde akeni na mmbé ande ɗoni, nkpangeɔ á kema bui nde Mokonga ɗáconji ayɔngi ɓe:

Mphaniɔ 4:11

«Mɔkɔta nɛsu Mokonga, okeni na opha akɔ ɓoombia, ɓokutú, na ɓukpɛkpɛ. Nga, oɓɛ aámbé ɗóconji kema bui, Ka nyɔngɔ á mɔphɛ nɛkɔ aunge, kema bui ɓácɔnji na a ɓei.»