Yoáni 1:21 - Ɔngana á Kɛ̌kɛ

²¹ Ɓakpa ndɔ ɓâ goto omúsia: «Cɔ, onde gǎkɛ ani? Onde Elía?» Áǒsikisia: «Ɓɛɛndɔ. Ké Elía.» Ɓâ goto omúsia: «Onde Mɔtu-nyɔngɔ ndea Mokonga?» Yɛ, áǒsikisia: «Ɓɛɛndɔ.»

Yoáni 1:21 Iomraidhean Croise

Matáyɔ 11:14

Aoɓá na ɓokondi ɓeekea akɛ, Yoáni aámbé ande Elía mmbé ɗáɓáyɔngi ka phɔa akɛ gea abikande.

Matáyɔ 16:14

Ɓáonsikisia gea: «Ɓakpa ɓuangbo ɓáɔyɔnga gea, onde Yoáni-Mɓatisi, ɓuangbo, onde Elía, ɓuangbo, Yɛɛmía, ɓuangbo, onde ka ɓaɔtu-nyɔngɔ ndea Mokonga.»

Matáyɔ 21:11

Ɓundɔ ɗáɓátambi kimoci na Yéso ɓáǒsikisia te: «Ande Yéso mɔtu-nyɔngɔ ndea Mokonga, nto á Najalɛ́ti á ka Galiláya.»

Lóka 1:17

Ammɛande Mɔkɔta mosá, atambande na měma á ɓukpɛkpɛ ɓíndɔ Elía mɔtu-nyɔngɔ ndea Mokonga ɗátú ně. Abikande k'aphe á ɔnganisa á ɓaɓɔkɔti na ɓ'anaɓɔ, ɓaɗakekanigi-kecue ɓáúbaphande ɓea ɓato á koɗoni. Abisande měma ánjá suɓi á ɓakpa ka ɓondea á Mɔkɔta nɛɓɔ.»

Yoáni 1:22

Kaɓondɔ ɓáomúsia: «Onde gǎkɛ ani? Nga, ɓena siki á sikisia á ɓoabi ka ɓaamɛ nde ɓásoteki. Cɔ, ogi ka phɔakɔ sasakɔ ɓo?»

Yoáni 1:25

Ɓáomúsia Yoáni te: «Aoɓá na kó Kiísito, na kó Elía, na kó Mɔtu-nyɔngɔ ndea Mokonga, cɔ, ooɓatisa ka ɓo?»

Yoáni 6:14

Ɓî ɓakpa ɓáɔni ye Yéso n'atɔtɔkisi ketangaɔ ndɔ, ɓáogea: «Ɗoni, mmbé ande Mɔtu-nyɔngɔ ndea Mokonga mmbé ɗákeni bika ka mokonda.»

Yoáni 7:40

Mbusa á ɔ́ka aɓɔ nyɔngɔ ndɔ, ɓakpa ɓunɛngbo suɓi á usɛsɛ á ɓakpa ɓáogea: «Nkpa nde ande Mɔtu-nyɔngɔ ndea Mokonga ɗoni.»