Yoáni 1:12 - Ɔngana á Kɛ̌kɛ

¹² Ɓuangbo gǎkɛ ɓunde ɗáɓánsesi na ɓeekea akɛ, áǒɓopha kɔkɔta á ɓá ɓana-Mokonga.

Yoáni 1:12 Iomraidhean Croise

Matáyɔ 10:40

«Nkpa nde anósesi, amosesi. Nkpa nde amosesi, ansesi mmbé amoteki.

Matáyɔ 12:21

Na ɓakpa ɓɔbu ɓunde ɓáná Ɓayúda, ɓánseɓeande.»

Matáyɔ 18:5

Nkpa buakɛ mmbé aonsesea miki abɔbɔa ɓea mmbé k'ína ani, amosesi eme.

Yoáni 1:11

Moyo ɗábiki mɔtɛ-aɓɔ, ɓakpa nɛɓɔ ɗáɓákánsesi.

Yoáni 1:7

Yɛ, ɗábiki ka ɓá nɗigimisi, ka ɗigimisa á owanga ndɔɔ. Ka tɔ̌mia akɛ nyɔngɔ á owanga ndɔ, aunge ɓakpa ɓɔbu ɓáɓeeki.

Yoáni 11:52

Nna tɔndɔ ka nyɔngɔ á ekuna, ɗátú phɔtɔ ka nyɔngɔ á dondanisaga ɓana-Mokonga ɓɔbu kimoci, ɓunde ɗáɓáphanjekani.

Yoáni 2:23

Cɔ, ka matú ndɔ ɓî Yéso ɗátú na Yɛusalɛ́ma ka jaí á Pasáka, ɓakpa ɓásii ɓáomɓeekea, ka nyɔngɔ á ɔna á ketangaɔ nde ɗáɔtɔtɔkisa.

Yoáni 20:31

Cɔ, ɗáɓáɗundu gǎkɛ nnde ka gea, ɓóɓeekeɛ gea, Yéso ande Kiísito Muna-Mokonga. Kaɓɛ na ɓomɓeeki, ɓoɓande na enda ka yɛ.

Yoáni 3:18

Mmbé amɓeeki Anakɛ, Mokonga kátenɛku nyɔngɔ nɛkɛ akpɛ. Cɔ, mmbé kámɓeeki gǎkɛ, Mokonga ateni ye tɔ nyɔngɔ nɛkɛ akpɛ. Nga, yɛ káɓeeki ina á ngɔmu ndea Mokonga.

Ekuma á ɓateki 3:16

Cɔ, nɗɔti nde ɓɔɔmɔna na ɓoomúba wani, aami ánjá phɛɛ ka nyɔngɔ á ɓeekea á ɓukpɛkpɛ á ina á Yéso. Ɓeekea ndɔ unge akpengeanisi ɓoamia nde mosá anu.

Ɓalɔ́ma 8:14

Nga ɓakpa ɓɔbu ɓunde Měma á Mokonga aǒtambisa, ɓánde ɓana-Mokonga.

Ɓalɔ́ma 8:16

Měma á Mokonga sasakɛ aámbé aɗigimisi měma asu gea, ɓesu ɓende ɓana-Mokonga.

Ɓalɔ́ma 8:19

Kema bui nde Mokonga aconji aoɓondea na mosenda phɛɛ mbenɔ nde Mokonga aphangisiaeka ɓoombia á ɓ'anakɛ base.

Ɓagalatía 3:26

Cɔ, ɓenu ɓɔbu, ka nyɔngɔ á ɓeekea a Yéso Kiísito, ɓo ye tɔ ɓana-Mokonga.

Ɓagalatía 4:6

Ka engekisa gea ɓonde ɓ'anakɛ, Mokonga ɗásotekisíí Měma á Anakɛ suɓi á měma asu. Měma kau aokoga: «Aba!»

Ɓakɔlɔsái 2:6

Cɔ, ɓî ɓomɓeeki Mɔkɔta Yéso Kiísito, júkanani na yɛ ka enda anu.

2 Pɛ́tɛɛ 1:4

Ka nyɔngɔ índɔ unge, asophi mɔkɔ ánjá phɛɛ na ángbó ka gea, ɓókongiɛmbɛ ka otúkɔtúkɔ nde mɔphɛ ájeɗe á ka mokonda aobika ně na ɓójukanɛ na Mokonga sasakɛ.

1 Yoáni 3:1

Cɔ, ɔnani phɔ́ ɓî Abɛ Mokonga asokondi! Aɔsɔɔphana ɓ'anakɛ, n'ande ɗoni ɓende ɓana-Mokonga. Ɓato á ka mokonda ɓáná gǎkɛ osoúba ka nyɔngɔ nde, ɓánáomúba Mokonga.

1 Yoáni 3:10

Aphe á uba ɓana-Mokonga na ɓana-nketi aungee: Nkpa nde nnaotamba k'aphe á koɗoni na nnaonkonda dakɛ, aámbé nna muna-Mokonga.

1 Yoáni 3:2

Ɓadani ékondi, kɛ̌kɛnde ɓe ye tɔ ɓana-Mokonga. Yɛ kásophangimbɛ gǎkɛ base, ámbé ɓeɓáeka ɓo. Nnde ɓeúbi, ande gea te, mbenɔ nde Kiísito asɛnɛkande, ɓéɓande ɓea yɛ nga, ɓɛmɔnande ɓíndɔ aɔ.

1 Yoáni 3:23

Ɛɔphi nɛkɛ aungee: Ɓéɓeekeɛ ina á Anakɛ Yéso Kiísito, na kondana ngǔngu asu ɓíndɔ ɗásósosi.